1 Juan 3:3 - Wounaan Meu

³ Pari thum mag amach daúacha i ooju khĩirju nʉm khʉʉnan mʉʉgwaiweta wajapha naaju ẽkhaajem, ich jãg Jesucristojã khaibag chukhu wajaphata sĩerrʉmjo.

Woun Meu

³ Pari t'um mag hamach daúacha hi hooju k'ĩirju nʌm k'ʌʌnan mʌʌgwaiweta wajap'a naaju hẽk'aajem, hich jãg Jesucristojã k'aibag chuk'u wajap'ata sĩerrʌmjö.

1 Juan 3:3 Iomraidhean Croise

San Mateo 5:48

Pãach Aai ʉ̃gthar chiraajemjã chi wajapham aawai pãach chi chaainaujã ĩchab pãach Aaijo o wajapha abat pãach khapeen dʉi a jaaumajim anaabá.

San Lucas 6:36

Maachin thumaam khʉʉn dau aug khaug paraata anʉm, ar jãg maach Aai ʉ̃gthar simuajã agjo maach thumaam khʉʉn dau aug khaaugjẽpirau.

San Juan 17:19

Mʉchdeu mag pʉrʉg pʉch iek jaau nʉm phidag gaaita am phe wai chitapi chirʉmʉn, mʉg pʉ ipierraa am kõit ʉdʉraa mʉch thõopi chirʉm gaaimuata magpi chirʉmgui ajim, magbaawai amaujã mʉchdeu amag jaaupi chirʉmjo chadcha pʉ iekta jaau wenʉrramkhĩir.

Hechos 15:9

Ẽwandamau oowai maach chan am dʉi bʉ̃ʉrjã khĩethuupaijã khaba nʉmgui ajim anʉm Pedroou. Maagwai maachdeu ʉkhatarr gaaimua maach khaibag chugpaatarrjo, am denjã ich agjo irua chugpaa simgui ajim anʉm, amaujã chadchata ʉkha naawai.

Romanos 15:12

Mag maach Por igwia, Isaías khararraujã ĩchab, “Isaí chaain ewagam khʉʉn eemua ãb nemjĩirjo sũrkha oberbaademta judionaan khabam khʉʉn durrpierr nʉnʉidʉm khʉʉn Porkhaju” ajim. “Magbaawai amachdeujã ĩchab chadcha iruata amach wajapha wai sĩsiju khaphʉ aju” a jaaujim. (Is. 11:10)

2 Corintios 7:1

Magua, Cristo gaaimua khodamnaan, magta Ẽwandamau maach dʉi aju a sim. Maguata maachin nem khaigbamjã pʉawia khĩirjug khaigbamjã isegnaa dich morta sʉrkhaju aai nʉm. Magnaa Ẽwandam dau na pekau wauju okhonaa warag i simjo wajapha ajuuta ẽkhaju aai nʉm.

Colosenses 1:5

Marau khaphʉ nʉm, mag chadcha thum agdaujo wir aigjã pãach khapeen daupii nʉmʉn, pãachjã thum Ẽwandamau ich aar auwi ich mag i dʉi nʉisiju khaphʉ nʉm gaaimuata mag nʉm. Warrcha chadcharam iek pãachdeu ũrwi ʉu peerdʉ nʉisierr edwe Ẽwandamau pãach ich dʉi mag phe aujujã khaphʉ ajierram.

2 Tesalonicenses 2:16

Maraun, ich maach Por Jesucristoouchata maach Ẽwandam chi Aai dʉimua pãar khĩir jãsenkhanaa pãar juag oopim khõsi nʉm, pãrau nem jaaunaa nem wau nʉm thum wajaphata obeber amkhĩir. Ich Ẽwandamauta maach khõsi khĩir jãsenkhajim, ich mag wenʉrrʉmua ich dʉi ogdʉba nʉisijujã khap amkhĩir.

Tito 3:7

Mag, maach khaibag ee wetju arrta jũrr Ẽwandamau maach khaibag thum chugpaapʉiwia ich aar ober wenʉrrajujã maachig khaphʉ apijim.

Hebreos 12:14

Thumaam khʉʉn dʉi khõinaa wenʉrrajuuta khĩirjunaa maach pekau paarpapijojoom nem thum warre isegbapʉit. Magʉm nem thum isegwi ich Ẽwandamau khõsimjo i atheepai khaba nʉm khʉʉnau chan pod i aar oberwi i khĩir oobam.

Hebreos 6:18

Magta Ẽwandamau juraanaa õor dʉi iek deejem ũrwi, chadcha i seu chukhu sĩerrʉm khaphʉ nʉm gaaimuata ĩs ewagjã maach peerdʉ aumkhĩir Ẽwandam jʉr nʉm khʉʉnaun khaphʉ aajem, chadcha irua maach peerdʉ auju. Mag gaaimua i aar naaimaju khĩirjugta wai nʉm, ichdeu maach phe auju jaau simjo aju khaphʉ naawai.

Hebreos 7:26

Magua ichta chadcha maachdeu ig narr phad khabahab, maach kõit iekhaajem chaar. Ich chan nacharam khʉʉnjo khaba aawai bʉ̃ʉrjã pekau chukhu khitʉm; khaibagjã chukhu, ni bʉ̃ʉrjã chikham khaigba ajojoopaijã khaba, maachjo pekau pomkham khʉʉn eemjã khaba sim. Mag sĩewai ichta nem thum ʉ̃gtharm magwe thʉnʉm khãaijã ʉ̃rpai apijim Ẽwandamau, ich dʉi ãba.

Santiago 4:8

Ẽwandamta pãach aig dʉi phẽs thʉ̃r ahau abat; magbaawai ichdeujã pãrau ich ig nʉm khap pãar dʉi ogdʉba nʉrraju. Pekaúa jua phʉisimjo sĩsidʉm khʉʉn, irigta ideu pãach pekau ʉpibat. Pãar jãg Ẽwandamau khõsimjo nem waum khõsinaa ĩchab parhoob pãach khõchagpierr nem waum iigjem khʉʉnjã, ideu irigta pãach thãar ajaug paapibat.

1 Pedro 1:15

Magju khãai maach Por Jesucristo gaaimua maach peerdʉ autarr Jooijã pekau chukhu sĩerraawai pãarjã pekau wauba pãach wenʉrrʉmpierr ãba i atheepaita nem waubat.

1 Pedro 1:3

Mua ʉu ajim a chirʉm maach Por Jesucristo Aai Ẽwandamag, ʉu ichdeuta maach dau aug khaugwi maach akhaar dich pekau ee chi khechamjo narrta ʉu peerdʉ auwi ich chaainkha autarr aawai. Mag i chaainkha nʉmʉn, ʉu Jesucristojã deeu phiidʉtarr gaaimuata mag i chaainkha naawai,

2 Pedro 1:4

Cristo ich mag sim gaaimuata Ẽwandamau maachigjã khaphʉ api sim, jãga mʉg atag paawai maachjã ichjo nʉisiju; mag ichjo ajaug paaukhaju khĩirjugjo chan tag khĩirjug ajapham chukhum. Magta maachjã warm khʉʉnjo khaibag waum khõchgau warag eeg paaukhamatarrta ʉu Ẽwandamau maach peerdʉ aujim, magbarmua mʉg atag paawai ichjo ajaug paapʉiwi ich dʉi wenʉrramkhĩir.

2 Pedro 3:14

Cristo gaaimua khodamnaan, maguata muan pãragan Ẽwandamau mag maachig durr iiur deeju a sim ed pa nʉm ora, pekau chukhu wenʉrrajuuta ẽkhanaa thumaa khõinaa wenʉrrat a chirʉm, maagwai degolp ich dʉnʉʉubaicheewaijã pãach ajapha nʉm oochemkhĩir.

1 Juan 2:6

Iin Ẽwandam den aawai i dʉi chirʉm a sim wounan chadcha mʉg jẽb gaai aawai ich Cristo nʉrraajerrjota nʉrraju aai sim.

1 Juan 4:17

Mag maach khõsi sim khaphʉ naawaita warag maach garmuajã ʉ̃rcha maadeu i khõsi nʉm. Mag, õor i agkha nʉm edjã i ogkhaba naaju, mʉig eegar nʉwejã Ẽwandamau ich Iewaa khõsi aajemjo maachjã irua khõsi sim khaphʉ naawai.