1 Juan 4:16 - Wounaan Meu

¹⁶ Mag Ẽwandam maach dʉi sĩewaita maadeu khaphʉ nʉm, chadcha irua maach khõsi sim. Ẽwandamau thumaam khʉʉn daupii aajemjota dich khapeenjã daupii simʉn, magan Ẽwandam dʉi khapeerkha sĩewaita mag ich khapeen daupii sim.

Woun Meu

¹⁶ Mag Hẽwandam maach dʌ̈i sĩewaita maadëu k'ap'ʌ nʌm, chadcha hirua maach k'õsi sim. Hẽwandamau t'umaam k'ʌʌn daupii haajemjöta dich k'apeenjã daupii simʌn, magan Hẽwandam dʌ̈i k'apeerk'a sĩewaita mag hich k'apeen daupii sim.

1 Juan 4:16 Iomraidhean Croise

San Juan 6:69

Maguata marau pʉ iek ʉkhajim. Maimua marau khaphʉ nʉm, pʉ chadcha Ẽwandam Iewaa pekau chukhu khitʉm khabahab ajim, ichdeu pʉiju a jaaujerr.

San Juan 9:3

Mag ichig jeeubaawai Jesuu magjim marag: —Jã chan ich pekau gaaimua khaba, ni ich dennaan pekau gaaimuajã khabajimgui ajim. Jãg thaabatarran, jãan jãg dau khĩsu sim gaaimua Ẽwandamau ich jua theeg õrag oopiegta jãg thaabapijimgui ajim.

1 Corintios 2:9

Mamʉ makhʉʉnaupaijã khaba, ewag pawiajã ich Ẽwandamau nem wau sim ni ãbmuajã khaugbaju khapta, ich iek gaai mʉg phãpijim: “Ẽwandamau ich khõsi wai nʉm khʉʉnag deeg phe wai simʉn, ni iwiir ãbmuajã ooba, ni ũrjã ũrba, ni ãbmuajã auju khĩirjuba sim nemta amag deeg wai sim.” (Is. 64:4)

1 Juan 3:1

Keena pãade khĩirjubat jãga Ẽwandamau maach khõsi sĩ: mag ich garmua maach khõsi sĩewai irua maachig ich chaain a thʉ̃rju aai sim, maach chadcha ich chaain aawai. Sĩi ar parhooba i iek ʉkhaba nʉm khʉʉnau chan ich Ẽwandam Iewaa mʉg jẽb gaai sĩethuurwaijã pod i khaug auba arr aawaita ĩs mʉg maach Ẽwandamau ich chaainkha wai simjã pod khaugba nʉm, jãga awia mag nʉ.

1 Juan 3:16

Jesucristoou maach kõit ich thõopitarr gaaimuata maadeu khaphʉ nʉm, khan agá dich khapeen kha khõchag. Mag maach daupigau ich thõopitarr aawaita maachdeujã agjo Cristo gaaimua dich khodkha durrum khʉʉn kõit am daupigau dich thõopiju akhiinjã agjo ʉdʉraa dich thõopiju aai nʉm.

1 Juan 3:24

Ar mag i ipierraa wenʉrrʉm khʉʉnta i khapeenau, maagwai ichjã jũrr am khaperau. Mag chadcha ich Akhaar maachig deetarr gaaimua maadeu khaphʉ nʉm, chadcha í maach dʉi sim.

1 Juan 4:7

Keena Cristo gaaimua khodamnaan, Ẽwandamau ich garmuata maach khõsi sĩewai maadeujã agdaujota jũrr dich khapeen kha khõsi aju aai nʉm. Thum ar agdaujo dich khapeen kha khõsi aajem khʉʉnan Ẽwandam chaainkhanaa ich Ẽwandam khĩirjugjã khaphʉ paaukhamam, ichdeu õor khõsi simjota amaujã khõsi naawai.