1 Juan 3:16 - Wounaan Meu

¹⁶ Jesucristoou maach kõit ich thõopitarr gaaimuata maadeu khaphʉ nʉm, khan agá dich khapeen kha khõchag. Mag maach daupigau ich thõopitarr aawaita maachdeujã agjo Cristo gaaimua dich khodkha durrum khʉʉn kõit am daupigau dich thõopiju akhiinjã agjo ʉdʉraa dich thõopiju aai nʉm.

Woun Meu

¹⁶ Jesucristoou maach kõit hich t'õopitarr gaaimuata maadëu k'ap'ʌ nʌm, k'an hagá dich k'apeen k'a k'õchag. Mag maach daupigau hich t'õopitarr haawaita maachdëujã hagjö Cristo gaaimua dich k'odk'a durrum k'ʌʌn kõit ham daupigau dich t'õopiju hak'iinjã hagjö hʌdʌraa dich t'õopiju haai nʌm.

1 Juan 3:16 Iomraidhean Croise

San Mateo 20:28

Mʉ pãar khãai Emkhooi Iewaakha chirʉmjã mag sĩi mʉch garmua chikham chogaagjã beebajim. Mʉ beetarran sĩi chikhamnag mʉch chogamkhĩirta beejimgui ajim, mag chitʉmua chikham jua machgau thõowi mag thõobarm gaaimua õor pom sĩi amach pekau ee preso sĩsidʉmjo nʉm khʉʉn obeerkhapäain.

San Juan 10:11

Magnaa, Mʉʉta Pastor chaar chi wajapcharamʉugui ajim. Pastor chi wajapham abarmʉn ich nemchaain peerdʉ awaagjã ichta ʉdʉraa thõopiejemgui ajim.

San Juan 13:34

pãrag iek iiurta jaau pʉakhim. Ma, mʉgaugui ajim: Jũrr agdaujo chikham kha khõsi abat. Mua jãg pãach khõsi wai chitʉmjo, pãraujã agjota pãach khapeen kha khõsi abat.

San Juan 3:16

’Pari magaagta Ẽwandamau oowai mʉg durr gaaim khʉʉn thum ya chi okhoomta nʉm khaphʉ arr aawai, ich garmuata am peerdʉ aum khõchgau mʉ ich Iewaa ãbpai khitʉmta am kõit thõmkhĩir pʉijimgui ajim, magbarm gaaimua chi mʉrʉgta amach peerdʉ aupi nʉm khʉʉn chan okhooba, mʉig eegarwejã ich denkhanaa ich aar oberwia ich mag ich dʉi wenʉrramkhĩir.

Hechos 20:28

Magua mua pãrag mag chirʉmgui ajim: Pãar ar chi ʉkha durrum khʉʉn porkha nʉm khʉʉn, pãach mor ʉʉrkhanaa ĩchab pãach khapeen chi ʉkha durrum khʉʉnjã wajapha thʉa wai nʉisit. Magaag magamkhĩirta Ẽwandam Akharau pãar jʉr aujimgui ajim, maach Por Jesuu ich bagau phag autarr khʉʉn ajapha thʉa wai wenʉrramkhĩir.

Romanos 16:4

Amau peer amachta thõopijierram mʉ kõit. Magua chadcha mua amag ʉu ajim aajem; mamʉ mʉch appaimuata mag ʉu ajimjã aba, judionaan khabam khʉʉn iglesia ee thumaam khʉʉnauta amag ʉu ajim aajem mʉ kõit, mag ʉu peerdʉwia maach Por Jesucristo iek jaau chitʉm gaaimuata amachdeujã ũrwi ʉkhatarr aawai.

Romanos 5:8

Pari Ẽwandamau magbajim maach dʉi. Maach pekau pom nʉm ãba, Cristo pʉijim maach kõit thõmkhĩir. Mag pʉibarmuata irua ich garmua chadcha maach khõsi sim khap apijim.

2 Corintios 4:12

Mag i iek jaau chitʉm gaaimua mʉchin chadcha thõjuuta ẽkha chitʉmjo aajem, pari mua mag jaau chitʉm gaaimua ʉu pãar chi ʉkha nʉm khʉʉnan jũrr iiuta iiu nʉm, i iek ʉkha nʉm gaaimua.

Efesios 5:2

Ich jãg Cristoou maach khõsi simjo pãraujã agdaujo pãach khapeen kha khõsi abat. Cristoou mag maach khõsi arr aawai maach daupigau pakuls gaai ʉdʉraa ich meerphe thõopijim. Ẽwandamau irua magbarm oowai ʉu sĩejim.

Efesios 5:25

Ich jãg Cristooujã ich iek ʉkha phobaadeewai ich iglesiakha nʉisiju khʉʉn daupigau am kõit ichta thõopitarrjo, pãach chi emkhooinaujã pãach ʉʉin daupii abat.

Filipenses 2:17

Mua pãrag Ẽwandam iek jaautarr gaaimua, ʉu pãrau ãba irua nem khõsimta wau wenʉrrʉm. Maagwai ich ag iek gaaimuapai amau mʉ thõoju akhiinjã, bʉ̃ʉrjã machagjã igba ʉdʉraa mua mʉch thõopiju. Magbarmua muajã pãrau nem wau nʉmjo, ichdeu khõsim nemta mʉchdeujã wau chirʉm khaphʉ chiraawai, mag mʉ thõokhiinjã mʉrʉgan ʉu kherʉm.

Filipenses 2:30

Chadcha ichdeupaita peer ich khĩrau ich thõopijim, Cristoou nem waupi jaau sim ipierraa am khõchgau. Maimua ĩchab pãrau pãachdeucha mʉ juag oom khõsi durrumta warp nʉm gaaimua pod ooba aawai, jũrr ichdeuta garpapa am khõchgau peer meebarm mʉ gaaimua. Maguata muan pãrag onee pãach ee i baarpi athat a chirʉm.

1 Tesalonicenses 2:8

Ich jãgta pãarjã marau daupii wai naabajieb; magua marau pãrag Ẽwandam iek jaaum khõchag naajim. Pari mag jaau nʉmpaijã khaba, ag gaaimua pãar kõit maar khechju arr akhiinjã ya nawe khechwia naakham, pãar daupigau.

Tito 2:13

Jesucristoou maachig beeju a jaau pʉatarr ag ed pa nʉm ora, maachin ich magta onee i nʉ wenʉrraju aai nʉm, chadcha mag i beeju khaphʉ naawai. Ich beem edan edau bʉ wʉʉ jẽer urumjo ooimʉta dau daau maachig ich oopiju. Maata maach Ẽwandam anaa maach peerdʉ aaujem Jesucristoou.

1 Pedro 1:18

Warran chadcha pãrau pãach jooin i maadeu igba simʉgta ʉ̃rcha ee aajeejim, pãach dennaanau pãachig jaau bãautarrjo. Pari maagjerr ya ĩs Ẽwandamauta ich athee pãar peerdʉ atham. Pãrau khaphʉ nʉm, mag pãar peerdʉ awaag, phĩriujã phagba ni phatkhonaujã phagbajim, jãgʉm nem ãrb khaba ãarjeewai.

1 Pedro 2:24

Maachta maach pekau gaaimua Ẽwandamau khechpʉiju aai naajim; mamʉ mag narrta Cristoouta jũrr maach kõit ʉdʉraa pakuls gaai ich meerphe thõopijim, magbarmua maach ich athee peerdʉ auwi ya tag pekau waujujã khaugba sĩi ich dʉipaita nem agcharam appai wau wenʉrramkhĩir. Magta Cristo dau aphʉʉ õor jua machgau bag kha ʉ̃ʉipa khitajim, maach pekau ee narrta ʉu peerdʉ awaag.

1 Pedro 3:18

Pãrau khaphʉ nʉm, Cristojã maach khãai ajapha khitarrta, jũrr maach Ẽwandam dʉi iekkhõr pom narr khʉʉn kõit ʉdʉraa ich dau aphʉʉ apijim. Pari mag i meetarran, warr õrau amach pekau athee ʉ̃iba nemchaain thõojerr khĩir khaba arr aawai, mag biek ãbpai meebarmua maach chi khaibagnaan Ẽwandamau ʉu maach auju ayaa amkhĩir ajim. Í woun arr aawai chi meen chadcha meejim; mamʉ í ĩchab ich Aai gaaimua Ẽwandam arr aawai mag meetarrjã ich mag iiu sĩsijim.

1 Juan 2:6

Iin Ẽwandam den aawai i dʉi chirʉm a sim wounan chadcha mʉg jẽb gaai aawai ich Cristo nʉrraajerrjota nʉrraju aai sim.

1 Juan 2:9

Ãbmua khãijã Cristo dʉi sĩewai ararag ee sim a sim, pari mag simta Cristo gaaimua ich khodkha simjã oomapha sim chan magan maan agtha khĩchag ee sĩewaita mag sim, bʉ̃ʉrjã maach peerdʉajem iek khaugba.

Apocalipsis 5:9

Makhʉʉn jooin mag thʉkhokhood thʉnʉmua chi Cordero thumeukharmamua meukhaar iiurta au naajim. Amau meukhaar au narr mʉg ajim: “Pʉchdeupaita ãba jãg ẽsap jua ee auwi chi khaar sĩsidʉmjã thʉrreu werbaju aai sim, pʉchta thumaam khʉʉn kõit ʉdʉraa pʉch thõopitarr aawai. Pʉch thõo nʉm aig bag ãrtarrauta pua õor durrpierram khʉʉn amach meupierr Ẽwandam athee perkha aujim.