1 Juan 4:21 - Wounaan Meu

²¹ Jesucristoou maachig jaau pʉatarr maadeu khaphʉ nʉm. Mag irua jaau pʉarran mʉgau: “Pua chadcha Ẽwandam khõsi sim khai, magan pʉch khapeenjã ich agjo kha khõsi abá,” a sim.

Woun Meu

²¹ Jesucristoou maachig jaau pʌatarr maadëu k'ap'ʌ nʌm. Mag hirua jaau pʌarran mʌgau: “Pua chadcha Hẽwandam k'õsi sim k'ai, magan pʌch k'apeenjã hich hagjö k'a k'õsi habá,” ha sim.

1 Juan 4:21 Iomraidhean Croise

San Mateo 5:43

’Ĩchab pãrau khaphʉ nʉm, warrgar pãar jooinau jaauwain, “Pãach khapkhʉʉnta kha khõsinaa pãach kha ukhurm khʉʉn oomapha abat” a jaaujeejim.

San Lucas 10:37

Magbaawai ichdeu, —Chi mag jẽer kherʉm oobaimaawai i dau aug khaugtarrma ajim anʉm. Magbaawai Jesuu irig, —Magan mawia i denjo pʉch oomapham khʉʉn awia khãijã daupii abá ajim anaabá.

San Juan 15:12

Mua pãrag jaau pʉa chirʉmʉn, mʉchdeujã ich jãg pãar daupii chirʉmjo pãach eepaijã jũrr agdaujo chikhamnaan daupii abat a chirʉmʉugui ajim.

Gálatas 5:14

¿Khan jãgwi mua mag chirʉ́? Moiseeu ley phã pʉatarr thum sĩi “Pʉch khapeenjã daupii abá ich jãg wir aig pʉchdeupai pʉch chig apimapha aajemjo” a sim gaaimuata thumaa jaau ober sĩewaita mag chirʉm.

Gálatas 5:6

¿Jãgwi mua mag chirʉ́? Mua mag chirʉmʉn Ẽwandamau oowai Cristo iekta ʉkha nʉm khʉʉnan meheu phʉʉrbichba naawiajã thum agdaujopai oojeewaita mag chirʉm. Iruan magʉm nemta wauju khãai, ãba ich iekpai ʉkha nʉm dʉi ichjã khõsinaa dich khapeenjã kha khõsita apiejem.

1 Tesalonicenses 4:9

Mʉg Ẽwandam iek ʉkha nʉm gaaimua khodkha thʉnʉm khʉʉn aphajã warag chikham kha khõsi amkhĩir chan mua tag pãrag bʉ̃ʉrjã jaaupʉibam, ich Ẽwandamauchata ya pãar mag khõsi wenʉrraa khaugpi sĩewai.

1 Pedro 3:8

Maimua ãbmiecha deeum khʉʉn dʉijã jãga aju aai nʉ a khap amkhĩir pãrag jaaukhim: Cristo iek ʉkha nʉm gaaimua thum pãach khodkha thʉnʉm khʉʉn dʉi o ãba abat, Ẽwandamau khõsimjo aag. Pãach ee ãb khãijã gaai masi wa okhĩirjuu khãijã aawai pãachta mag nʉmjo dʉi gaai masi abat, agdaujo dich khapeen kha khõsi chadcha khodkha nʉm khʉʉnjo. Agdaujo chikham dau aug khaug paraata abat, dichta warm khʉʉn khãaijã ʉ̃rpai nʉm a khĩirjuba.

1 Pedro 4:8

Pari ʉ̃rcha dich khapeenta daupii abat. Mag chadcha am daupii wai nʉm chan, maach dʉi biek khapan khaigba awiajã, am dʉi magʉm iek igba sĩi warag am perdonaaju.

1 Juan 2:7

Cristo gaaimua khodamnaan, cha mua pãrag jãga aju aai nʉ a jaaupʉi chirʉm chan iek iiurcha khabam. Mʉg iekhan ar nawe pãachdeu warrcha Jesucristo iek ʉkha phobaadewe ũrtarr iekpaiu; wajapcharan dich khapeen kha khõsi api jaau sim iekma.

1 Juan 3:11

Keena, warrcha pãrag maach Por Jesucristo iek jaauwai pãrau ũrtarran agdaujo dich khapeen kha khõsita api jaaujim; ma ajim pãrau nacha ũrtarr iek.

1 Juan 3:14

Mag khãai warag dich khapeenta kha khõsi abat, ich Cristoou jaautarrjo. Dich khapeenta kha khõsi amʉn, maadeu khaphʉ nʉm, chadcha chi okhoomkha narrta ich dʉi wenʉrramkhĩir ich denkha wai sim, Cristoou. Maimua khaphʉ nʉm ĩchab agjo ar dich khapeen kha khõchkhaba simʉn, maan agtha okhoo nʉrrʉm gaaimua Cristo den khaba sĩewaiu.

1 Juan 3:18

Chaaina, maadeu sĩi dich khapeenag par iiupaita “Muan pʉ khõsi chirʉm” aju khaba nʉm; mag khãai chadcha am athee nem wajapha wau nʉmuata amag khaphʉ apiju aai nʉm, maadeu chadcha am khõsi nʉm.

1 Juan 3:23

Irua maachig waupi jaau simʉn ãba ich Iewaa iekta ʉkhapi simʉu; mag nʉm dʉi ĩchab ich Jesucristoou waupi jaautarrjo agdaujota dich khapeen kha khõsi api sim.

1 Juan 4:11

Ẽwandamau mag maach khõsi aajeewai maachdeujã agjota jũrr dich khapeen kha khõsi aju keena.