1 Juan 2:5 - Wounaan Meu

⁵ Pari jũrr maach i ipierraa nʉm khʉʉnaun chadau chadcha wajapchata i khõsi nʉm. Mag i khõsi nʉm gaaimua maadeu khaphʉ nʉm, chadchata i denkha nʉm.

Woun Meu

⁵ Pari jũrr maach hi hipierraa nʌm k'ʌʌnaun chadau chadcha wajapchata hi k'õsi nʌm. Mag hi k'õsi nʌm gaaimua maadëu k'ap'ʌ nʌm, chadchata hi dënk'a nʌm.

1 Juan 2:5 Iomraidhean Croise

San Lucas 11:28

Magbaawai jũrr ichdeu, —Jãan chadaugui ajim anʉm, mamʉ mag khãyau ar Ẽwandam iek jaau nʉm ũrwia i ipierraa nʉm khʉʉnta ʉ̃rʉʉcha onee aju aai nʉmgui ajim anʉm.

San Juan 14:21

Chi mua nem jaautarr ũrnaa mʉ ipierraa simuan magan chadcha mʉ daupii sim a sim. Mag chi mʉ daupii simʉn, ĩchab mʉ Ayaujã i daupii ajugui ajim. Mag mʉ Ayau i daupii abaawai mʉchdeujã i khõsinaa warag mʉch khĩirjugchata khap apijugui ajim.

San Juan 14:23

Magbaawai Jesuu irig, —Chi mʉ daupii simuata mʉ ipierraa nem wauju aawaima ajim; maagwai iita mʉ Ayaujã ĩchab daupii abajup ajim. Mag maata mʉ Ayaujã daupii wai sĩewai maach numiita i dʉi ãba i thãar ee jooba wenʉrrajugui ajim.

San Juan 15:5

Mag iekhamamua deeu ichdeu jaautarrjo, —Mʉʉta chi uva khaar charaugui ajim, ich igwia. Maagwai pãar sĩi mʉ khãu nenergau. Chi mʉ dʉita ogdʉba simʉn chadcha Ẽwandam athee nem wajapham pooma waujugui ajim, mʉch garmuajã i ogdʉba chiraawai. Mʉ gaaimua khabam chan bʉ̃ʉrjã pãrau pod nem wajapham waubajugui ajim.

San Juan 6:56

Chi mʉ mod khonaa mʉ bagjã do simʉn mʉ dʉi khapeerkham iekta khapeerkha sĩsiju. Maagwai mʉch garmuajã i dʉi ich mag khapeerkha chirsijugui ajim.

Romanos 8:1

Mamʉ ʉu magba, maach ya Jesucristo iek ʉkhawi ich denkha nʉm khʉʉnau chan tag pekaúgta ich mag ʉdʉʉr dich ʉ̃rpai apiju khaba nʉm, mag pekau waaujerr paarjã okhoopimaaugau ya maach ich denkha naawai.

1 Corintios 1:30

Maimua pãachin chadau ich Ẽwandamauchata pãar Jesucristo bʉ ogdʉba phe wai sĩebma. Ich mag Cristo gaaimuata ĩchab maadeu Ẽwandam khĩirjug wai nʉm; i gaaimuata ya peerdʉwia sĩi pekau chukhu arrjo nʉm; i gaaimua ĩchab Ẽwandam iek ʉkha nʉmua warag bãau wetum; ich Jesucristo gaaimuata Ẽwandamau maach per autarrjo naawai i denkha nʉm; mag i denkha naawai ãba ichigpaita jeeupiejem.

2 Corintios 5:17

Ya Cristo dʉita sim wounan warr ich sĩerrjo khaba, woun chi iiurigta pa sĩsimjo sim. Magbarm aigmua warr nem khaigba waaujerr khĩirjug thum isegpʉiwia sĩi khĩirjug iiurta wai sĩsim.

2 Corintios 5:21

Cristo chan bʉ̃ʉrjã pekau wauba khitajim; pari mag khitarrta, Ẽwandamau ʉdʉraa i thõopijim maach thumaam khʉʉn kõit, ichta mag pekau wauwia chi ikhʉ arrjo; i dʉi magbarmua jũrr maach denta chugpaabapäaiwai pekau chukhu narrjo nʉisimkhĩir.

Santiago 2:22

Pʉde khĩirjubarí: Abranau mag wauba arr akhiin, ¿jãga irua Ẽwandam iek chadcha ʉkha chirʉm akhajĩ? Ẽwandamau ichig nem mag abaawaijã ich ipierraa arr gaaimuata Abranau chadcha ich iek thãraucha ʉkhaajerrjã õrag khap apijim.

1 Juan 3:24

Ar mag i ipierraa wenʉrrʉm khʉʉnta i khapeenau, maagwai ichjã jũrr am khaperau. Mag chadcha ich Akhaar maachig deetarr gaaimua maadeu khaphʉ nʉm, chadcha í maach dʉi sim.

1 Juan 4:17

Mag maach khõsi sim khaphʉ naawaita warag maach garmuajã ʉ̃rcha maadeu i khõsi nʉm. Mag, õor i agkha nʉm edjã i ogkhaba naaju, mʉig eegar nʉwejã Ẽwandamau ich Iewaa khõsi aajemjo maachjã irua khõsi sim khaphʉ naawai.

1 Juan 4:18

Ẽwandamau chadcha maach khõsi sim maadeu khaphʉ nʉm aig i ogkhaba aajem; magju khãai dich khõsi sim khaphʉ naawai bʉ̃ʉrjã dich dʉi khaigbajujã khĩirjubaju. Maadeu i ogkha nʉmʉn, magan dich khaibag khãijã wauju khĩirjuwiau. Magua, Ẽwandamau õor i agkham ed maachjã irua khaigba aju khĩirju nʉmʉn, magan agtha wajapcha maach khõsi sim khaugba naawaita mag khĩirju nʉm.

1 Juan 5:2

¿Jãga mag maadeu i chaainkha nʉm khʉʉnjã khõsi nʉm khap abarju? Chadcha ich Ẽwandamjã daupii naawai irua nem jaau sim ipierraa nem waauwaima. Mag i ipierraa wenʉrrʉmʉn, i chaainjã daupii wai wenʉrraju.

1 Juan 5:20

Maadeu khaphʉ nʉm ĩchab, Ẽwandam Iewaa maach ee beewiata maachig khĩirjug deechejim, Ẽwandam chaarta wajapcha khap amkhĩir. Mag gaaimuata maachin chadcha ich Ẽwandam chaar dʉita wenʉrrʉm, pari wajapcharan chi Iewaa Jesucristo dʉijã agjo naawai mamʉ. Mag Cristota Ẽwandam chaar anaa maach ich mag iiupiejemʉu.

2 Juan 1:6

Chadcha chi Ẽwandam khõsi simuan irua nem jaau sim thum i ipierraata nem waaujem. Pari ʉ̃rcha irua maachig waupi jaau simʉn, ar nacha pãachig jaau nʉm aig ũrtarrjo, agdaujo dich khapeen daupiita wenʉrrapi jaau simʉu.

Apocalipsis 12:17

Magbaawai chará chi mepeer mag õoirjo sĩerr warag chi ʉʉi dʉita meeukha sĩsiwi, jũrr chi chaain ewagam khʉʉn gaaita jua machag deeju awi, warag am dʉi werbʉan petajim. Mag chi chaain ewagam khʉʉn anʉmʉn, ar Ẽwandamau nem jaau sim thum ipierraanaa Jesucristoou chadcharam iek jaautarrjã ʉkhawi agtha ogdʉba ich mag ʉkha wenʉrrʉm khʉʉnau.

Apocalipsis 14:12

Magam uguata ar Ẽwandam denkhanaa irua nem jaau sim ipierraanaa ĩchab Jesús bʉjã ogdʉba wenʉrrʉm khʉʉnan warag ubʉta ʉkha wenʉrraju aai nʉm. Ma ajim Ẽwandam chog thãrjupamua jaau dichtarr.