1 Juan 2:18 - Wounaan Meu

¹⁸ Chaaina, mʉg durran ya ich eegar paju ora pabaadem. ¿Pãrau ũrba aajẽ, anticristo beeju anʉm? Ya mʉʉgwaiwejã maach Cristo chaar oomaphanaa i igar khaba iekhaajem khʉʉn thʉnʉm, anticristonaan aajem khʉʉn. Õor seukha jãg nʉrrjeem gaaimua ya maadeu khaphʉ nʉm, chadchata ya mʉg durr eegar paimʉʉ sim.

Woun Meu

¹⁸ Chaaina, mʌg durran ya hich heegar paju hora pabaadëm. ¿Pãrau hũrba haajẽ, anticristo bëeju hanʌm? Ya mʌʌgwaiwejã maach Cristo chaar hoomap'anaa hi higar k'aba hiek'aajem k'ʌʌn t'ʌnʌm, anticristonaan haajem k'ʌʌn. Hõor sëuk'a jãg nʌrrjëem gaaimua ya maadëu k'ap'ʌ nʌm, chadchata ya mʌg durr heegar paimʌʌ sim.

1 Juan 2:18 Iomraidhean Croise

San Mateo 24:11

Ẽwandam iita jaau nʉm anʉm khʉʉn khapaana oberdʉtkhaju. Pari mag thʉnʉm sĩi õor khũguraagpaita mag wenʉrraju aawai õor pom khũgurmajujã jaaujim.

San Mateo 24:24

Mua mag chirʉmʉn, amach iiupaita amta Ẽwandamau pʉijim anʉm khʉʉn dʉi Ẽwandam i jaaumien anʉm khʉʉn khapan sĩi seukha chikham khũgur wenʉrraju aawaita mag chirʉmgui ajim, khap amkhĩir. Makhʉʉnaun chadcha Ẽwandamauta amach pʉijim amkhĩir, ag na õrau ooba aajempa õor dauderraa wau wenʉrraju. Mag nem wau wenʉrrʉmua ich Ẽwandamaucha jʉr auwi ich iek ʉkhapi autarr khʉʉnpa khũgur ẽkhaju ajim.

San Mateo 24:5

Mʉg atag paawai õor pom sĩi chikham khũgurm khõchgau amach iekpai mʉ iek gaai thʉwia, “Mʉʉta ag Cristoou Ẽwandamau pʉiju aajerr” a iekha nʉrrjee aju. Mag nʉrrjeem gaaimua õor pom khũgur aumaju ajim.

San Marcos 13:6

Mua pãrag mag chirʉmʉn, mʉg atag paawai õor khapankham khʉʉnau amach iekpai mʉ iek gaai thʉwia, “Mʉʉta ag Cristoou Ẽwandamau pʉiju aajerr” awia, õor pom khũgurmaju aawaita mag chirʉmgui ajim anʉm. Pari makhʉʉnau pãachig magwia khãijã oob pãrau am iek ʉkhamiet ajim anaabá, am wawimamua.

San Juan 21:5

Mag nʉm ee, maar dohi dakha narr aawai, ich garmuata marag, —Keena, ¿ãwarr thõojierrá? ajim. Magbaawai marau, —Bʉ̃ʉrjã thõoba nʉm perá anaajim jũrr irig.

Romanos 13:11

Pari mag Ẽwandamau jaau simjo wenʉrraju aai nʉmʉn, ya Cristoou maach phe awaan beeju gayaa pam khaphʉ naawaita mag wenʉrraju aai nʉm. Maadeu khaphʉ nʉm, mag i beeju edan warr maachdeu mʉg maach peerdʉajem iek ʉkhaawaim jaram khãaijã ya gayaata sim. Magua tag jãg sĩi khãi nʉmjota wenʉrraju khaba nʉm.

Romanos 13:12

Mʉig eegar wenʉrrʉm aiguin edau kheu thʉnʉʉ awia ãspa urum den deeu aardʉ urumjota sim. Pari mag chi ãspa urumjo sim a chirʉmʉn, ya Cristo beeju gayaa sim igwiata mag chirʉm. Magua, oob tag sĩi khĩchag ee nem wau nʉmjo nem khaigbam waumiet. Mag khãai chadcha Cristoou mag pãach phe awaan beeimʉʉ sim khap i ipierraata abat,

Hebreos 1:2

Mamʉ ĩs ewag pawi Ẽwandamau jũrr ich Chaai pʉibarm gaaimuata maachig ʉu ich khaugpibarm. I gaaimuata ĩchab nem thʉnʉmjã thumaa ompaawi ichigta Ẽwandam chi Ayau makhʉʉn nem thumaa ich dʉi jʉ̃apijim.

1 Pedro 1:20

Mag Cristo õor kõit thõopijujã ich Jooirau mʉg jẽb ompaaju nawe ya khĩirju wai sĩejim. Magtarr aawai pãar dau aug khaugwi ĩs mʉg jaarta chadcha pãrag ich khaugpibarm.

1 Pedro 1:5

Pãraujã pãach thãrauchata Ẽwandam iek ʉkha naawai irua ich jua theegauta pãar thʉa wai sĩeju, mʉg atag deeu Cristo beewi maach ich aarcha phe arr nʉm ora. Mag pãar phe athaadem edta pãachdeu nem ajapham paarpaju khĩirjuajerrjã thumaa chadcha pãrau wai nʉisiju.

1 Pedro 4:7

Ya Ẽwandamau mʉg durr i agkhaimʉʉ pam. Mag maach oju gayaa pamaawai sĩi donnaanjo nem parhoob wauba, ãba Ẽwandamagta jeeu nʉʉ abat.

2 Pedro 2:1

Cristo gaaimua khodamnaan, ich jãg warr jooingarwe ĩchab maach jooin phobor ee Ẽwandam i chaar khabamta jaaujerr khʉʉn paraa arrjo, mʉg atagjã maestronaan anʉmta pãar ee seukha nem jaau nʉrrjeem khʉʉn paraa aju. Mag nʉrrjeemʉn sĩi chadam iekjoo nem jaau nʉmuata õrau amachdeu maach peerdʉajem iek ʉkha narrjã isegpi nʉmua warag õor khaibag wau wenʉrraju. Mag seukha wenʉrrʉmua maach thumaam khʉʉn peerdʉju ayaa amkhĩir maach Por Jesuu ich thõopitarrjã chad khabajim a jaau nʉrrjee aju. Mamʉ inaata am jãg wenʉrrʉmʉn, Ẽwandamau degolp am gaai mas ab khaba mas aju.

2 Pedro 3:3

Ajapha ũrbat cha mua jawaagpam. Mʉg atag paawai mʉgta thʉnʉisiju: Ya Ẽwandamau mʉg durr i agkhaju gayaa paawai õrau amachdeu nem waum khõchagpierr parhooba nem khaigbamta waum khõchkhanaa chi ʉkha durrum khʉʉnjã wau iekhaa neeme sĩsid aju.

1 Juan 2:22

Pãrau khaphʉ nʉm chijã agá chi seumie chaar. Chi seumie charan, ar Jesús igwia “Jã chan Ẽwandamaucha jʉr auwia pʉitarr Cristo khabajim” a iekhaajem khʉʉnau. Ich magʉm khʉʉnpai khabahab anticristonaan, amach garmuata Cristo dʉi iekkhõr autarr khʉʉn; ich akhʉʉnpaiu ĩchab Ẽwandam chi Aai iekjã ʉkhaba, i Iewaa Cristo iekjã ʉkhaba aajem khʉʉn.

1 Juan 4:1

Keena Cristo gaaimua khodamnaan, ĩsin õor seunemkham khʉʉn neeme thʉnʉm; mag seukha wenʉrrʉmta amach iiupain Ẽwandamau jaaupitarr iekta jaau wenʉrrʉm aajem, sĩi magʉm gaaimua õor khũguraag. Oob jãg parhooba nem jaau nʉmta Ẽwandamau jaaupitarr iekta jaau wenʉrrʉm aajem khʉʉn iek ʉkhamiet. Amau jaau nʉm khap aag, ʉkhaju nawe ajapha khĩirjubat, chadcha Ẽwandam Akhaar chaar amach ee wai naawaita mag iekha nʉ wa sĩi dosãtauta mag iekhapi sĩ.

1 Juan 4:3

Pari ar Jesús chan mag khábata beejim a jaau nʉm khʉʉnau chan Ẽwandam Akhaar charau jaaupi simjo jaaubata nʉm. Chi mag seukha nem jaau wenʉrrʉm khʉʉnaun Cristo oomaphanaa i igar khábata nem jaau nʉm. ¿Pãrau ũrba aajẽ mag anticristo beeju anʉm? Magtarr aawai jãg seukha nem jaau wenʉrrʉm khʉʉnaun i beeju nawe ya i iekta jaau wenʉrrabahab.

2 Juan 1:7

Jãg õor pom sĩi seukha pãar khũguraagpai Jesús chan woun chaar khabamta jãg nʉrrajim a jaau nʉm khʉʉn khapan thʉnaawai, muan pãragan warrgarwe mag pãachdeu ʉkhatarr iekta khĩir eyaa api chirʉm, ʉdʉʉr pãach khũgurpimaaugau. Chi jãg wenʉrrʉm khʉʉnan sĩi chikham khũguurjem khʉʉn anaa Cristojã oomapha nʉm khʉʉnau.

Judas 1:18

Amau pãrag magjierram: “Keena, ya Ẽwandamau maach i agkhaju gayaa paawai sĩi õor amach khõchagpierrta nem waum khõchkhanaa chi ʉkha durrum khʉʉnjã wau iekhaa neeme sĩsid aju” a jaaujierram pãrag.