1 Juan 4:11 - Wounaan Meu

¹¹ Ẽwandamau mag maach khõsi aajeewai maachdeujã agjota jũrr dich khapeen kha khõsi aju keena.

Woun Meu

¹¹ Hẽwandamau mag maach k'õsi haajeewai maachdëujã hagjöta jũrr dich k'apeen k'a k'õsi haju keena.

1 Juan 4:11 Iomraidhean Croise

San Lucas 10:37

Magbaawai ichdeu, —Chi mag jẽer kherʉm oobaimaawai i dau aug khaugtarrma ajim anʉm. Magbaawai Jesuu irig, —Magan mawia i denjo pʉch oomapham khʉʉn awia khãijã daupii abá ajim anaabá.

San Juan 13:34

pãrag iek iiurta jaau pʉakhim. Ma, mʉgaugui ajim: Jũrr agdaujo chikham kha khõsi abat. Mua jãg pãach khõsi wai chitʉmjo, pãraujã agjota pãach khapeen kha khõsi abat.

Efesios 4:31

Keena, warre pãach gaaimua barbapʉit jãg pãach khapeenau pãach dʉi bʉ̃ʉr abarm gaaimuajã khĩir okhoo chʉuu aadep aajem khĩirjug, pãach khĩir machag, pãach khõrg, iek khẽgkha iekha nʉm, chikham khĩir iekha nʉm maimua mag tag nem khaigbam nem thumaa pãach gaai thʉnʉm warre isegbapʉit.

Colosenses 3:13

Mag agdaujo ãwaat khaphʉnaa iwiir ãb khãijã bibigag paraa sim khai, agdaujo perdonaawi magʉm iek tag igba warre khĩir okhoobapʉit. Ich jãg maach Por Cristooujã maach perdonaatarrjo, pãachdeujã agjo pãach khapeen perdonaabat.

1 Juan 2:7

Cristo gaaimua khodamnaan, cha mua pãrag jãga aju aai nʉ a jaaupʉi chirʉm chan iek iiurcha khabam. Mʉg iekhan ar nawe pãachdeu warrcha Jesucristo iek ʉkha phobaadewe ũrtarr iekpaiu; wajapcharan dich khapeen kha khõsi api jaau sim iekma.

1 Juan 3:11

Keena, warrcha pãrag maach Por Jesucristo iek jaauwai pãrau ũrtarran agdaujo dich khapeen kha khõsita api jaaujim; ma ajim pãrau nacha ũrtarr iek.

1 Juan 3:23

Irua maachig waupi jaau simʉn ãba ich Iewaa iekta ʉkhapi simʉu; mag nʉm dʉi ĩchab ich Jesucristoou waupi jaautarrjo agdaujota dich khapeen kha khõsi api sim.

1 Juan 4:7

Keena Cristo gaaimua khodamnaan, Ẽwandamau ich garmuata maach khõsi sĩewai maadeujã agdaujota jũrr dich khapeen kha khõsi aju aai nʉm. Thum ar agdaujo dich khapeen kha khõsi aajem khʉʉnan Ẽwandam chaainkhanaa ich Ẽwandam khĩirjugjã khaphʉ paaukhamam, ichdeu õor khõsi simjota amaujã khõsi naawai.

2 Juan 1:5

Ĩsjã nawe pãachig jaautarr iekpaita deeu pʉaba pãrag, agdaujo dich khapeen kha khõsi aju aai nʉm a chirʉm. Mua pãrag mag phã deepʉi chirʉm chan iek iiur khabam; mʉg iekhan warr pãachdeu ũrtarr iekpaiu.