1 Juan 3:21 - Wounaan Meu

²¹ Khodamnaan, pari maach nem khaigba wauba naawai maach khĩirjugjã khõinaa simʉn, magan Ẽwandamag jeeuwaijã maadeu inag chukhuta irig jeeuju aai nʉm.

Woun Meu

²¹ K'odamnaan, pari maach nem k'aigba wauba naawai maach k'ĩirjugjã k'õinaa simʌn, magan Hẽwandamag jëeuwaijã maadëu hinag chuk'uta hirig jëeuju haai nʌm.

1 Juan 3:21 Iomraidhean Croise

Romanos 14:22

Pãar chi ubʉ nʉm khʉʉnau parhooba pãachdeu nem kho nʉm Ẽwandam dakhĩir khaigba khaba sim khaphʉ naawiajã oob sĩi pãachjo ubʉ khaba khitheem khʉʉn dakhĩirjã idawaa amiet. Magju khãai sĩi pãach khĩirjug eepaita mag khaphʉ nʉmjã wai nʉisit. Ẽwandamauta pãrau nem wajapha wau nʉmjã khaphʉ sĩebahab. Ar ichdeu nem wauju aai sim awi waubarmjã naspawi deeu dau merag jãgbarjim a khĩirjuba nʉm khʉʉnta chadcha onee nʉm khʉʉnau.

1 Corintios 4:4

Mua khaphʉ chirʉm, mʉch khaigba khaba chirʉm. Mag chirab mamʉ õor dakhĩir mʉʉn Ẽwandam dʉi iekkhõr chukhu chirʉmjã aba chitʉm. Mag chiraawai mua khaphʉ chirʉm, mʉ khaibag wauju jaauju wa mʉ kõit khãijã iekhajuun ich maach Por Jesuuchata jaauju aai sim, bigaaum khʉʉnau khabam.

2 Corintios 1:12

Mʉch wajapha chitanaa iekhaawaijã chadcharam iekta pãar ee Ẽwandam dakhĩirjã mʉch iekha chitaajem khap, mʉ onee chirʉm i dau na. Mʉ mag chitʉm chan sĩi mʉg jẽb gayam khʉʉn khĩirjug khaugau khaba, sĩi ich Ẽwandamau mʉrʉg magpi sĩewaita thumaam khʉʉn daarjã ʉu wajapha chitaajem.

Efesios 3:12

Maguata ya ĩsin mag Cristo iek ʉkha naawai, i gaaimuata chadcha Ẽwandam bʉ ignaa ich jãg chaain amach dennaan dʉi aajemjo irig jeeuwimʉ jeeujem, mag jeeubaawai maach iek ũrju khaphʉ naawai.

1 Timoteo 2:8

Maguata muruan chi ʉkha durrum khʉʉn nʉnʉidʉmpierr Ẽwandamag jewaag ʉ̃gthaag jua jʉrkhaawai chi emkhooinauta Ẽwandamag iekhamamua jeeupi chirʉm. Mamʉ mag Ẽwandamag jeeu nʉmua ʉ̃gthaag jua jʉrkha nʉm khʉʉnjã pekaúa jua phʉis meu sĩsidʉm khabam; agtha dich khapeen dʉi khãijã meeukha nʉrrjeenaa dich khapeen dʉi ipeer ahaujã khábata Ẽwandamag jeeubat.

Hebreos 10:22

Mag chadcha Cristoou ich bagauta maach ajaug paabarm dʉi phadnaanau chi ʉ̃rʉmpai ʉpʉiwi Ẽwandamag jewaag ajaug paajerrjo ich Ẽwandam Akharauchata maach thãar ajaug paawi dooujã ajap ʉtarrjo naawai, warag thãraucha Ẽwandam jʉrtarrau keena, bʉ̃ʉrjã irua maach isegjujã khĩirjuba.

Hebreos 4:16

Maach kõit iekhaajemua mag maach dau aug khaaugjem khaphʉ naawai bʉ̃ʉrjã ogkhaba warag Ẽwandam thumaam khʉʉn Porkhanaa thumaam khʉʉn dʉi ajapha khitʉmta jʉrju aai nʉm irig jeeu nʉmua, pekau ee burrjojoo aadephʉm aig i iigwaijã ʉu irua maach dau aug khaugwi maach khaigpermkhĩir.

1 Juan 2:28

Chaaina, deeu pʉaba muan pãragan, Cristo dʉita ogdʉba nʉisit a chirʉm, maagwai deeu i beewaijã i ogkhaju khãyau warag chigag chukhu i dʉi naag.

1 Juan 2:7

Cristo gaaimua khodamnaan, cha mua pãrag jãga aju aai nʉ a jaaupʉi chirʉm chan iek iiurcha khabam. Mʉg iekhan ar nawe pãachdeu warrcha Jesucristo iek ʉkha phobaadewe ũrtarr iekpaiu; wajapcharan dich khapeen kha khõsi api jaau sim iekma.

1 Juan 3:2

Cristo gaaimua khodamnaan, ya maachin chadchata Ẽwandam chaainau. Mʉʉgwaiwe chan maadeu khaugba nʉm, jãga nʉisiju khai mʉg atag pawiajã; ãba maadeu khaphʉmjo nʉmʉn, Cristo dʉnʉʉubaichem ed maach ichjo aphobaadejupaita khaphʉ nʉm, ya mag edan dau daau khĩirchata i oophobaadeju aawai.

1 Juan 3:20

Mag ʉkhaa chaar ʉkha nʉmta nem khaigba waauwaijã maach khĩirjugaupai maachig jajaaukhamjo akhiinjã, maach khĩirjug khãaijã ʉ̃rpai sim wai nʉm: ma Ẽwandamau. Iruata nem thum khaphʉ aajeewai maadeu i dau na nem agcha wauju ẽkha nʉmjã irua khaphʉ sim.

1 Juan 4:17

Mag maach khõsi sim khaphʉ naawaita warag maach garmuajã ʉ̃rcha maadeu i khõsi nʉm. Mag, õor i agkha nʉm edjã i ogkhaba naaju, mʉig eegar nʉwejã Ẽwandamau ich Iewaa khõsi aajemjo maachjã irua khõsi sim khaphʉ naawai.

1 Juan 5:14

Maadeu khaphʉ nʉm ĩchab, ich Ẽwandamau khõsi simjo maadeu irig jeeuwain irua maach iek ũrb khaba ũurjem.