1 Juan 3:2 - Wounaan Meu

² Cristo gaaimua khodamnaan, ya maachin chadchata Ẽwandam chaainau. Mʉʉgwaiwe chan maadeu khaugba nʉm, jãga nʉisiju khai mʉg atag pawiajã; ãba maadeu khaphʉmjo nʉmʉn, Cristo dʉnʉʉubaichem ed maach ichjo aphobaadejupaita khaphʉ nʉm, ya mag edan dau daau khĩirchata i oophobaadeju aawai.

Woun Meu

² Cristo gaaimua k'odamnaan, ya maachin chadchata Hẽwandam chaainau. Mʌʌgwaiwe chan maadëu k'augba nʌm, jãga nʌisiju k'ai mʌg hatag pawiajã; hãba maadëu k'ap'ʌmjö nʌmʌn, Cristo dʌnʌʌubaichëm hed maach hichjö hap'öbaadëjupaita k'ap'ʌ nʌm, ya mag hedan dau daau k'ĩirchata hi hoop'öbaadëju haawai.

1 Juan 3:2 Iomraidhean Croise

San Mateo 5:8

’Pãar ar thãar ajapha nʉm gaaimua ãba Ẽwandam dawagaata nem waaujem khʉʉn, onee abat ajim anʉm, pãrauta pãach mag nʉm gaaimua Ẽwandam khĩir ooju aawai.

San Lucas 17:30

Jãg amachdeu Ẽwandam khĩirjuba thʉnarrjota thʉnaajugui ajim anʉm ĩchab, mʉch chi Emkhooi Iewaa deeu mʉg jẽb gaai dʉnʉʉubaichem edjã.

San Lucas 20:36

Ya am Ẽwandam chognaanjo thʉnʉm dʉi ĩchab Ẽwandam chaainkha thʉnʉmgui ajim anʉm, ich Ẽwandamauchata am phiriutkha autarr gaaimua.

San Juan 1:12

Pari i isegba ʉu warag i iek ʉkha nʉmua warag irigta amach peerdʉpitarr khʉʉnan ichdeujã warag Ẽwandam chaainag paapʉimajim.

San Juan 11:52

Pari magbarm chan ĩchab judionaan kõitpai khaba, ewag paawai thum ich chaainkhaju khʉʉn kõitpa thõju a sim ajim, judionaan khabam khʉʉn awiajã, magbarmua ich chaain durrpierram khʉʉnta khod ãbamkha awaag.

San Juan 17:24

Magnaa deeu ũwaai, “Tata, mua khaphʉ chirʉmgui ajim, mʉ ũwaai pʉ aar chiraimaawai ich jãg warr mʉg jẽb ompaaju nawe pua chadcha mʉ khõsi pʉch dʉi ãba chi jua thierrkha wai chirarrjo deeu pua mʉrʉg ich ag jua theeg deeju. Pari mag pʉ aar chiraimaawai mʉch khapeenjã ĩchab mʉch chirʉm aigta mʉch dʉi phe wai chitam khõsi chirʉmgui ajim, mag jua theeg pua deeu mʉrʉg deebarm amag oomkhĩir.

Romanos 8:16

Mag ich Akhaar maachig deetarrauta jũrr maachig jajaaukhamjo aajem, chadcha maach Ẽwandam chaainkha nʉm.

Romanos 8:18

Iin mʉig eegar aawain maachin chadcha mag dau aug wau wenʉrraju; mamʉ jũrr mʉg atag ʉ̃gthar paawaita wajapcha naaimaju khĩirjuawai chan, mag dau aug wau nʉmjã sĩi warag maadeu igbata sim.

Romanos 8:19

Chadcha mag sim khap aag pãade khĩirjubat: Maadeu khaphʉ nʉm, mʉg durr gaai maimua edjã eejã nem thʉnʉm thum ya ĩs chan warr Ẽwandamau amach ompaatarrjo khaba thʉnʉm. Mʉg maach wounaan dau aug wau nʉmjo, ĩchab amjã waragta eegar paaukhamam. Pari maadeu khaphʉ nʉm ĩchab, am mag thʉnaab mamʉ, Ẽwandamau maach phiriutkha auwia ĩchab amjã deeu wajaug paapʉiju. Magua amachdeujã magju khaphʉmjo, Ẽwandamau maach ichdeu wajaug paatarr khʉʉn dʉi dau daau beejuuta wounaan denjo sĩi nʉ khodthʉnʉm.

Romanos 8:29

Mag ichdeu maach thʉ̃rkha auju nawe, agtha mʉg durr gaai õor chukhu nʉwe, ichdeun ich iek ʉkhaju khʉʉn khaphʉ arr aawai, makhʉʉnta ich Chaai wajapha khitʉmjota wajaug paapʉiju aadejim, magbarm gaaimua ich Chaaita ewag pawiajã wajaug paakhabarm khʉʉn ag naam chi jooikha sĩsimkhĩir.

1 Corintios 13:12

Ẽwandam iek ʉkha nʉmjã ich jãgta sĩebahab. Ĩsin maadeu Ẽwandam igwia i khaphʉ nʉm anaab pari sĩi espheg khĩir purrjoom ee nem inag oo nʉmjopaita i khaphʉ nʉm, wajappai khaugba. Pari jãg nʉʉ awia mʉg atag paawai chadcha ich simjo maadeu i wajapha khaphʉ aju, ya agdaujo i dʉi khĩircha oophobaadem aig. Mʉg maach agtha eegar wenʉrrʉweran mʉchdeun ya i wajapha khaphʉ chirʉm a chirab mamʉ, agtha i ooba aawai wajappai i khaugba chirʉm. Pari jãg chirʉʉ awia ich jãg ich Ẽwandamau wajap mʉ khaphʉ simjo mʉch garmuajã ĩchab i khaphʉ aju.

1 Corintios 15:49

Ĩs ewag pawiajã agtha Adanag mor deetarr khĩirkha wenʉrrʉmjo, jãg nʉʉ awia jũrr ich Cristoou mor wai sim khĩirta maadeujã agjo wai nʉisiju.

1 Corintios 2:9

Mamʉ makhʉʉnaupaijã khaba, ewag pawiajã ich Ẽwandamau nem wau sim ni ãbmuajã khaugbaju khapta, ich iek gaai mʉg phãpijim: “Ẽwandamau ich khõsi wai nʉm khʉʉnag deeg phe wai simʉn, ni iwiir ãbmuajã ooba, ni ũrjã ũrba, ni ãbmuajã auju khĩirjuba sim nemta amag deeg wai sim.” (Is. 64:4)

2 Corintios 3:18

Maguata maach i iek ʉkha durrum khʉʉn chan mag agtha putiu khĩir borr nʉmjo khaba aawai espheg dau wajapham ee oo nʉmjota ich Ẽwandam wajaugjã maach gaaita õrau oo nʉm, maach nem wajapha wau nʉm gaaimua. Mag nʉmua maachin waragta ich Ẽwandam Akharau wajaug paamaawai warag maach Por Jesujota paaukhamam.

2 Corintios 4:17

Mʉig eegar aawai año khapan mʉg dau aug wau chitawiajã mʉg atag ya Ẽwandam dʉi ich mag ogdʉba chiraimanaa oowain sĩi khũchpaita mag aphʉʉ chitarrjoo aju, magʉm thum ãwattarr jũrr Ẽwandamau mʉch wajapcha wai sĩsiewai.

Gálatas 3:26

Ya ĩsin mag ich Jesucristo iekta thãraucha ʉkha nʉm gaaimua maachin thumta Ẽwandam chaainau.

Gálatas 4:6

Mamʉ mag ich chaainkha nʉisimjã maachig khap amkhĩir, ich Ẽwandamau jũrr ich Chaai Akhaarta pʉijim maach thãar ee sĩemkhĩir. Mag i Akhaar maach thãar ee simuata maachigjã Ẽwandamag Aai ichepiewai chadcha maadeu Ẽwandam maach Aai aajem.

Filipenses 3:21

Mag ich pierrum edta ichdeucha ich iiu aawai maach mor mʉg maadeu nem igmap simjã ich denjo ajaug paapʉiju. Nem thum thʉnʉmjã ichdeuta ichdeu ampierr aju aai sĩerraawai ich ag juapaaupai irua chadcha sĩi maach eu meebpʉimjo aju.

Colosenses 3:4

Mag Cristo dʉi ãba jooba wenʉrraju khʉʉn aawai ich Cristo beewi ichdeu ich ajaug thumaam khʉʉnag oopibarm ed pãar ichdeu ajaug paa atham khʉʉnta ichdeu ich dʉi ich mag phe wai sĩsiju.

Hebreos 9:28

Ich jãgta ĩchab ich Cristojã biek ãbpai ich thõopijim chikhamnaan pekau kõit, mag biek ãbpai arrau warre thumaam khʉʉn pekau chugpaa auju ayaa apäaig. Mamʉ í deeu beeju; mag urum chan ya tag pekau chugpaag deeu ich thõopieg khaba, ich beejujukhamjã chadcha i beepim khõsi ich nʉ naajerr khʉʉn phe awaanta urum.

2 Pedro 1:4

Cristo ich mag sim gaaimuata Ẽwandamau maachigjã khaphʉ api sim, jãga mʉg atag paawai maachjã ichjo nʉisiju; mag ichjo ajaug paaukhaju khĩirjugjo chan tag khĩirjug ajapham chukhum. Magta maachjã warm khʉʉnjo khaibag waum khõchgau warag eeg paaukhamatarrta ʉu Ẽwandamau maach peerdʉ aujim, magbarmua mʉg atag paawai ichjo ajaug paapʉiwi ich dʉi wenʉrramkhĩir.

1 Juan 2:28

Chaaina, deeu pʉaba muan pãragan, Cristo dʉita ogdʉba nʉisit a chirʉm, maagwai deeu i beewaijã i ogkhaju khãyau warag chigag chukhu i dʉi naag.

1 Juan 2:7

Cristo gaaimua khodamnaan, cha mua pãrag jãga aju aai nʉ a jaaupʉi chirʉm chan iek iiurcha khabam. Mʉg iekhan ar nawe pãachdeu warrcha Jesucristo iek ʉkha phobaadewe ũrtarr iekpaiu; wajapcharan dich khapeen kha khõsi api jaau sim iekma.

1 Juan 3:1

Keena pãade khĩirjubat jãga Ẽwandamau maach khõsi sĩ: mag ich garmua maach khõsi sĩewai irua maachig ich chaain a thʉ̃rju aai sim, maach chadcha ich chaain aawai. Sĩi ar parhooba i iek ʉkhaba nʉm khʉʉnau chan ich Ẽwandam Iewaa mʉg jẽb gaai sĩethuurwaijã pod i khaug auba arr aawaita ĩs mʉg maach Ẽwandamau ich chaainkha wai simjã pod khaugba nʉm, jãga awia mag nʉ.

1 Juan 3:10

Ar nem wajapham wauba ni dich khapeenjã kha khõchkhaba sim chan Ẽwandam den khaba sim. Mag gaaimua ĩchab khaphʉ aajem, chijã khʉʉnta Ẽwandam chaainá maimua chijã khʉʉnta mepeer chaainá.

1 Juan 3:21

Khodamnaan, pari maach nem khaigba wauba naawai maach khĩirjugjã khõinaa simʉn, magan Ẽwandamag jeeuwaijã maadeu inag chukhuta irig jeeuju aai nʉm.

1 Juan 5:1

Jesuun chadcha Ẽwandamau ich Iewaa ichdeucha pʉitarr aawaita i dʉi ãba sim awia au sim wounan magan ya Ẽwandam chaairau. Magbarm aig agjo tagam khʉʉn Ẽwandam chaainkha nʉm khʉʉnaujã agjo i khõsi aju aai nʉm. ¿Jãgwi? Chi Aaijã khõsi naawaima; pod chi Aai appai daupiinaa chi chaain khõchkhaba aju aai khaba nʉm.

Apocalipsis 2:28

I iek ar chi mag nʉm khʉʉnag irua ĩchab amag edpherr garm phĩdagjã deeju aajem; ajapcharan ichpaita am denkhapi auju anaabá.

Apocalipsis 22:4

i dʉi khĩircha oonaa i thʉ̃rta amach dag gaai ich mag phã wai wenʉrraju aajem.