1 Juan 3:7 - Wounaan Meu

⁷ Chaaina, ni iwiir ãbamʉgjã ʉdʉraa pãach khũgurpimiet: Õor wajapham khʉʉnaun nem agchata waaujem, ich Cristojã woun wajapham aawai;

Woun Meu

⁷ Chaaina, ni hiwiir hãbamʌgjã hʌdʌraa pãach k'ũgurpimiet: Hõor wajap'am k'ʌʌnaun nem hagchata waaujem, hich Cristojã woun wajap'am haawai;

1 Juan 3:7 Iomraidhean Croise

San Mateo 5:20

Magnaa ichdeupai, Pãrauta ich Ẽwandamau nem waupi jaau simjo nem wauba, sĩi jãg Ẽwandam iek jawaag chi machnaan aajem khʉʉnjopai nem waunaa Moiseeu ley phã pʉatarr ʉʉrkhaajem khʉʉn denjopaita nem wau nʉm chan, pãar ʉ̃gthar oberbamgui ajim anʉm.

San Lucas 1:75

ãba pʉch dʉipai ajapha wenʉrramkhĩir, tag bʉ̃ʉrjã pekau wau wenʉrram ugua.”

Hechos 10:35

I dau naan deeum durram khʉʉnau awiajã i ipierraanaa ĩchab agcha wenʉrrakhiin, makhʉʉnjã irua igab khaba igjugui ajim anʉm Pedroou chi aig biirdʉ thʉnarr khʉʉnag. Mag jaaumamua ich Pedrooupai,

Romanos 2:13

Wajapcharan mag ley gayam iek khaug chirawiajã ag ipierraa khabam chan Ẽwandam na wajaug chukhu sim. Magarrau ũrwia ag ipierraa simʉn chadau ich Ẽwandamaujã wajapha sim a sim.

1 Corintios 6:9

¿Pãrau khaugbata nʉ, jãg nem khaigba waaujem khʉʉn pod Ẽwandam sim aar wetju khabam? Oob ʉdʉʉr pãach khũgurpimiet. Ar dich õor khabam dʉita parhooba khapese aajem khʉʉn, amach õor dʉi sĩsidʉmta deeum dʉi aajem khʉʉn, nem parhoobamʉgta ẽwandam awia jeeujem khʉʉn maimua ar amach emkhooin aphajã ʉʉin dʉímjo waaujem khʉʉnjã Ẽwandam sim aar pod oberbam.

Efesios 5:6

Jãgʉm khʉʉn eem ãbmua khãijã pãach aig beewi pãachig mʉ ichaaur jũrr magʉm gaaimuapai chan Ẽwandamau pãar chig abam a jaaumʉn, magan ichta seukha nʉrrʉm. Magʉm khʉʉnag ʉdʉʉr pãach khũgurpimiet. Amau khaugba nʉm, ante magʉm waum khõchgau ich ipierraa khaba nʉm khʉʉn gaaita Ẽwandam khĩir machag meeuju khabahab.

Efesios 5:9

Mag Cristo gaaimua chadcha ararag eeta wenʉrrʉmʉn, õor ajaugta aadeejem; mag nʉm dʉi ĩchab nem agcha waunaa iekhaawaijã chadam iekta iekhaajem.

Filipenses 1:11

Mag amʉn magan ĩchab ich Jesucristoouta pãrag nem ajapham pom waau khaugpiju. Õrau pãar mag oobaawai amaujã ĩchab Ẽwandamag jeeumamua, “Ʉuta pua am jãg phe wai chirʉm; pʉjom chan chukhum” a iekhaju.

Hebreos 1:8

Mamʉ ich Chaai igwia chan sĩi ich angelnaanagamjo iekhaba, warag ich paarmua, “Ẽwandam, pʉchta nem thum thʉnʉm Porou” a iekhajim chi Ayau ich Chaairag. “Mʉg atag pawiajã pʉchta ich mag chi Porkha chitaju. Puan nem agcha waunaa khajaphata waaujem.

Hebreos 7:2

Magbaawai Abranau mag reinaan dʉi werbʉwi ichdeu am podpʉiwi, am juagam nem phe urarr eem chi décima parte deejim aajem chi rey Melquisedeeg. Mag rey thʉ̃r Melquisedec aawai, “thumaam khʉʉn dʉi agcha nem waaujem rey” aawaiu. Mag chi phobor thʉ̃r Salem aawai, maach meúan “khõinaa” a simʉu. Mag “khõinaa” anʉm phobor eeta reikha sĩerr aawai chi Melquisedec igwia õrau “õor khõinaa phe wai sĩejem rey” aajeejim.

Santiago 1:22

Ich Ẽwandamau jaau simjo aag chan sĩi par jʉ̃gʉupai mag i iek jaau nʉm ũr nʉʉ aju khaba, chadcha ich iek gaai waupi jaau simjota aju aai nʉm. Magba nʉm chan magan pãran pãachdeupaita sĩi pãach khũgur wai nʉm, mag ũr nʉmpaita ʉu simpii awi.

Santiago 2:19

Pua khaphʉ sim, maach Ẽwandam ãbpai khitʉm. Pua mag khaphʉ sim aig nem ajaug sim. Mamʉ mag khaphʉ nʉmuapai pod ʉ̃gthar oberbam. Meperaujã khaphʉ sim, Ẽwandam ãbpaita sĩerrʉm; mamʉ amau ĩchab i ogkhaajem, amach gaai jua khʉaba aju khaphʉ naawai.

1 Pedro 2:24

Maachta maach pekau gaaimua Ẽwandamau khechpʉiju aai naajim; mamʉ mag narrta Cristoouta jũrr maach kõit ʉdʉraa pakuls gaai ich meerphe thõopijim, magbarmua maach ich athee peerdʉ auwi ya tag pekau waujujã khaugba sĩi ich dʉipaita nem agcharam appai wau wenʉrramkhĩir. Magta Cristo dau aphʉʉ õor jua machgau bag kha ʉ̃ʉipa khitajim, maach pekau ee narrta ʉu peerdʉ awaag.

1 Juan 2:1

Keena, pãar thum mua mʉch chaainjo daupii wai chitaawai pãrag khap amkhĩir mʉg ẽsap gaai mʉgta jaaupʉi chirʉm, mag khaphʉ aphobaadeewai pekau waum ugua. Pari mʉg jaaupʉi chirʉm ãba, ãb khãijã pekau ee burrmʉn maach abogado wai nʉm, Ẽwandam chi Aai dʉi maach kõit iekhaajem; ma Jesucristoou. Irua õor dʉi agpierraa ichdeu khap nem waaujeewai maach dʉijã agjo aju.

1 Juan 2:26

Jãg sĩi pãach khũguraag ẽkhaajem khʉʉn gaaimuata mua pãrag khap amkhĩir mʉg phã deepʉi chirʉm.

1 Juan 2:29

Pãrau khaphʉ nʉm, maach Por Jesucristoou nem agchata ichdeu khap nem waaujem. Maagwai ĩchab khaphʉ aju aai nʉm, thum nem agcha nem waaujem khʉʉnjã agjo Ẽwandam chaainkha nʉm.

1 Juan 3:18

Chaaina, maadeu sĩi dich khapeenag par iiupaita “Muan pʉ khõsi chirʉm” aju khaba nʉm; mag khãai chadcha am athee nem wajapha wau nʉmuata amag khaphʉ apiju aai nʉm, maadeu chadcha am khõsi nʉm.

1 Juan 3:3

Pari thum mag amach daúacha i ooju khĩirju nʉm khʉʉnan mʉʉgwaiweta wajapha naaju ẽkhaajem, ich jãg Jesucristojã khaibag chukhu wajaphata sĩerrʉmjo.

1 Juan 4:17

Mag maach khõsi sim khaphʉ naawaita warag maach garmuajã ʉ̃rcha maadeu i khõsi nʉm. Mag, õor i agkha nʉm edjã i ogkhaba naaju, mʉig eegar nʉwejã Ẽwandamau ich Iewaa khõsi aajemjo maachjã irua khõsi sim khaphʉ naawai.