1 Juan 5:11 - Wounaan Meu

¹¹ Mag irua maachig jaau sim iekhan, maach ich denkha auwia ich mag ich dʉi wenʉrrapijuuta jaau sim; pari mag i denkhanaa i dʉi ich mag wenʉrrajuun, ãba ich Ẽwandam Iewaa gaaimuapaiu.

Woun Meu

¹¹ Mag hirua maachig jaau sim hiek'an, maach hich dënk'a hauwia hich mag hich dʌ̈i wënʌrrapijuuta jaau sim; pari mag hi dënk'anaa hi dʌ̈i hich mag wënʌrrajuun, hãba hich Hẽwandam Hiewaa gaaimuapaiu.

1 Juan 5:11 Iomraidhean Croise

San Mateo 25:46

Maimua ya ãbmiecha iekha oogpamua maar dakhĩir, —Muata mag iekhabarm khʉʉnan khĩmie durrta wetjugui ajim, mamta ich mag dau aphʉʉ wenʉrraag. Mamʉ õor wäjäaun mag mʉch juachaar gar atham khʉʉnan, mʉch dʉita ich mag iiu nʉisijugui ajim, ich mag wenʉrraag.

San Juan 1:19

Mag Ẽwandamau pʉiju jaaujerr beeju anʉm ich ẽudee urum Juanau jaau nʉrrarr ed gaai Jerusalén phobor eemua judionaan chi porkha narr khʉʉnau phadnaan pʉijierram, Levinaan a thʉ̃ʉrjerr khʉʉn dʉi, makhʉʉnau chi Juan aar wetwia irig, “¿Pʉ khaíuma? ¿Pʉʉta nawe Ẽwandamau pʉiju a jaaujerrá?” a khap jeeumkhĩir.

San Juan 1:4

Ichdeuta maach akhaarjã iiupi aaujem. Maagwai i gaaimuata ararag bʉʉg oo nʉmjo maadeu khaphʉ nʉm, jãga sĩerrʉ́ ich Ẽwandam chi Aaijã, mag khaphʉ apieg ich chi Iewaata thumaam khʉʉn athee õtdau paa dʉnʉmjo sĩewai.

San Juan 10:28

Magbaawai mʉchdeuta mʉch Aai aar am oberju aai apiejem, tag okhooba sĩi i chaainkha ich mag wenʉrramkhĩir. Ya magbarm chan ni ãbmuajã mʉ jua eem khechthʉg aubamgui ajim.

San Juan 12:50

Mua mʉchdeujã khaphʉ chirʉmgui ajim, chi mʉ Ayau nem jaaupʉi sim ipierraa nʉm khʉʉnan ʉ̃gthar oberwiajã ich mag i dʉi iiu wenʉrraju. Magua, mua nem jaau chitʉmʉn, mʉch Ayau mʉchig jaaupi jaautarrjota jaau chitʉmgui ajim.

San Juan 14:6

Magbaawai ich Jesuu, —Mʉchpaita ʉ̃gthar maajem khʉd khabahab ajim. Mʉ gaaimuata chadam iekjã pãrau khaphʉ nʉm. Mʉchdeuta mʉg jẽb gaaiwe õor Ẽwandam denkhapiejem. Ãba mʉ gaaimuapaita õran mʉ Aai aar barju aai nʉmgui ajim.

San Juan 19:35

Mʉch chi mag jaau chirʉmuan mʉch daúacha ootarr aawaita chadcha mag jaau chirʉm. Mua khaphʉ chirʉm, mʉchdeu chadchata nem jaau chirʉm. Mag chadcha arr nemta jaau chiraawai pãrag ʉkhamkhĩirta mʉg phã chirʉm.

San Juan 3:36

Magtarr aawai chadcha chi Ẽwandam Iewaagta ich peerdʉ aupi sim khʉʉn mʉg eegarwejã ya ich denkha sĩsimgui ajim anʉm, i aar oberwia i dʉi ich mag nʉrraag. Pari Ẽwandam Iewaa iekta ʉkhaba abarm chan i aarjã oberba, warag i gaaita Ẽwandamau ich khĩir machag meeupʉijugui ajim aajem, ich Juanau ich dʉi wenʉrraajerr khʉʉnag. Magta Juan chi õor por choomieu Jesús tho iekhamajim aajem.

San Juan 4:36

Õor jãg thʉnʉmʉg Ẽwandam iek jaau nʉmta nemjĩir phierr nʉmjo phidkha nʉm khʉʉnag chan Ẽwandamau phagab khaba phagjugui ajim. Mag amau i athee õor gan aumam khʉʉnan ich mag i dʉi wenʉrraagau. Ya mag nʉisim aig chi nacha i iek jaautarrjã onee awia ẽudee jaaumamua ʉkhapi atham khʉʉnjã chi nacha jaautarr dʉi ãba onee ajugui ajim.

San Juan 4:4

Mag wetumua ichiita Samaria durr dichab khaba dichju ajim.

San Juan 5:21

Ich jãg chi Ayaujã õor mee nʉm khʉʉnjã phiriutkha auwia ich mag ich dʉi wai sĩejemjo, mʉch chi Chaairaujã mʉchdeu magam khõsim khʉʉn dʉin ich agjo ajugui ajim.

San Juan 5:26

Ich jãg chi Ayaujã ichdeuta õor iiupiejemjo, ich denjo amkhĩir mʉch chi Chaairagjã agjo ich jua theeg deejimgui ajim.

San Juan 6:40

Mʉ Ayaun, ar mʉ igwia “Jãata chadcha i Iewaau” anaa mʉ iek ʉkha nʉm khʉʉnta mʉg atag pawiajã ich mag ichjo iiu wenʉrrapim khõsi sim. Pari magaagan mʉg atag mʉg durr o nʉm edjã mʉchdeuta am phiriutkha aujugui ajim ich Jesuu.

San Juan 6:47

Magnaa, Mua mag chirʉmgui ajim: Chi mʉ iek ich thãraucha ʉkha simʉn mʉg atagjã ich mag Ẽwandam denkha sĩsim iekhau.

San Juan 6:68

Magbaawai Simón Pedroou irig, —Señor, mag wetwiajã, ¿khai aar maar ereubaadeju? Ãba pʉchdeupaita õor iiupiejem iek wai sĩebahab ajim.

Romanos 5:21

Warr jãg pekau õor meepieg ichta jua theeg ʉ̃rpai sĩerrjo, ĩsjã ĩchab Ẽwandam jua theegta jũrr ag khãaijã ʉ̃rpai sim, maach Por Jesucristo gaaimua mag maach pekau pom narrta chugpaapʉiwia jũrr ich dʉita ich mag i denkha wenʉrramkhĩir.

Romanos 6:23

Pekau chogkha nʉmjo nʉmuan sĩi warag maach okhoom iekta okhoopiejem. Pari jũrr Ẽwandamau ich chogkha wenʉrrʉm paar maachig deeju jaau simʉn, ʉ̃gthar pawiajã ich mag ich dʉi phe wai sĩsijuuta jaau sim, maach Por Jesucristo dʉi õor ãbpaimjo naawai.

1 Timoteo 1:16

Mamʉ mag mʉchta atcha nem khaibag chitarr aawaita Ẽwandamau warag mʉ dau aug khaugam khõsi dau aug khaugjim, mʉ magbarm gaaimua thumaam khʉʉn nem khaibag sĩsid awiajã magʉm igba, Ẽwandamau amagjã “Mua pãar mʉchig beeta oo chirʉm pãar peerdʉ awaag” a sim khap amkhĩir. Magua ewag pawiajã amau mʉ denjo ʉkhamʉn, ʉu peerdʉ nʉisiewai Cristo dʉi amach ich mag nʉisiju khap aju.

Tito 1:2

Mag maachdeu ʉkha nʉmʉn, ʉ̃gthar paaukhabaimaawaijã ich magta Ẽwandam dʉi maach iiu nʉisiju a jaau simʉu. Mag maachig ich dʉi ich mag wenʉrrapiju a jaautarran, ich Ẽwandam bʉ̃ʉrjã seu chukhu khitʉmuachata mʉg jẽb ompaaju nawe mag jaaujim.

1 Juan 2:25

Ich Cristooucha jaauwaijã maachin ich dʉita ich mag phe wai nʉrraju a jaaujim.

1 Juan 4:10

Mag Ẽwandamau maach khõsi sim chan mag maachdeuta nacha maach garmua i khõchkhatarr aawai khaba, ich garmuata maach daupigau ich Chaai pʉijim, maach kõit ʉdʉraa ich thõopimkhĩir, mag ich thõopibarmua maach khaibag chugpaapʉyaag.

1 Juan 4:9

Mag ichdeu maach daupii sim khap apiegta Ẽwandamau ich Chaai ãbpai khitʉm mʉg jẽb gaai pʉijim, mag pʉiwia meebarmua maach ich denkha auwia ich mag ich dʉi wai nʉrraag.

1 Juan 5:10

Chadcha chi Ẽwandam Iewaa iekta ʉkha simuan ich thãar ee khaphʉ sĩsim, chadam iekta ichdeu ʉkhabarm. Mamʉ mag Jesús igwia ich Ẽwandamaucha i Iewaa a jaau simjã ʉkhaba simuan warag ich Ẽwandamta seunemeg phe sim, irua jaau sim ʉkhabam gaaimua.

1 Juan 5:20

Maadeu khaphʉ nʉm ĩchab, Ẽwandam Iewaa maach ee beewiata maachig khĩirjug deechejim, Ẽwandam chaarta wajapcha khap amkhĩir. Mag gaaimuata maachin chadcha ich Ẽwandam chaar dʉita wenʉrrʉm, pari wajapcharan chi Iewaa Jesucristo dʉijã agjo naawai mamʉ. Mag Cristota Ẽwandam chaar anaa maach ich mag iiupiejemʉu.

1 Juan 5:7

Aragan biek numí ich Chaai iche sim õrag ich iekcha ũrpijim ʉ̃gtharmua: i por choo naawai maimua ya thõopʉyaag pakuls gaai i wai naawaijã agjo ũrpijim. Maimua ĩs ewag pawiajã ich ag iekpaita Ẽwandam Akhaar maach thãar ee simuajã khaphʉ apiejem, í chadcha Ẽwandam Iewaakha sim.

3 Juan 1:12

Magta sim maach hermano Demetrio. Chadam iek ichdeu khaugtarr ipierr nem ajapha wau simuata ich iiucha jaau simjo merag chukhu khaphʉ api sim, ichdeu chadcha nem wajapha wau sim. Magua thum chi ʉkha durrum khʉʉnau i eugar wajapha jaaujem. Mʉchdeujã mag khaphʉ chiraawaita irua chadcha nem wajapha wau sim a chirʉm. Pua khaphʉ sim, mua chadcha nem jaau chitʉm.

Judas 1:21

Ẽwandamau pãach khõsi sim khap nem wajapha wau nʉm gaaimua ich jãg pãach daupiita phe wai nʉrrapibat irig. Mag nʉmua ãba deeu maach Por Jesucristo beeju edta nʉbat; mag ich pierrwaita maach dau aug khaugwi ichjo ich mag tag meejã meeba ich dʉi phe wai sĩsiju.

Apocalipsis 1:2

Magbaawaita Ẽwandamau Jesucristo dʉimua mʉchig oopinaa mʉchig ũrpitarrpa thumaa phã chirʉm.

Apocalipsis 22:1

Mag oopitarr khur chi Ẽwandam chogau mʉrʉg dosĩg dau bʉ̃ʉ khitʉmjã oopijim, õor iiupiejem dosĩg. Mag dosĩg sĩi vidriojo sim Ẽwandam khu juupjem Cordero dʉi sim aarmuata ober sĩejim.