1 Juan 2:12 - Wounaan Meu

¹² Keena, ar ewaa Ẽwandam iek ʉkha nʉm gaaimua agtha chaainjo khitheem khʉʉn, Ẽwandamau Jesucristo gaaimua ya pãach pekau perdonaabarm pãrau khaphʉ naawaita mʉg ẽsap pãrag phã deepʉi chirʉm.

Woun Meu

¹² Keena, har hewaa Hẽwandam hiek hʌ̈k'a nʌm gaaimua hagt'a chaainjö k'it'ëem k'ʌʌn, Hẽwandamau Jesucristo gaaimua ya pãach pekau perdonaabarm pãrau k'ap'ʌ naawaita mʌg hẽsap pãrag p'ã deepʌ̈i chirʌm.

1 Juan 2:12 Iomraidhean Croise

San Lucas 24:47

Mag mʉch chi Cristo iiu phiidʉbarm ootarr khʉʉnauta amachdeu ootarr nacha Jerusalenpienag jaaunaa ĩchab durrpierram khʉʉnagjã jaaujugui ajim anʉm, jãgata khĩirjug ajapham jʉrbaawai Ẽwandamau amach khaibag chugpaaju aai sim thumaam khʉʉnag khap amkhĩir.

San Lucas 5:20

Mag ich aig wai burrbaichem oobaawai, irua chi wounaan o akhaar ãba iruata amach aaunaan monaaupʉiju khĩirju nʉm khaphʉ sĩerr aawai, chi khapá jʉser khitʉmʉgta, —Pʉ pekau thum ya chugpaa sĩsimgui ajim anʉm.

Hechos 10:43

Mag, warrgar Ẽwandam i jaaujerr khʉʉnaujã ĩchab Jesús igwia, “Thum i iek ʉkhawia ãba irigpaita amach peerdʉ aumkhĩir jeeu nʉm khʉʉn khaibagan Jesús gaaimua Ẽwandamau chadcha chugpaapʉiju” a jaaumajim aajem Pedroou, warr Ẽwandam i jaaumienau jaaujerr igwia.

Hechos 13:38

Maimua amag, —Khodamnaan, magua pãrau thumaam khʉʉnau khaphʉ aju aai nʉmgui ajim anʉm ich Pabloou, maraun sĩi Jesuuta maach khaibag thum chugpaapʉiju aai sim a jaau wenʉrrʉm.

Hechos 4:12

Magtarr aawai deeum woun mʉg jẽb gaai maach peerdʉju ayaam chan tag chukhumgui ajim anʉm. Mag Ẽwandamau maach peerdʉ aumkhĩir deeum khʉʉnagjã jaauba arr aawai ãba ich Jesuupai khabam chan pod õor amach pekau eemua peerdʉbamgui ajim aajem Pedroou.

1 Corintios 6:11

Ãaur khʉʉn pãar ee cha mua jaau chirʉmjota thʉnaajim warrgar. Mamʉ ĩs ya maach Por Jesucristo gaaimua ich Ẽwandam Akharau ya pãar khaibag thum ʉpʉiwia ich atheepaita nem wajapham appai wau wenʉrramkhĩir pãar jʉr aujim. Mag nʉm dʉi warr pãar i dʉi iekkhõr pom wenʉrrarrjã, maach Por Jesucristoou Ẽwandam Akhaar dʉimua ʉu pãar peerdʉ auwia pekau chukhu arrjo pãar wai sim.

Efesios 1:7

Maach pekau gaaimua Ẽwandam dʉi iekkhõr pom narrta, sĩi khajapham debpaar phag nʉmjo Jesucristoouta maach daupigau ich bagau maach phag athaawai, ʉu Ẽwandamau maach khaibagjã chugpaawi warre magʉm khĩir okhoopʉijim.

Efesios 4:32

O ajaphata aajeethʉ̃ pãach khapeen dʉi, agdaujo chikham dau aug khaug paraa. Iwiir ãbam garmua khãijã khaigba aawai, magʉm iekjã tag igba, sĩi khĩir okhoopʉpʉi abat, ich jãg Ẽwandamaujã Cristo gaaimua maach khaibag chugpaapʉiwia ich mag khĩir okhoopʉitarrjo.

Colosenses 1:14

ich Ẽwandam dʉi maach iekkhõr pom narrjã ichdeuta ich bagau maach pekau chugpaapʉiwia ich denkha autarr aawai.

1 Juan 1:4

Mʉg thum ẽsap gaai mua phã deepʉi chirʉmʉn, pãachdeujã cha mʉchdeu jaaupʉi chirʉmjo abaawai warag pãach oneecha amkhĩrau.

1 Juan 1:7

Pari ich jãg Ẽwandamjã pekau chukhu ararag eeta sĩejemjo maachjã ĩchab pekau wauba nʉm gaaimua ararag eeta wenʉrrʉmjo nʉmʉn, magan Ẽwandamau dich khapeen dʉijã õor ãbamjo o ãba apinaa ĩchab ichdeu ich Iewaa Jesucristoog ich bag maach kõit ãrtarrauta maach khaibagjã thumaa chugpaapiejem, ich jãg doou memerkhog ʉawai chugpaajemjo.

1 Juan 1:9

Pari chadcha dich pekau pom nʉm khap irigta chaigpanaa dich khaigba abarm jaaumʉn, magan chadcha Ẽwandamau nem agchata waaujeewai agpierr maach khaibagjã thum chugpaapʉimaju.

1 Juan 2:1

Keena, pãar thum mua mʉch chaainjo daupii wai chitaawai pãrag khap amkhĩir mʉg ẽsap gaai mʉgta jaaupʉi chirʉm, mag khaphʉ aphobaadeewai pekau waum ugua. Pari mʉg jaaupʉi chirʉm ãba, ãb khãijã pekau ee burrmʉn maach abogado wai nʉm, Ẽwandam chi Aai dʉi maach kõit iekhaajem; ma Jesucristoou. Irua õor dʉi agpierraa ichdeu khap nem waaujeewai maach dʉijã agjo aju.

1 Juan 2:21

Magua mua pãrag mʉg ẽsap phã deepʉi chirʉm chan mag pãrau bʉ̃ʉrjã khaugba naawai khabam; mag khãai pãrau chadam iek khaphʉ naawaita pãrag mʉg ẽsap phã deepʉi chirʉm. Mag nʉm dʉi pãrau khaphʉ nʉm ĩchab, ar chi seukha nem ĩgkhaajem khʉʉn chan chadam iek ʉkhaajem khʉʉn eem khabam.

1 Juan 2:7

Cristo gaaimua khodamnaan, cha mua pãrag jãga aju aai nʉ a jaaupʉi chirʉm chan iek iiurcha khabam. Mʉg iekhan ar nawe pãachdeu warrcha Jesucristo iek ʉkha phobaadewe ũrtarr iekpaiu; wajapcharan dich khapeen kha khõsi api jaau sim iekma.