1 Juan 2:16 - Wounaan Meu

¹⁶ Mʉig eegar jãg dichdeu nem khõchagpierrta nem waum khõchkhabaadep aajem khĩirjug, wa nem dich dawagaa oowaijã dich denkhapim khõsim khĩirjug maimua ar phatkhondam paraam khʉʉnjã ãba aata thobaadep aajem khĩirjug chan ich Ẽwandamauta dee sim khaba sĩi ich mʉig eegarm khĩirjugpaiu.

Woun Meu

¹⁶ Mʌig heegar jãg dichdëu nem k'õchagpierrta nem waum k'õchk'abaadëp haajem k'ĩirjug, wa nem dich dawagaa hoowaijã dich dënk'apim k'õsim k'ĩirjug maimua har p'atk'ondam paraam k'ʌʌnjã hãba haata t'öbaadëp haajem k'ĩirjug chan hich Hẽwandamauta dee sim k'aba sĩi hich mʌig heegarm k'ĩirjugpaiu.

1 Juan 2:16 Iomraidhean Croise

San Mateo 4:8

Maimua ãbmiecha paawai deeu chi dosãtaupai durr pooma sim gaai i arrjim aajem. Mag durrsĩ gaaimua dawaa durr warpham magwe thum ag gaai nem thʉnʉm dʉi irig oopinaa,

San Mateo 5:28

Pari ĩs mua mag chirʉm: Warre khapes aba awiajã, ãbmuata ʉʉi oowi ich odegpai khãijã, “Jãg ʉʉita magju aai khitaba” a khĩirju simʉn, mag khĩirjubarmuapai ya ich thãar ee pekau waubarm mag ʉʉi dʉi.

San Lucas 4:5

Maimua Ẽwandamau ʉdʉraa warag dosãtag Jesús warrpijim aajem, durrsĩ pom sim gaai. Mag warrwia mag durr pom ʉ̃gthaa sim gaaimuapai, seukhabarmjo abarm ee, mʉg jẽb gayam durr warpham magwe thum irig oopijim anaabá.

Romanos 13:14

Magju khãai warag Jesucristo nʉrraajerrjota aju ẽkhabat. Mag nʉm dʉi ĩchab oob tag warr Cristo khaugba aajeewai nem waaujerr wauju khĩirjumiet.

1 Corintios 10:6

Ẽwandamau am dʉi magtarr gaaimua maadeu khaphʉ nʉm, pod maadeu amau arrjo nem khaigbamta waum khõsi aju khaba nʉm.

Gálatas 5:17

Nem khaigbam wauju khĩirjug maach gaai simʉn Ẽwandam Akhaar maach ee sim dʉi werbʉa gaai nʉmjota aajem, ãbmua nem waum khõsim jũrr ãbkhaíu waumapha aadep aawai. Makhʉʉn numí mag ihãba khaba aajem khʉʉn aawai makhʉʉn numiim khʉʉnauta maach chi ʉ̃rʉm khʉʉnagjã amachdeu khõsimjota waupiju ẽkhaajem.

Gálatas 5:24

Cristo denkha nʉm khʉʉnan warr i thõo naawaiwe amach o khõchagpierr nem wauju khĩirjugpata warre i dʉi pakuls gaai meerppʉitarrjota nʉm, tag magʉm nem khaigbam wau nʉmua pekau wauba aag.

Efesios 2:3

Maarjã warran thum ich magta naajim, sĩi dichdeu nem waum khõchagpierr; nem magju abarmʉn parhoobam khĩirjug dich khĩirjug ee bee nʉmta agpierr waaujeejim, warr thaabaawaijã ich mag pekau eeta thaabatarr khʉʉn aawai. Chadcha maach mag wenʉrrarr gaaimua maran sĩi parhooba tagam khʉʉnjo Ẽwandam jua machag ãwatju aai naajim.

Tito 2:12

Mag ich garmua maach peerdʉ awaag maach dau aug khaugtarrpí, jũrr maadeu dich khĩirjug khaigbam thum isegnaa mʉg jẽb gayam nem sĩi dich o khõchagjã warre werba sĩuju aai nʉm, jũrr ajapha khĩirjunaata nem waunaa õor dakhĩirjã agcha wenʉrrʉmua ãba Ẽwandamagpai ichdeu khõsi simjo jeeu wenʉrraag.

Tito 3:3

Pua khaphʉ sim, warran maachjã bʉ̃ʉrjã khĩirjug chukhumjo aawai sĩi Ẽwandam ipierraajã khábata wenʉrrajim. Mag i ipierraajã khaba narr gaaimua i aar barju khʉdjã khaugba okhoo wenʉrrarr aawai sĩi mʉg jẽb gayam nem dichdeu khõchagagta ee wenʉrrarr gaaimua ich magʉmuapaita sĩi maach phẽethʉg wai nʉmjo naajeejim. Mag dich khaibag ee narr aawai dichta jũrr chikham khãaijã ʉ̃rpai am iigjeejim, chikham dʉi khujʉrpaim iekhau. Mag nʉm dʉi ĩchab õrau maach oomapha aawai ĩchab maach garmuajã dʉi am oomapha aajeejim.

Santiago 3:15

Jãgʉm khĩirjug chan Ẽwandamau dee sim khabam, jãan sĩi ich mʉig eegarm khĩirjugpaiu. Jã sĩi dosãt khĩirjug khabahab; ichdeuta õrag mag khĩirjupi sim.

Santiago 4:16

Pari magba pãrau chan pãach dajẽkhu khitheemjã khĩirjubanaa, okhar naspawi nem waujupata khĩirjuwia, pãachta warag tho iekhaajerram. Jãg dich juapaata tho iekha nʉm chan Ẽwandamau khõchkhaba sĩerrʉm, ichta tho iekhaju aai nʉm tho iekhaba aawai. Jãg nʉm khʉʉn chan amach mag nʉmjã oob pãrau Ẽwandamau khaugbamjo sĩi khĩir okhoopʉiju amiet.

1 Pedro 1:14

Ya pãar Ẽwandam ipierraa aagta i chaainkha naawai oob ʉdʉʉr warrgar pãachdeu i khaugju nawe nem khaigbam waaujerragta deeu pãach gaai ʉ̃rpapimiet.

1 Pedro 2:11

Keena, Cristo gaaimua khodamnaan, mʉ iek ũrbat: Maachin Ẽwandam dʉita durrkhaimaju khʉʉn aawai, mʉig mʉg jẽb gaai wenʉrrʉm aiguin sĩi dijã chukhu khũchpaim athee chikham durr gaaita wenʉrrʉmjo nʉm. Mag i dʉi naaimaju khʉʉn aawai oob sĩi pãach o khõchagpierr nem waum khõchgau Ẽwandamau khõchkhabam nemta waumiet. Jãgʉm nem wauju khĩirjugan maach burrpieg maach dʉi werbʉ nʉmjota nʉm.

2 Pedro 2:10

Ar jãg thum amach khõchagpierrta nem waum khõsinaa Ẽwandam jua theegjã ogkhaba aajem khʉʉn gaaita ʉ̃rcha Ẽwandamau mas ab khaba mas aju. Jãg pãrag seukha nem jaau nʉm khʉʉnan jʉ̃g khĩchagnaa khĩir nagjã chukhuta sĩsidʉm. Maguata leinaan amach khãai jua theeg sĩsidʉm khʉʉn igwiajã warag am serbiibag phemaajem.

2 Pedro 2:18

Amau mag nem jaau wenʉrrʉm ũurwain chadcha nem ũrimʉgma; mamʉ mag jaau nʉmʉn sĩi parhooba dau lokoo amach nem wau wenʉrrarr jaau nʉmuata õor khũgur nʉm. Mag nʉmuata amach khaibag pʉawi eeu ʉkhawi agtha Ẽwandam iek gaai ubʉ khaba khitheem khʉʉnjã amachig paa auwi ũwaai ãrpʉimaajem.