1 Juan 2:21 - Wounaan Meu

²¹ Magua mua pãrag mʉg ẽsap phã deepʉi chirʉm chan mag pãrau bʉ̃ʉrjã khaugba naawai khabam; mag khãai pãrau chadam iek khaphʉ naawaita pãrag mʉg ẽsap phã deepʉi chirʉm. Mag nʉm dʉi pãrau khaphʉ nʉm ĩchab, ar chi seukha nem ĩgkhaajem khʉʉn chan chadam iek ʉkhaajem khʉʉn eem khabam.

Woun Meu

²¹ Magua mua pãrag mʌg hẽsap p'ã deepʌ̈i chirʌm chan mag pãrau bʌ̃ʌrjã k'augba naawai k'abam; mag k'ãai pãrau chadam hiek k'ap'ʌ naawaita pãrag mʌg hẽsap p'ã deepʌ̈i chirʌm. Mag nʌm dʌ̈i pãrau k'ap'ʌ nʌm hĩchab, har chi sëuk'a nem hĩgk'aajem k'ʌʌn chan chadam hiek hʌ̈k'aajem k'ʌʌn heem k'abam.

1 Juan 2:21 Iomraidhean Croise

San Juan 18:37

I mag iekhabarm ũrbaawai chi Pilatoou irig, —¿Magan pʉʉn chadcha reipamá? ajim anʉm. Magbaawai Jesuu, —Pua khabá khaphʉ jaaubapʉim; mʉ chadcha Reiu ajim aajem. Mʉ mʉg durr gaai parhoobam chaaidamjo thaabachetarran, mʉ Ayau chadcharam iek jaaupi sim jawaanta beejim. Maagwai thum mag chadcharam iek ʉkham khõsi ʉkha nʉm khʉʉnaun mʉ iek ũrm khõsi ũurjemgui ajim aajem Jesuu.

San Juan 8:44

Magnaa amag, Pãar aai mepeer khabahab ajim. Maguata pãar i denkha naawai irua nem jajaaukhamta waum khõchkhaajerram. Mepeer warrgarwe õor thõomie khabahab ajim. Irua nem jaau sim chan bʉ̃ʉrjã chadam iek khabamta jaau sĩerrʉm. Irua chadcha nem jaautarr chukhum. Jãg irua seukha nem jaauwai ich khapta jaauba aajeeb ajim, seunem sĩerraawai. Magua ichta seu paraam khʉʉn aaikha sĩerrabahab ajim amag.

Santiago 1:19

Khodamnaan, mʉg mua pãachig jawaagpam iek khĩir eyaa abat: Maachin thumaam khʉʉnta jʉ̃g ʉ̃rʉʉ aju aai nʉm, Ẽwandam iek jaau nʉm ũraag. Mag jʉ̃g ʉ̃rʉʉ naaju aai naab mamʉ, iekhaagpaawain ajapha khĩirjunaata iekhaju aai nʉm. Ẽwandam dʉi wa i iek gaaimua khãijã oob meeukhakharrso amiet.

2 Pedro 1:12

Chadcha maach peerdʉajem iek pãachig jaautarr pãrau ʉkhawi ag iek gaai ubʉ nʉm awiajã ichiita cha mʉchdeu jaau chirʉm iekhan pʉaba ich jãg pãrag jaau wai chitaju, khĩir eyaa wai wenʉrramkhĩir.

1 Juan 3:19

Mag dich khapeen thumaa kha khõsi wenʉrrʉmʉn chadau maadeu khaphʉ nʉm, maach Ẽwandam iek chaarta ʉkha naawai i igar nʉm; mag nʉm aiguin chadau ʉkhaa chaarta ʉkha nʉm aju aai nʉm.

Judas 1:5

Mua khaphʉ chirʉm, pãrau meraa khaba nʉm cha mua jawaagpam iek. Pari khĩirjubat jãgajĩ warrgarjã Ẽwandamau ich isegtarr khʉʉn dʉi: Maach Por Ẽwandamau maach jooin israelnaan ichdeu Egiptopien jua eemua ʉu peerdʉ aujim. Pari magtarrjã ichdeu nem jaau sim ipierraa khaba arr khʉʉnan israelnaan arr ãba ichiita khechpʉijim.