1 Juan 3:23 - Wounaan Meu

²³ Irua maachig waupi jaau simʉn ãba ich Iewaa iekta ʉkhapi simʉu; mag nʉm dʉi ĩchab ich Jesucristoou waupi jaautarrjo agdaujota dich khapeen kha khõsi api sim.

Woun Meu

²³ Hirua maachig waupi jaau simʌn hãba hich Hiewaa hiekta hʌ̈k'api simʌu; mag nʌm dʌ̈i hĩchab hich Jesucristoou waupi jaautarrjö hagdaujöta dich k'apeen k'a k'õsi hapi sim.

1 Juan 3:23 Iomraidhean Croise

San Mateo 22:39

Magnaa deeu ichdeupai, Ãb agjo ich agjopaimʉʉ simgui ajim. Ma sĩi “Pʉch khapeenjã wir aig pʉchjo daupii abá” a sim.

San Marcos 9:7

Mag am jãphierr nʉm ee, degolp sĩi edjã eemua jʉʉnthumie baug beewi, am joodʉ athaicheewai, sĩi ag ee ierr paaukhabaadejim anʉm. Magbarm ee woun iekjo, “Chamʉʉta mʉ Iewaa mʉchdeu jãsehne wai chitʉmʉugui” ajim anʉm, “õor peerdʉ aumkhĩir mʉchdeucha jʉr autarr. Irua nem jaau simta ipierraa abat” ajim anʉm.

San Juan 1:12

Pari i isegba ʉu warag i iek ʉkha nʉmua warag irigta amach peerdʉpitarr khʉʉnan ichdeujã warag Ẽwandam chaainag paapʉimajim.

San Juan 13:34

pãrag iek iiurta jaau pʉakhim. Ma, mʉgaugui ajim: Jũrr agdaujo chikham kha khõsi abat. Mua jãg pãach khõsi wai chitʉmjo, pãraujã agjota pãach khapeen kha khõsi abat.

San Juan 14:1

Maimua maach thumaam khʉʉnag, —Oob jãg tag okhĩirjuunaa atcha khĩirju nʉʉ amiet ajim. Mʉ chan chadcha tag pãar khĩir chitabaju; pari mua pãach pʉabajeewai oob Ẽwandamaujã pãach iseg sim amiet. Magju khãai mua pãachig jawaagpamta khĩir eyaa abat ajim.

San Juan 15:12

Mua pãrag jaau pʉa chirʉmʉn, mʉchdeujã ich jãg pãar daupii chirʉmjo pãach eepaijã jũrr agdaujo chikhamnaan daupii abat a chirʉmʉugui ajim.

San Juan 17:3

Mag am ich mag mʉ dʉi wenʉrraagan, amau pʉjã khaphʉnaa mʉjã khaphʉ aju aai nʉmgui ajim: ãba pʉʉta Ẽwandam charau, maagwai mʉ Jesucristo, pʉchdeu pʉitarr.

San Juan 2:23

Mag Jerusalenag mawia am phiesta Pascua ee simua ich iiu aawai ag na õrau nem ooba aajempa wautarr oowia õor khapanaam khʉʉnau i iek ʉkhajierram.

San Juan 3:18

’Mʉch chi Ẽwandam Iewaa iekta ʉkhanaa mʉ ig sim woun chan Ẽwandamau isegwia khĩmie durr barpʉibam. Pari ar mʉ igba sim chan ya sĩi barpʉijupaita simgui ajim, ichdeu Ẽwandam Iewaa mʉchta ãbpai chitʉmta igba arr gaaimua ichdeupaita wir aig ich isegpi jaau simjo sĩewai.

San Juan 6:29

Magbaawai Jesuu amag magjim: —Ẽwandamau pãrag waupim khõsi simʉn, mʉʉta warrgarwe ichdeu pʉiju a jaaujerr aawai mua nem jaau chitʉmta pãrag ʉkhapim khõsi simgui ajim.

Hechos 16:31

Magbaawai Pabloou Silas dʉimua irig, —Ãba maach Por Jesucristo iek appaita ʉkhabá. Pua chadcha mag ʉkhamʉn, pʉchjã peerdʉwia pʉ degam khʉʉnjã peerdʉjugui ajim aajem amau irig.

Efesios 5:2

Ich jãg Cristoou maach khõsi simjo pãraujã agdaujo pãach khapeen kha khõsi abat. Cristoou mag maach khõsi arr aawai maach daupigau pakuls gaai ʉdʉraa ich meerphe thõopijim. Ẽwandamau irua magbarm oowai ʉu sĩejim.

1 Tesalonicenses 4:9

Mʉg Ẽwandam iek ʉkha nʉm gaaimua khodkha thʉnʉm khʉʉn aphajã warag chikham kha khõsi amkhĩir chan mua tag pãrag bʉ̃ʉrjã jaaupʉibam, ich Ẽwandamauchata ya pãar mag khõsi wenʉrraa khaugpi sĩewai.

1 Timoteo 1:15

Dich in iekhõoin thumaam khʉʉnau khaphʉ aju aai nʉm: “Jesucristo mʉg jẽb gaai beewain pekau paraam khʉʉn peerdʉ awaanta beejim.” Ma chan seukhaawaijã khabam. Warran mʉʉn mʉchta ʉ̃rcha pekau pom chitajim, tagam khʉʉn khãaijã.

1 Pedro 1:22

Mag nʉm dʉi ĩs maach peerdʉajem iek chaar Cristoou jaau sim pãachdeu ʉkha nʉm gaaimua, ya pãar irua ajaug paabapʉim, pãach wir aigjã agdaujo dich khapeen dʉi daupii wenʉrramkhĩir. Ya mag i jua ajaug paapʉitarr khʉʉn aawai par iiupai khaba thãrauchata pãach khapeen daupii abat, dich khapeen eugar parhooba khĩirjuba.

1 Pedro 4:8

Pari ʉ̃rcha dich khapeenta daupii abat. Mag chadcha am daupii wai nʉm chan, maach dʉi biek khapan khaigba awiajã, am dʉi magʉm iek igba sĩi warag am perdonaaju.

1 Juan 2:7

Cristo gaaimua khodamnaan, cha mua pãrag jãga aju aai nʉ a jaaupʉi chirʉm chan iek iiurcha khabam. Mʉg iekhan ar nawe pãachdeu warrcha Jesucristo iek ʉkha phobaadewe ũrtarr iekpaiu; wajapcharan dich khapeen kha khõsi api jaau sim iekma.

1 Juan 3:11

Keena, warrcha pãrag maach Por Jesucristo iek jaauwai pãrau ũrtarran agdaujo dich khapeen kha khõsita api jaaujim; ma ajim pãrau nacha ũrtarr iek.

1 Juan 4:15

Maadeuta Jesuun chadcha Ẽwandam Iewaa aawai ich dʉi ãba sim awia i aumʉn, magan maachin Ẽwandam dʉita khapeerkham iek khapeerkha nʉm.

1 Juan 4:21

Jesucristoou maachig jaau pʉatarr maadeu khaphʉ nʉm. Mag irua jaau pʉarran mʉgau: “Pua chadcha Ẽwandam khõsi sim khai, magan pʉch khapeenjã ich agjo kha khõsi abá,” a sim.

1 Juan 5:13

Keena, pãar Ẽwandam Iewaa iek ʉkhaajem khʉʉnagta mʉg ẽsap phã deepʉi chirʉm, ya pãar i denkha naawai chadcha pãach i dʉi ich mag wenʉrraju khap amkhĩir.