1 Juan 3:4 - Wounaan Meu

⁴ Ẽwandamau oowai nem khaigbam thum pekau aawai thum ar nem khaigbamta waaujem khʉʉnan pekauta wau nʉm.

Woun Meu

⁴ Hẽwandamau hoowai nem k'aigbam t'um pekau haawai t'um har nem k'aigbamta waaujem k'ʌʌnan pekauta wau nʌm.

1 Juan 3:4 Iomraidhean Croise

San Mateo 5:19

Magua, ãbmua khãijã leidam bʉthʉ khitawiajã ag gaai jaau sim iek bʉ ãb khãijã ʉʉrkhaba, ni ag gaai jaau simjo amkhĩir ich paarmua deeum khʉʉnagjã jaauba sim chan, Ẽwandam maach Porkha sim durr paaukhaimaawaijã ichta thumaam khʉʉn khãaijã jua eegpai sĩerraju. Pari magba, ar ichdeujã mag ley gaai jaau simjo ipierraanaa warm khʉʉnagjã agjo ag gaai jaau simjo ipierraa amkhĩir jaau simʉn chadau, mag Ẽwandam durr paimaawaijã ĩchab ichta warm khʉʉn ʉ̃rpai sĩsijugui ajim anaabá.

Hechos 23:3

Magbaawai Pabloou mag phadnaan porog, —Pʉʉn maiguin sĩi khĩirjugjã chukhuta iekhabapʉim. Ẽwandamaujã ĩchab pʉ gaai jua khʉajuke ajim anʉm, pʉch mag iekha chirʉm paar. Pʉ ĩchab chi thethem aawai ajapha nem khap jeeu oonaa agpierraa nem wawaagta mʉig oo chirabá. Mag simta, ¿jãgwi pʉch paarmua leíu jaau sim chaaur warag mʉ i phãrpi jaau chirʉ́? ajim anʉm.

Romanos 3:20

Chi lein sĩi maach pekau pom khitheem khap apiegpaita ich Ẽwandamau phãpitarr aawai mag ʉʉrkha narr gaaimuapai chan pod Ẽwandamau maachig, “Pãar pekau chukhu naawai mʉ dʉijã iekkhõr chukhu nʉm” abaju.

Romanos 4:15

Lein warag Ẽwandamau õor gaai jua khʉaba deeju khap apiegta sim, ley paraam aigjã ichiita õrau pod ag gaai jaau simjo aba aajeewai.

2 Corintios 12:21

Mua agjo khĩirju chirʉm ĩchab, eeu degolp pãar gaaimua khãijã Ẽwandamau mʉch khĩir naaupiju. Mag amʉn magan ar nawe pekau ee nʉmta jãg maadeu nem waumapham wau nʉmjã bʉ̃ʉrjã pʉabanaa, amach õor khabam dʉijã parhooba khapesnaa maimua warr amachdeu nem khaigbam waaujerrjã ogdʉba agtha wau wenʉrrʉm khʉʉn gaaimua Ẽwandamau mʉ wajappha bĩepiju.

Santiago 5:15

Mag pãachdeu jewaagpamjã chadcha monaauju khĩirjunaata jeeumʉn chi aaunaan chadcha Ẽwandamau monaaupʉiju. Mag monaaubapäaiwai ich pekau gaaimuata mag mor mas sĩerr khai, chi pekaujã chugpaapʉiju ich Ẽwandamau.

1 Juan 5:17

Nem khaigbam thum pekaukha ober sim, pari magʉm Ẽwandamau chugpaabapäaiwai khĩmie durr maju arrjã maba aajem.