1 Juan 2:26 - Wounaan Meu

²⁶ Jãg sĩi pãach khũguraag ẽkhaajem khʉʉn gaaimuata mua pãrag khap amkhĩir mʉg phã deepʉi chirʉm.

Woun Meu

²⁶ Jãg sĩi pãach k'ũguraag hẽk'aajem k'ʌʌn gaaimuata mua pãrag k'ap hamk'ĩir mʌg p'ã deepʌ̈i chirʌm.

1 Juan 2:26 Iomraidhean Croise

San Marcos 13:22

Mua mag chirʉmʉn amach iiupai amta Ẽwandamau pʉijim anʉm khʉʉn dʉi Ẽwandam i jaaumien anʉm khʉʉnjã sĩi seukha chikham khũgur wenʉrraju aawaita mag chirʉmgui ajim anʉm, khap amkhĩir. Makhʉʉnaun chadcha Ẽwandamauta amach pʉijim amkhĩir, ag na õrau nem ooba aajempa õor dauderraa wau wenʉrraju. Mag nem wau wenʉrrʉmua ich Ẽwandamaucha jʉr auwi ich iek ʉkhapi autarr khʉʉnpa khũgur ẽkhajugui ajim anʉm.

Colosenses 2:18

Ar jãg amachdeuta ajapcha ʉkha nʉm awi pãachig, “Maar denjo Ẽwandam chognaanagpa jeeuba naawai pãar chan agtha ajapcha khaba nʉm” a iekhaawai, oob am iek asekasmiet. Jãgʉm khʉʉnaun, Ẽwandamau amagta nem inagjã dau daau oopiejeewai amauta pãar khãaijã khapcha nʉm anaa, sĩi amachdeu nem khaphʉmta tho iyʉʉ sĩerrjeem.

Colosenses 2:8

Khĩir khaphʉ abat keena: ar jãg sĩi mʉg jẽb gayam khĩirjugta chadam iek awi aata õrag jaau nʉrrjeem khʉʉnag oob ʉdʉʉr pãach khũgurpimiet. Jãkhʉʉn chan Cristo iekjã jaauba, sĩi maachjopaim khʉʉn khĩirjug dʉi ar meperau khõsimjo Cristo ichaaur aajem khĩirjugta jaau wenʉrrʉm.

1 Timoteo 4:1

Mamʉ Ẽwandam Akharau khapeenag jaaupibaawai jaautarr gaaimua pua khaphʉ sim, mʉg atag paawai ãaur khʉʉn i iek ogdʉba ʉkha wenʉrraju aajerr khʉʉnta mʉg iek ajapham isegwia jũrr parhooba dosãtau nem jaaupi sim jaau nʉmʉgta ee ajurau.

2 Timoteo 3:13

Mamʉ ĩchab ar jãg õor khũgurnaa khaigba nem wau wenʉrrʉm khʉʉnan mʉg atag paawai warag athuucha paaukhamaju, amachpata dosãtau khũgur wai sĩewai.

1 Juan 3:7

Chaaina, ni iwiir ãbamʉgjã ʉdʉraa pãach khũgurpimiet: Õor wajapham khʉʉnaun nem agchata waaujem, ich Cristojã woun wajapham aawai;

2 Juan 1:7

Jãg õor pom sĩi seukha pãar khũguraagpai Jesús chan woun chaar khabamta jãg nʉrrajim a jaau nʉm khʉʉn khapan thʉnaawai, muan pãragan warrgarwe mag pãachdeu ʉkhatarr iekta khĩir eyaa api chirʉm, ʉdʉʉr pãach khũgurpimaaugau. Chi jãg wenʉrrʉm khʉʉnan sĩi chikham khũguurjem khʉʉn anaa Cristojã oomapha nʉm khʉʉnau.