1 Juan 2:9 - Wounaan Meu

⁹ Ãbmua khãijã Cristo dʉi sĩewai ararag ee sim a sim, pari mag simta Cristo gaaimua ich khodkha simjã oomapha sim chan magan maan agtha khĩchag ee sĩewaita mag sim, bʉ̃ʉrjã maach peerdʉajem iek khaugba.

Woun Meu

⁹ Hãbmua k'ãijã Cristo dʌ̈i sĩewai hararag hee sim ha sim, pari mag simta Cristo gaaimua hich k'odk'a simjã hoomap'a sim chan magan maan hagt'a k'ĩchag hee sĩewaita mag sim, bʌ̃ʌrjã maach peerdʌajem hiek k'augba.

1 Juan 2:9 Iomraidhean Croise

San Juan 9:41

Magbaawai Jesuu, —Pãar chadcha dau khĩsu naawaita jãg naakhiin, pãar pãach pekau gaaimua kulp pomcha khaba naakhamgui ajim. Mamʉ magba pãar iek mag wajapha khaphʉ nʉm anʉmta juau jãg nem khaigba waum khõchgau mʉ igbam gaaimuata, pãar Ẽwandam dʉi iekkhõr pooma nʉmgui ajim Jesuu amag.

Hechos 1:15

Ich mag Ẽwandamag jewaag am ãba biirdʉdʉkham ed gaai, biek ãb Pedroou tagam khʉʉn agjo Jesús iek ʉkha nʉm khʉʉn khapan ciento veinte nʉm jãrr dʉnʉʉunaa,

2 Pedro 1:9

Mamʉ ar mag ʉkhatarrjã magʉm nem ajapham wauju ẽkhaba aawai khĩirjug bãaubamjo sim woun chan, sĩi dau khĩsu wa dausĩ warppha nem oo nʉm khʉʉnau wajap nem wauju khaugba aajemjota sim, ich pekau ee nʉrraajerrta ʉu maach Por Ẽwandamau ich khaibag chugpaatarrjã khĩirjuba.

1 Juan 1:6

I mag sim dʉita maachin khapeerkha nʉm. Pari mag i dʉi khapeerkha nʉmta maachdeu nem khaigba wau nʉm gaaimua khĩchag eeta wenʉrrʉmjo nʉm chan magan maachin seukhaawaita mag i dʉi khapeerkha nʉm a iekha nʉm. Mag nʉm dʉi ĩchab maachdeu nem waauwaijã khaigbata wau nʉmʉn magan parta mag i dʉi nʉm a iekha nʉm.

1 Juan 2:11

Pari magba ar Cristo gaaimua dich khodkha kherʉmjã oomapha wai simʉn agtha ich mag khĩchag eeta simjo sim; ich mag sim gaaimuata dau khĩsumjo nʉrraawai pekaúa ich eudʉ arrumjo simjã khaugba sim.

1 Juan 2:4

Pari ãbmua khãijã “Mʉʉn i deneu” a sim, pari mag simta bʉ̃ʉrjã irua nem jaau sim ipierraa khaba simʉn magan sĩi seunemgau ich iiupaita mag i den a nʉrrʉm; magan maguajã agtha chadam iek khaugbata sim.

1 Juan 3:10

Ar nem wajapham wauba ni dich khapeenjã kha khõchkhaba sim chan Ẽwandam den khaba sim. Mag gaaimua ĩchab khaphʉ aajem, chijã khʉʉnta Ẽwandam chaainá maimua chijã khʉʉnta mepeer chaainá.

1 Juan 4:20

Ãbmua khãijã, “Mua Ẽwandam khõsi chitʉm” a sim; pari mag simta dich khapeenjã kha khõchkhaba simʉn, magan maan sĩi seukhaawaita mag iekha sim. Chi mag iekha simua ich khapeen dʉi khĩircha oo simta mag kha khõchkhaba sim khai, jãga mag Ẽwandam ichdeu bʉ̃ʉrjã ooba aajemta irua khõsi abarju.