1 Juan 3:10 - Wounaan Meu

¹⁰ Ar nem wajapham wauba ni dich khapeenjã kha khõchkhaba sim chan Ẽwandam den khaba sim. Mag gaaimua ĩchab khaphʉ aajem, chijã khʉʉnta Ẽwandam chaainá maimua chijã khʉʉnta mepeer chaainá.

Woun Meu

¹⁰ Har nem wajap'am wauba ni dich k'apeenjã k'a k'õchk'aba sim chan Hẽwandam dën k'aba sim. Mag gaaimua hĩchab k'ap'ʌ haajem, chijã k'ʌʌnta Hẽwandam chaainá maimua chijã k'ʌʌnta mepeer chaainá.

1 Juan 3:10 Iomraidhean Croise

San Mateo 13:38

Maagwai irua photarr jẽb, jã mʉg õor pom wejomta jaau sim. Chi nemjĩir dau wajapham, õor Ẽwandamagta ʉdʉraa amach Porkhapi nʉm khʉʉnaugui ajim. Maagwai chi phũak khaigbam, ar sĩi Ẽwandam igar khaba mepeer igar nʉm khʉʉnau.

San Lucas 6:35

Magua muan pãragan, pãach dʉi iekkhõr paraam khʉʉnjã warag kha khõsita abat a chirʉmgui ajim anʉm. Maimua am dʉi o ajapha abat ĩchab, pãach nemdam khũchpaim athee khãijã jeeu arrwai tag deen beebaju khãijãa jãg deebapʉim a iekhaba. Pãrau o ãkhãrag chukhu magmʉn, ʉ̃gtharin pãar athee nem ajapham pooma thʉnʉmgui ajim anʉm. Ĩchab pãar mag wenʉrrʉmʉn magan pãar chadcha Cha Ʉ̃gthaa Phuu Nʉm ag chaainaugui ajim anʉm. Ẽwandamau õrau khĩirjuajemjota khĩirjuajem akhiin, ãba õor ajapham khʉʉnagpaita irua nem deejeekham. Mamʉ i magba thumaam khʉʉn dʉi ajapha khitʉm, õor khaibagjã igba, ni mag ich ajaug khitʉm paarjã õrau ichig ʉu ajim abajujã khĩirjuba. Magua pãraujã agjota aju aai nʉmgui ajim anʉm, pãach khapeen khaibagjã igba.

San Juan 1:12

Pari i isegba ʉu warag i iek ʉkha nʉmua warag irigta amach peerdʉpitarr khʉʉnan ichdeujã warag Ẽwandam chaainag paapʉimajim.

San Juan 11:52

Pari magbarm chan ĩchab judionaan kõitpai khaba, ewag paawai thum ich chaainkhaju khʉʉn kõitpa thõju a sim ajim, judionaan khabam khʉʉn awiajã, magbarmua ich chaain durrpierram khʉʉnta khod ãbamkha awaag.

San Juan 8:44

Magnaa amag, Pãar aai mepeer khabahab ajim. Maguata pãar i denkha naawai irua nem jajaaukhamta waum khõchkhaajerram. Mepeer warrgarwe õor thõomie khabahab ajim. Irua nem jaau sim chan bʉ̃ʉrjã chadam iek khabamta jaau sĩerrʉm. Irua chadcha nem jaautarr chukhum. Jãg irua seukha nem jaauwai ich khapta jaauba aajeeb ajim, seunem sĩerraawai. Magua ichta seu paraam khʉʉn aaikha sĩerrabahab ajim amag.

San Juan 8:47

Ar chadcha Ẽwandam chaainkha nʉm khʉʉnaun i iek õrau jaau nʉm ũurwaijã ʉkham khõsi ʉkhaajerram. Pari pãar Ẽwandam chaain khaba aawai pãrau i iek ʉkhaba nʉmgui ajim.

Hechos 13:10

—Pʉrʉgan dosãtauta khĩirjug dee simgui ajim anʉm. Maguata jãg seunem sĩi õor khũgurjupai khap sĩerrʉm, bʉ̃ʉrjã nem ajapham khõchkhaba. Jãg maach Por Ẽwandam ichaaur aju khãai, jãg ideu chi ʉkham khõsim khʉʉnag i iek ʉkhapibáma ajim anʉm.

Romanos 13:8

Oob pãach khapeen iwiir ãbam khʉʉnagjã debpaar paraa amiet. Magarrau jũrr agdaujo dich khapeen kha khõsi aju khĩirjugan chadau paraa abat. Chi magta ich khapeen kha khõsi simuan chadau chadchata Moiseeu ley phã pʉarr gaai jaau sim thumaa ʉʉrkha sim.

Efesios 5:1

Ich Ẽwandamau ich garmuajã chadcha pãar ich chaain jãsene aajeewai ichdeu pãach dʉi aajemjota abat pãachdeujã pãach khapeen dʉi.

Colosenses 3:14

Pari mag mua jaau chirʉmjo wenʉrraagan, pãach khapeen daupii aju khĩirjugta ʉdʉraa pãach gaai ʉ̃rpapibat. Magta amʉn, pãachjo dʉi ʉkha durrum khʉʉn thum Ẽwandamau oowaijã i dawagaa wenʉrraju, o ãba.

1 Timoteo 1:5

Mua pʉrʉg mag jaaupʉi chirʉmʉn, ich mag wenʉrraju khãyau warag chikham kha khõsi amkhĩirta mag am wawibá a chirʉm, magbaawai amau agdaujo o ajaphanaa nem khaigba waujujã khĩirjuba sĩi thãrauchata Cristo iek ʉkhamkhĩir.

1 Juan 2:29

Pãrau khaphʉ nʉm, maach Por Jesucristoou nem agchata ichdeu khap nem waaujem. Maagwai ĩchab khaphʉ aju aai nʉm, thum nem agcha nem waaujem khʉʉnjã agjo Ẽwandam chaainkha nʉm.

1 Juan 3:1

Keena pãade khĩirjubat jãga Ẽwandamau maach khõsi sĩ: mag ich garmua maach khõsi sĩewai irua maachig ich chaain a thʉ̃rju aai sim, maach chadcha ich chaain aawai. Sĩi ar parhooba i iek ʉkhaba nʉm khʉʉnau chan ich Ẽwandam Iewaa mʉg jẽb gaai sĩethuurwaijã pod i khaug auba arr aawaita ĩs mʉg maach Ẽwandamau ich chaainkha wai simjã pod khaugba nʉm, jãga awia mag nʉ.

1 Juan 3:2

Cristo gaaimua khodamnaan, ya maachin chadchata Ẽwandam chaainau. Mʉʉgwaiwe chan maadeu khaugba nʉm, jãga nʉisiju khai mʉg atag pawiajã; ãba maadeu khaphʉmjo nʉmʉn, Cristo dʉnʉʉubaichem ed maach ichjo aphobaadejupaita khaphʉ nʉm, ya mag edan dau daau khĩirchata i oophobaadeju aawai.

1 Juan 4:21

Jesucristoou maachig jaau pʉatarr maadeu khaphʉ nʉm. Mag irua jaau pʉarran mʉgau: “Pua chadcha Ẽwandam khõsi sim khai, magan pʉch khapeenjã ich agjo kha khõsi abá,” a sim.

1 Juan 4:6

Pari maach agjo mʉig eegarm khʉʉnkha nʉmta jũrr Ẽwandam denkha nʉm. Maagwai chi Ẽwandam amach thãar ee wai nʉm khʉʉnaupaita maach iek ũrm khõsi ũurjerram. Pari Ẽwandam den khabam khʉʉnau chan bʉ̃ʉrjã maachdeu jaau nʉm iek ũrmapha aajem. Maguata ãbmua khãijã Ẽwandam iekta jaau nʉrrʉm anʉmta maadeu jaau nʉm ũrmapha simʉn magan maig merag chukhu sim, chadam iek jaauba sĩi chikham khũguraagta mag nʉrrʉm.

1 Juan 4:8

Mamʉ ar amach khapeenjã kha khõchkhaba nʉm khʉʉn chan warrcha amachdeu Ẽwandam amach thãar ee aujim anʉm edjã chadcha thãraucha ʉkhawia auba arr aawaita mag nʉm. Magba akhiin amau amach khapeen daupii aajeekham, ich jãg Ẽwandamaujã thumaam khʉʉn daupii aajemjo.

1 Juan 5:19

Maadeu khaphʉ nʉm, maach chadcha Ẽwandam denkha nʉm; pari khaphʉ nʉm ĩchab, mʉg jẽb gaai õor pom sĩi dosãtauta ich jua eegar phe wai sim.

1 Juan 5:2

¿Jãga mag maadeu i chaainkha nʉm khʉʉnjã khõsi nʉm khap abarju? Chadcha ich Ẽwandamjã daupii naawai irua nem jaau sim ipierraa nem waauwaima. Mag i ipierraa wenʉrrʉmʉn, i chaainjã daupii wai wenʉrraju.

3 Juan 1:11

Hermano, oob pua ejemplo khaigbam chan au chitam; mag khãai ejemplo wajaphamta athá. Pua khaphʉ sim, ar chi nem khaigbam waaujem khʉʉnan Ẽwandamjã khaugba naawaita mag nem khaigba wau sĩerrjeem; pari nem wajapha wau nʉm khʉʉnan Ẽwandam dʉi naawaita mag nem wajapha waaujem.