1 Juan 4:18 - Wounaan Meu

¹⁸ Ẽwandamau chadcha maach khõsi sim maadeu khaphʉ nʉm aig i ogkhaba aajem; magju khãai dich khõsi sim khaphʉ naawai bʉ̃ʉrjã dich dʉi khaigbajujã khĩirjubaju. Maadeu i ogkha nʉmʉn, magan dich khaibag khãijã wauju khĩirjuwiau. Magua, Ẽwandamau õor i agkham ed maachjã irua khaigba aju khĩirju nʉmʉn, magan agtha wajapcha maach khõsi sim khaugba naawaita mag khĩirju nʉm.

Woun Meu

¹⁸ Hẽwandamau chadcha maach k'õsi sim maadëu k'ap'ʌ nʌm haig hi högk'aba haajem; magju k'ãai dich k'õsi sim k'ap'ʌ naawai bʌ̃ʌrjã dich dʌ̈i k'aigbajujã k'ĩirjubaju. Maadëu hi högk'a nʌmʌn, magan dich k'aibag k'ãijã wauju k'ĩirjuwiau. Magua, Hẽwandamau hõor hi hagk'am hed maachjã hirua k'aigba haju k'ĩirju nʌmʌn, magan hagt'a wajapcha maach k'õsi sim k'augba naawaita mag k'ĩirju nʌm.

1 Juan 4:18 Iomraidhean Croise

San Mateo 9:34

Pari bithurgam khʉʉnau sĩi mag durrum ee, jũrr fariseonaanau warag am ichaaur, “Jã sĩi dosãtnaan por dʉi khapeerkha sĩewaita ag juapaauta irua jãg õor mor eem mepeenjã dau daau jʉrkhʉʉi sĩebahab” aajeejim.

Romanos 8:15

Mag ich Akhaar deebarmua ich chaainkha autarr chan, sĩi mʉig eegar chikham chogkha nʉm khʉʉnau amach patronnaan ogkhaajemjo ich okho wenʉrramkhĩir khabajim. Magju khãai mag ich Akhaarta deetarr aawai irig jeeuwaijã chadcha ich ag Akharaupai bʉ̃ʉrjã inag chukhu irig Aai ichepiejem.

2 Timoteo 1:7

Irua maachig ich Akhaar chi jua thierrta deebajieb, õrag inag chukhu ich iek jaaumkhĩir. Mag Akharauta maachig dich khapeenjã kha khõsi apinaa nem waauwaijã wajapha khĩirjunaata nem waupiejem.

Hebreos 12:28

Pãade khĩirjubat keen: Mag Ẽwandam iek iruan maach khaibagjã sĩi õt ee phaabapʉimjo warre chukhu apäaijem anaawai, mag nʉm dʉi ĩchab iruata durr jʉ̃a chirʉm chan bʉ̃ʉrjã chugpaa khaugba ich mag sĩerraju anʉm durrta maach phe auju anʉpí, irigta ʉu ajim anaa warag thãar onee jeeuju keena, ichdeu ichig jeeupiejemjo, i dau na nem khaigba waujujã okho.

Santiago 2:19

Pua khaphʉ sim, maach Ẽwandam ãbpai khitʉm. Pua mag khaphʉ sim aig nem ajaug sim. Mamʉ mag khaphʉ nʉmuapai pod ʉ̃gthar oberbam. Meperaujã khaphʉ sim, Ẽwandam ãbpaita sĩerrʉm; mamʉ amau ĩchab i ogkhaajem, amach gaai jua khʉaba aju khaphʉ naawai.

1 Juan 4:12

Mamʉ ¿jãga Ẽwandam maach dʉi sim õrau khaphʉ nʉ? Chadcha dau daau chan maadeu Ẽwandam ooba aajem; pari maadeu agdaujo dich khapeen kha khõsita wenʉrrʉmʉn, magan chadcha ich Ẽwandamauta amag dau daau ich oopi simjo sim, mag dich khapeen kha khõsi nʉm gaaimua. Wajapcharan mag nʉm aigta Ẽwandam maach dʉi sim, agtha ichdeu õor khõsi sim amag khap amkhĩir.