1 Juan 3:9 - Wounaan Meu

⁹ Chadcha Ẽwandam Akhaar atham gaaimua ũwaai thaabatarrjo aadem chan tag ich mag ich pekau eepai nʉrraba aajem, ya ich Ẽwandamau deebarm khĩirjugta wai sĩewai. Wajapcharan mag Ẽwandam chaaikha sim aawaita ya tag ich pekau ee nʉrraba aajem.

Woun Meu

⁹ Chadcha Hẽwandam Hak'aar hat'am gaaimua hũwaai t'aabatarrjö haadëm chan tag hich mag hich pekau heepai nʌrraba haajem, ya hich Hẽwandamau deebarm k'ĩirjugta wai sĩewai. Wajapcharan mag Hẽwandam chaaik'a sim haawaita ya tag hich pekau hee nʌrraba haajem.

1 Juan 3:9 Iomraidhean Croise

San Mateo 7:18

Nemjõ ajapham chan mie neeme cheba ni nemjõ ãkhãraamjã mie chukkhu khaba sĩerrʉm.

San Juan 1:13

Mag i chaainkha nʉm chan sĩi mʉg eegarm khʉʉnjo chaai paarpam khõchgau khapese awia paarpa autarr khabam. Mag i chaainkha nʉmʉn, sĩi Ẽwandamau ich garmuata ich iiu aawai ich chaainkha au nʉmʉu.

San Juan 3:3

Magbaawai Jesuu irig, —Pʉde ũrbarí, mua pʉrʉg jaaukhimgui ajim: Chi deeu eeupemjo thaababa sim chan pod Ẽwandam ichta chi Porkha sim aar oberbamgui ajim, i chaai khaba sĩewai.

Hechos 4:20

Marau maach daúa oonaa maach jʉ̃gʉucha ũrtarr chan pod sĩi ich jãg jaauba sĩuju aai khaba nʉmgui ajierram aajem Pedroou Juan dʉimua.

Romanos 6:2

Mag khabam. Jesucristo dʉi naawai tag pekau waumaaugau ya maach chi khechamjo nʉmta, jãga mag bʉ̃ʉrjã dich khaibag pʉaba agtha pekau wau wenʉrraju aai nʉm abarju.

Gálatas 5:17

Nem khaigbam wauju khĩirjug maach gaai simʉn Ẽwandam Akhaar maach ee sim dʉi werbʉa gaai nʉmjota aajem, ãbmua nem waum khõsim jũrr ãbkhaíu waumapha aadep aawai. Makhʉʉn numí mag ihãba khaba aajem khʉʉn aawai makhʉʉn numiim khʉʉnauta maach chi ʉ̃rʉm khʉʉnagjã amachdeu khõsimjota waupiju ẽkhaajem.

Tito 1:2

Mag maachdeu ʉkha nʉmʉn, ʉ̃gthar paaukhabaimaawaijã ich magta Ẽwandam dʉi maach iiu nʉisiju a jaau simʉu. Mag maachig ich dʉi ich mag wenʉrrapiju a jaautarran, ich Ẽwandam bʉ̃ʉrjã seu chukhu khitʉmuachata mʉg jẽb ompaaju nawe mag jaaujim.

1 Pedro 1:23

Magaag ya pãar warr pãach naajerrjo khaba nʉm, mag Cristo iek ʉkhawi ajaug paapʉitarr gaaimua eeu thaaba nʉmjo pekau chukhu i chaainkha naawai. Mamʉ mag pãar deeu thaabatarr chan pãach ãd bi eemua khaba, ich Ẽwandamau ich iek ʉkhapi athamuata mag eeu thaababarmjo apijim. Ajapcharan i iekhauta maach ʉ̃gthar oberpiejem. Mag iek chan bʉ̃ʉrjã chugpaa khaugba ich magta sĩerrʉm.

1 Juan 2:29

Pãrau khaphʉ nʉm, maach Por Jesucristoou nem agchata ichdeu khap nem waaujem. Maagwai ĩchab khaphʉ aju aai nʉm, thum nem agcha nem waaujem khʉʉnjã agjo Ẽwandam chaainkha nʉm.

1 Juan 3:6

Magua ar i dʉita ich mag khapeerkha wenʉrrʉm khʉʉn chan ich mag pekau ee wenʉrraba aajem. Pari magba ar agtha amach pekau eeta ich mag wenʉrraajem khʉʉnaun bʉ̃ʉrjã i khaugba naawaita mag wenʉrraajem.

1 Juan 4:7

Keena Cristo gaaimua khodamnaan, Ẽwandamau ich garmuata maach khõsi sĩewai maadeujã agdaujota jũrr dich khapeen kha khõsi aju aai nʉm. Thum ar agdaujo dich khapeen kha khõsi aajem khʉʉnan Ẽwandam chaainkhanaa ich Ẽwandam khĩirjugjã khaphʉ paaukhamam, ichdeu õor khõsi simjota amaujã khõsi naawai.

1 Juan 5:1

Jesuun chadcha Ẽwandamau ich Iewaa ichdeucha pʉitarr aawaita i dʉi ãba sim awia au sim wounan magan ya Ẽwandam chaairau. Magbarm aig agjo tagam khʉʉn Ẽwandam chaainkha nʉm khʉʉnaujã agjo i khõsi aju aai nʉm. ¿Jãgwi? Chi Aaijã khõsi naawaima; pod chi Aai appai daupiinaa chi chaain khõchkhaba aju aai khaba nʉm.

1 Juan 5:18

Maadeu khaphʉ nʉm, Ẽwandamta ich Aaikha wai sim woun chan ich mag ich pekau ee nʉrraba aajem, ich Ẽwandam Iewaauchata i thʉa wai sĩewai. Magua dosãtaujã pod pekau ee thʉ aum iek i thʉ auba aajem.

1 Juan 5:4

Thum maach chi Ẽwandam chaainkha nʉm khʉʉnau chan pekaúg ʉdʉʉr dich deeba aajem, dich garmuata podpʉpʉi aajeewai.

3 Juan 1:11

Hermano, oob pua ejemplo khaigbam chan au chitam; mag khãai ejemplo wajaphamta athá. Pua khaphʉ sim, ar chi nem khaigbam waaujem khʉʉnan Ẽwandamjã khaugba naawaita mag nem khaigba wau sĩerrjeem; pari nem wajapha wau nʉm khʉʉnan Ẽwandam dʉi naawaita mag nem wajapha waaujem.