1 Juan 3:19 - Wounaan Meu

¹⁹ Mag dich khapeen thumaa kha khõsi wenʉrrʉmʉn chadau maadeu khaphʉ nʉm, maach Ẽwandam iek chaarta ʉkha naawai i igar nʉm; mag nʉm aiguin chadau ʉkhaa chaarta ʉkha nʉm aju aai nʉm.

Woun Meu

¹⁹ Mag dich k'apeen t'umaa k'a k'õsi wënʌrrʌmʌn chadau maadëu k'ap'ʌ nʌm, maach Hẽwandam hiek chaarta hʌ̈k'a naawai hi higar nʌm; mag nʌm haiguin chadau hʌ̈k'aa chaarta hʌ̈k'a nʌm haju haai nʌm.

1 Juan 3:19 Iomraidhean Croise

San Juan 13:35

Magta pãrau chadcha agdaujo chikham kha khõsi amʉn, thumaam khʉʉnau khaphʉ ajugui ajim, chadcha pãar mʉ khapeenkha nʉm.

San Juan 18:37

I mag iekhabarm ũrbaawai chi Pilatoou irig, —¿Magan pʉʉn chadcha reipamá? ajim anʉm. Magbaawai Jesuu, —Pua khabá khaphʉ jaaubapʉim; mʉ chadcha Reiu ajim aajem. Mʉ mʉg durr gaai parhoobam chaaidamjo thaabachetarran, mʉ Ayau chadcharam iek jaaupi sim jawaanta beejim. Maagwai thum mag chadcharam iek ʉkham khõsi ʉkha nʉm khʉʉnaun mʉ iek ũrm khõsi ũurjemgui ajim aajem Jesuu.

Romanos 4:21

Irua khaphʉ sĩejim, chadcha Ẽwandam jua theeg sim, ichdeu nem magju atarr wawaag.

Romanos 8:38

Magua mua khaphʉ chirʉm, ni ãbmuajã pod Cristo jua eemua maach khecheu aubaju: mʉig eegar ich mag phithurg au wenʉrrʉmua, juau thõo nʉmua, Ẽwandam chognaanau, edjã eem dosãt beneu, sĩi parhoobam beneu, nem dau chigaa oo nʉmua, mʉg atag nem obeberg maju khĩirju nʉmua,

2 Timoteo 1:12

Magtarr aawai mag iek jaau chitʉm gaaimuata chadcha mʉg mʉ phithur da aphʉʉ chitaajem. Mag chitab mamʉ jãgʉm iek gaaimuata mʉʉn wajappha khĩir naau chitaajemjã aba chitʉm. Mua khaphʉ chirʉm, khai iekta mʉchdeu ʉkha chirʉ́. Mag ãba Ẽwandam iekta mʉchdeu ʉkha chiraawai i jua theeg simjã mua khaphʉ chirʉm. Maagwai ich aar mʉch thʉ̃r nʉm ora mʉch thʉa wai nʉrrajujã khaphʉ chirʉm.

Hebreos 10:22

Mag chadcha Cristoou ich bagauta maach ajaug paabarm dʉi phadnaanau chi ʉ̃rʉmpai ʉpʉiwi Ẽwandamag jewaag ajaug paajerrjo ich Ẽwandam Akharauchata maach thãar ajaug paawi dooujã ajap ʉtarrjo naawai, warag thãraucha Ẽwandam jʉrtarrau keena, bʉ̃ʉrjã irua maach isegjujã khĩirjuba.

Hebreos 11:13

Mag Ẽwandam iek ʉkhaajerr khʉʉn cha maadeu jaau nʉm khʉʉnan chadcha thum khechjierram, mag Ẽwandamau amachig nem deeju jaautarrjã agtha auba durruwe. Mamʉ mag Ẽwandamau jaautarrjo chadcha aju ʉkha narr aawai amau khaphʉ naajim, ya ʉ̃gthar paaukhabaimaawaita mʉig eegar deeju arr khãaijã atcha Ẽwandamau amachig deeju. Mag khĩirju phobaadeewaita mʉig eegarwejã warag onee nʉm iekhau, “Mʉiguin maachin sĩi chikham durr gaaita wenʉrrʉm” aajeejim anʉm.

1 Juan 1:8

Maadeuta dich igwia bʉ̃ʉrjã pekau chukhum a nʉmʉn, chadcha pekaupanta mag pekau chukhum anaawai, maachdeupaita wir aig maach khũgur nʉm; mag nʉm aig chan chadam iekjã khaugbata nʉm.

1 Juan 2:21

Magua mua pãrag mʉg ẽsap phã deepʉi chirʉm chan mag pãrau bʉ̃ʉrjã khaugba naawai khabam; mag khãai pãrau chadam iek khaphʉ naawaita pãrag mʉg ẽsap phã deepʉi chirʉm. Mag nʉm dʉi pãrau khaphʉ nʉm ĩchab, ar chi seukha nem ĩgkhaajem khʉʉn chan chadam iek ʉkhaajem khʉʉn eem khabam.

1 Juan 3:14

Mag khãai warag dich khapeenta kha khõsi abat, ich Cristoou jaautarrjo. Dich khapeenta kha khõsi amʉn, maadeu khaphʉ nʉm, chadcha chi okhoomkha narrta ich dʉi wenʉrramkhĩir ich denkha wai sim, Cristoou. Maimua khaphʉ nʉm ĩchab agjo ar dich khapeen kha khõchkhaba simʉn, maan agtha okhoo nʉrrʉm gaaimua Cristo den khaba sĩewaiu.

1 Juan 3:20

Mag ʉkhaa chaar ʉkha nʉmta nem khaigba waauwaijã maach khĩirjugaupai maachig jajaaukhamjo akhiinjã, maach khĩirjug khãaijã ʉ̃rpai sim wai nʉm: ma Ẽwandamau. Iruata nem thum khaphʉ aajeewai maadeu i dau na nem agcha wauju ẽkha nʉmjã irua khaphʉ sim.

1 Juan 3:21

Khodamnaan, pari maach nem khaigba wauba naawai maach khĩirjugjã khõinaa simʉn, magan Ẽwandamag jeeuwaijã maadeu inag chukhuta irig jeeuju aai nʉm.