1 Juan 4:17 - Wounaan Meu

¹⁷ Mag maach khõsi sim khaphʉ naawaita warag maach garmuajã ʉ̃rcha maadeu i khõsi nʉm. Mag, õor i agkha nʉm edjã i ogkhaba naaju, mʉig eegar nʉwejã Ẽwandamau ich Iewaa khõsi aajemjo maachjã irua khõsi sim khaphʉ naawai.

Woun Meu

¹⁷ Mag maach k'õsi sim k'ap'ʌ naawaita warag maach garmuajã hʌ̃rcha maadëu hi k'õsi nʌm. Mag, hõor hi hagk'a nʌm hedjã hi högk'aba naaju, mʌig heegar nʌwejã Hẽwandamau hich Hiewaa k'õsi haajemjö maachjã hirua k'õsi sim k'ap'ʌ naawai.

1 Juan 4:17 Iomraidhean Croise

San Mateo 10:15

Mʉ cha iekha chirʉm iekhau, mag amau pãar igba, ni pãar iekjã ũrmapha abarm jũrran warrgar Ẽwandamau Sodomapien dʉi maimua Gomorrapien dʉi atarr khãaijã am gaai athuuchata burrju a jaaumajim ich Jesuu maachigcha.

San Mateo 10:25

Magua, ãb khãijã chadcha ich maestroou jaau simjota nʉrrʉm khai, magan chi maestro dʉi aajemjo aju i dʉijã. Jãga chi patrón jooi dau ãaukha nʉm ee chi chognaanta daupii abarju. Maguama, mʉch pãar Porkha chirʉmʉg õrau mʉʉn mepeen por Beelzebú dʉita chirʉm a iekhaajeewai pãrag chará amau athuucha khaigba iekhajugui a jaaumajim maachigcha.

San Mateo 11:22

Pari cha mʉ iekha chirʉm iekhau Ẽwandamau mʉg durr i agkham ed Corazinpienta Betsaidapien dʉi irua am gaai masiicha waupʉijugui ajim anʉm, Tiropien dʉi Sidonpien khãaijã, amachdeu ũrtarrta ʉkhaba arr gaaimua.

San Mateo 11:24

Pari mʉ cha iekha chirʉm iekhau Ẽwandamau mʉg durr i agkham ed gaai, pãar gaaita Ẽwandamau athuucha mas deejugui ajim anʉm, Sodomapien khãaijã.

San Mateo 12:36

Pari mʉ cha iekha chirʉm iekhau, Ẽwandamau õor i agkham edan, mʉig eegar aawai pãach iek khaigbam iekhaajerr thumaa pãach idamaucha irig jaaujugui ajim, khan jãgwia mag iekhaajeejĩ.

San Juan 15:20

¿Chaig mua jaau chirarr pãrau khĩir eyaa khaba nʉ? Sĩi chikham chogkha nʉm khʉʉn amach patronnaan khãai ʉ̃rpai khaba aajem. Magua, amau mʉ dʉi khaigba aajerr aawai pãarjã ich agjo amau khaibag waujugui ajim. Maagwai ich jãg mua jaau chitʉm iek ãaur khʉʉnau ʉkhatarr aawai pãar iekjã agjo amau ʉkhajugui ajim.

San Juan 17:22

Pʉchdeu mʉ pʉiwia mau eegar chirʉmjã agtha pʉch dʉi ãba ʉ̃gthar chirʉmjo apitarrjo, ya amjã mua mʉch dʉi õor ãbpaimjota phe wai chitʉmgui ajim, maachjo o ãba ich mag naamkhĩir.

Romanos 8:29

Mag ichdeu maach thʉ̃rkha auju nawe, agtha mʉg durr gaai õor chukhu nʉwe, ichdeun ich iek ʉkhaju khʉʉn khaphʉ arr aawai, makhʉʉnta ich Chaai wajapha khitʉmjota wajaug paapʉiju aadejim, magbarm gaaimua ich Chaaita ewag pawiajã wajaug paakhabarm khʉʉn ag naam chi jooikha sĩsimkhĩir.

Hebreos 9:27

Maadeu khaphʉ nʉm, maach cha khitheem khʉʉn thum biek ãbpaita meejem, maimua mʉg atag Ẽwandamau maach i agkham edta ichdeuta maachig maach jãga wenʉrrajĩ a jaauju.

Santiago 2:13

¿Jãgwi mua pãrag mag chirʉ́? Maan Ẽwandamau ichdeu õor i agkham edjã ar dich khapeen dau aug khaugba aajerr khʉʉn chan agjo am dau aug khaugba isegju aawaita mag chirʉm. Magarrau ar dich khapeendam dau aug khaug paraa aajerr khʉʉnan chad, mag Ẽwandamau õor i agkham edjã amach khaibag waubaju khap, i ogkhaba naaju.

Santiago 2:22

Pʉde khĩirjubarí: Abranau mag wauba arr akhiin, ¿jãga irua Ẽwandam iek chadcha ʉkha chirʉm akhajĩ? Ẽwandamau ichig nem mag abaawaijã ich ipierraa arr gaaimuata Abranau chadcha ich iek thãraucha ʉkhaajerrjã õrag khap apijim.

2 Pedro 2:9

Magua, ar ich atheepai nem wau nʉm khʉʉnta maach Por Ẽwandamau oowai pekau ee burrjojoo aadep aawain, ichdeuta ʉu khaigper aaujem. Mamʉ khaigbam khʉʉnan deeu ich beem ed mʉg durr i agkhawi warag am khaibag wawaagta sĩi phe wai sim.

2 Pedro 3:7

Mamʉ cha maadeu edau oo nʉm dʉi cha maach bʉ dʉnʉʉu nʉm jẽb chan maagwaimjo deeu dohãdauta ʉʉrppäaig khaba, ich maagwaijã ich iekhauta magpierrjo õtdaúa jẽraagta sĩi wai sim Ẽwandamau, ichdeu mʉg durr i agkhawi ich dau na khaigba wenʉrraajerr khʉʉn ich mag dau aug wau wenʉrraju jaaubarm edta jũrr õtou deepäaig.

1 Juan 2:28

Chaaina, deeu pʉaba muan pãragan, Cristo dʉita ogdʉba nʉisit a chirʉm, maagwai deeu i beewaijã i ogkhaju khãyau warag chigag chukhu i dʉi naag.

1 Juan 2:5

Pari jũrr maach i ipierraa nʉm khʉʉnaun chadau chadcha wajapchata i khõsi nʉm. Mag i khõsi nʉm gaaimua maadeu khaphʉ nʉm, chadchata i denkha nʉm.

1 Juan 2:6

Iin Ẽwandam den aawai i dʉi chirʉm a sim wounan chadcha mʉg jẽb gaai aawai ich Cristo nʉrraajerrjota nʉrraju aai sim.

1 Juan 3:1

Keena pãade khĩirjubat jãga Ẽwandamau maach khõsi sĩ: mag ich garmua maach khõsi sĩewai irua maachig ich chaain a thʉ̃rju aai sim, maach chadcha ich chaain aawai. Sĩi ar parhooba i iek ʉkhaba nʉm khʉʉnau chan ich Ẽwandam Iewaa mʉg jẽb gaai sĩethuurwaijã pod i khaug auba arr aawaita ĩs mʉg maach Ẽwandamau ich chaainkha wai simjã pod khaugba nʉm, jãga awia mag nʉ.

1 Juan 3:3

Pari thum mag amach daúacha i ooju khĩirju nʉm khʉʉnan mʉʉgwaiweta wajapha naaju ẽkhaajem, ich jãg Jesucristojã khaibag chukhu wajaphata sĩerrʉmjo.

1 Juan 3:7

Chaaina, ni iwiir ãbamʉgjã ʉdʉraa pãach khũgurpimiet: Õor wajapham khʉʉnaun nem agchata waaujem, ich Cristojã woun wajapham aawai;

1 Juan 4:12

Mamʉ ¿jãga Ẽwandam maach dʉi sim õrau khaphʉ nʉ? Chadcha dau daau chan maadeu Ẽwandam ooba aajem; pari maadeu agdaujo dich khapeen kha khõsita wenʉrrʉmʉn, magan chadcha ich Ẽwandamauta amag dau daau ich oopi simjo sim, mag dich khapeen kha khõsi nʉm gaaimua. Wajapcharan mag nʉm aigta Ẽwandam maach dʉi sim, agtha ichdeu õor khõsi sim amag khap amkhĩir.