1 Juan 3:22 - Wounaan Meu

²² Magta irig jeeu nʉmʉn, maadeu ichig jeeubarm thum irua maachig deeju, ichdeu oowai maadeu i ipierraanaa irua nem khõsimpaita wau naawai.

Woun Meu

²² Magta hirig jëeu nʌmʌn, maadëu hichig jëeubarm t'um hirua maachig deeju, hichdëu hoowai maadëu hi hipierraanaa hirua nem k'õsimpaita wau naawai.

1 Juan 3:22 Iomraidhean Croise

San Mateo 17:5

Mamʉ Pedro mag iekha dʉnʉm ee, jʉʉnthumie baug beewi am joodʉ athaichejim anaabá. Magbarm ee mag chi jʉʉnthumie eemuata woun iekjo, “Chamʉʉta mʉ Iewaa mʉchdeu jãsehne wai chitʉmʉu, õor peerdʉ aumkhĩir mʉchdeu jʉr autarr. Irua nem jaau simta ipierraa abat” a iekhabarm ũrjierram anʉm.

San Mateo 21:22

Mag pãachdeu jeeubarmjo aju khaphʉnaata pãach nem jeeuwaijã jeeumʉn, pãachdeu jeeubarm nem pãrau paarpaju a jaaujim marag.

San Marcos 11:24

Maimua ĩchab, —Pãachdeu Ẽwandamag nem ig nʉm jeeuwai chadcha irua pãachig deeju khaphʉnaa ya pãach jua ee wai nʉmjota jeeumʉn, magan chadcha irua pãrag pãachdeu nem ig nʉm deeb khaba deejugui ajim anʉm.

San Juan 14:13

Pãar chadcha mʉch denkha naawai pãrau pãachdeu nem khõsim thum mʉ Ayagta mʉ iek gaai thʉwiata jeeumʉn, mua pãar dʉi mag pãachdeu jeeu nʉmjo ajugui ajim, mʉchdeu pãar dʉi mag chirʉm gaaimua ich mʉ Aaita chi jua thierriu a khap amkhĩir.

San Juan 15:10

Ich jãg mʉjã mʉch Ayau jaautarr ipierraa chitʉm gaaimua mʉ Ayau mʉch khõsi wai sĩejemjo, pãraujã mua pãachig jaautarr ipierraata wenʉrrʉmʉn, pãrau khaphʉ ajugui ajim, chadcha mua pãach khõsi chirʉm.

San Juan 15:7

’Pãrau mʉ kha ogdʉba mua pãachig jaautarr ipierraata wenʉrrʉmʉn, pãachdeu nem waupim khõsimta mʉrʉg jaaubat, magbaa mua waub khaba waujugui ajim.

San Juan 6:29

Magbaawai Jesuu amag magjim: —Ẽwandamau pãrag waupim khõsi simʉn, mʉʉta warrgarwe ichdeu pʉiju a jaaujerr aawai mua nem jaau chitʉmta pãrag ʉkhapim khõsi simgui ajim.

San Juan 8:29

Ich chi mʉ pʉi sim mʉ dʉi sĩewai, mua mʉch Ayau nem khõsimpaita waaujeewai irua sĩi mʉrʉg oobamjoo aba aajemgui ajim.

San Juan 9:31

Maadeu khaphʉ nʉmgui ajim anʉm, sĩi parhooba pekau pomkham khʉʉn iek Ẽwandamau ũrba aajem. Irua ũurjemʉn, ichig jeeunaa ich ipierraa nem wau nʉm khʉʉn iekta ũurjem.

Hechos 17:30

Warrgarin õrau mag amachdeu nem wau nʉmjã khaugbam gaaimuata mag nem parhooba waunaa agʉmʉg jeeuwaijã Ẽwandamau sĩi ãwaatjeejieb mamʉ, ĩs chan ya tag mag khabamgui ajim anʉm.

Hechos 20:21

Judionaanag jaaunaa maimua judionaan khabam khʉʉnagpa jaaujeejim, jãga amach khaibag thum ãsie ewag khĩirjuwia isegju aai nʉ, Ẽwandamau khõsi simjota wenʉrraag; magnaa jãga maach Por Jesucristo iekta ãba ogdʉba ʉkha wenʉrraju, magʉm thum mua jaaujeejimgui ajim.

Filipenses 4:18

Ʉu ajim keena. Ar pãrau mʉ athee Epafrodito gaau phatkhon deepʉitarr thum ʉu agcha kherajim. Ajapcharan mʉchdeu ig chirarr khãyaujã ʉ̃rʉʉchata pãrau deepʉijierram. Jãg pãrau mʉrʉg phatkhondam deepʉitarran Ẽwandamau oowaijã ʉu kherʉm, ichigchata deebarmjo aawai.

Colosenses 1:10

Irigta pãar kõit jeeujem, chadcha maach Por Cristo denkha nʉm khʉʉnjo pãach nem wau nʉmpierr irua nem khõsimta wau nʉmua dich khapeen dʉi nem ajapha aju ayaamjã waub khaba waumkhĩir; mag nem wau nʉm gaaimua warag ich Ẽwandamjã ajapcha pãachig khap amkhĩir.

Hebreos 13:21

Mag Ẽwandamagta muan pãar kõit jeeu chirʉm, ichdeuta ichjo warag pãar ajaug paamaawai ichdeu khõsimjo pãachdeu nem wau nʉmjã thumaa ajapha obeber amkhĩir. Magnaa ĩchab Jesucristoog ʉdʉraa maach Porkhapi nʉm gaaimuata Ẽwandamau maach dʉi ichdeu am aig amkhĩir irigta jeeu chirʉm. Mag nʉm dʉi ĩchab thumaam khʉʉnag maach Por Cristota mʉg atag pawiajã ich mag tho iekhapim khõsi chirʉm.

Santiago 1:5

Mamʉ magʉm prueba ãwataag pãar ee iwiir ãb khãijã mag ich Ẽwandamau khõsimjo aju khaugba sim khai, ichigta jeeubat. Magbaawai irua khĩirjug deemamua khaugpiju. Ẽwandamau nem deewai chan maach denjo mag, “Mua khachpaita deejujã” aba, ni chikham khĩir phʉʉrnaajã nem deeba aajem.

Santiago 4:3

Maimua mag ichig jeeuwaijã irua deeba aajem. ¿Jãgwi? Ya mag pãachdeu nem ig nʉm paarpabaadeewai agua sĩi pãach o khõchagpierr nem wawaagta ig nʉmjã ichdeu khaphʉ sĩewaima.

Santiago 5:16

Keena, chadcha Ẽwandam na ajapha nʉm khʉʉnau irig jeeu nʉm khʉʉn iekhan chadcha ichdeu ʉkhaajeewai, muan pãragan, pãach pekau wai nʉmjã agdaujo dich khapeenag meerba jaaunaa jũrr agdaujo dich khapeen kõitjã Ẽwandamagta jeeubat a chirʉm. Magnaata pãrau jeeumʉn, mor mas khekhedʉm khʉʉnjã monaauju.

1 Juan 2:3

Maachta Ẽwandamau nem jaau sim ipierraa nʉmʉn magan chadcha maadeu khaphʉ nʉm, ya maach i denkha nʉm.

1 Juan 5:14

Maadeu khaphʉ nʉm ĩchab, ich Ẽwandamau khõsi simjo maadeu irig jeeuwain irua maach iek ũrb khaba ũurjem.