1 Juan 2:11 - Wounaan Meu

¹¹ Pari magba ar Cristo gaaimua dich khodkha kherʉmjã oomapha wai simʉn agtha ich mag khĩchag eeta simjo sim; ich mag sim gaaimuata dau khĩsumjo nʉrraawai pekaúa ich eudʉ arrumjo simjã khaugba sim.

Woun Meu

¹¹ Pari magba har Cristo gaaimua dich k'odk'a k'ërʌmjã hoomap'a wai simʌn hagt'a hich mag k'ĩchag heeta simjö sim; hich mag sim gaaimuata dau k'ĩsumjö nʌrraawai pekaúa hich hëudʌ harrumjö simjã k'augba sim.

1 Juan 2:11 Iomraidhean Croise

San Juan 12:35

Magbaawai Jesuu amag ejemplo jaaumamua warag ichta Emkhooi Iewaa ich Ẽwandamau pʉitarr khap amkhĩir magjim: —Ĩsweran pãrau agtha õtdau paa dʉnʉmjo mʉ oo wai nʉmgui ajim. Pari nau jopcha ya tag pãar khĩir mʉ chitabaju. Magua agtha mʉ iek ũr nʉwe ʉkhabat ajim, khĩirjug khaigbamta pãach gaai ʉ̃rpam ugua. ¿Pãrau ooba aajẽ khĩchag ee wetum khʉʉn? Amau amach wenʉrrʉmjã khaugba aajem. Chi mʉ iek ʉkhaba nʉm khʉʉnjã ich agjota thʉnʉmgui ajim, amach okhoo nʉmjã khaugba.

San Juan 12:40

“Ẽwandamau am dau khĩpinaa kach theegjã apiju” a phãjim, “oo nʉmjo nʉmta oobamjo amkhĩir, maimua ũr nʉmjo nʉmta ũrbamjo amkhĩir. Magba akhiin amau amachdeu oonaa ũr nʉmjã khaphʉ aawai, amach khaibag ãsie ewag khĩirjuwia Ẽwandamag amach peerdʉ aupiju” a phãjim Isaiaau ich Ẽwandamaucha ichig jaaumatarr. (Is. 6:10) Pari Ẽwandamau judionaan mag thãar theeg apitarran, año khapan par ich iek ũrpitarrjã ʉkhamapha arr aawaita magpijim.

2 Corintios 3:14

Pari mag Moiseeu ich khĩir appai borr aaujerrta thum israelnaan khĩirjugpata Ẽwandamau mag put eegar borr athamjo ajim. Maguata ewag pawiajã par Ẽwandam iek thʉ̃r nʉmjã pod khaugba aajem, mag borr simjo sim khecheupʉiba sĩewai. Mag khĩirjugjã putiu borr simjo sim khecheupʉyaagan Cristo iekta thãraucha ʉkhaju aai nʉm.

2 Corintios 4:4

Ich chi dosãt mʉg jẽb gayam khʉʉn ẽwandamkha sĩerrʉmuata am dau khĩpi wai sim dʉi am khĩirjug ʉ̃rjã putiu borr wai simjo sim, maach Cristo thumaam khʉʉn khãai ʉ̃rpai sim iekta ʉkhapimaaugau. Mag Cristo iekhaupaita õtdau bʉʉg nem oowai khaphʉ aajemjo maachig khaphʉ api sim, Cristo gaaita ich Ẽwandam khĩir theg sim.

Tito 3:3

Pua khaphʉ sim, warran maachjã bʉ̃ʉrjã khĩirjug chukhumjo aawai sĩi Ẽwandam ipierraajã khábata wenʉrrajim. Mag i ipierraajã khaba narr gaaimua i aar barju khʉdjã khaugba okhoo wenʉrrarr aawai sĩi mʉg jẽb gayam nem dichdeu khõchagagta ee wenʉrrarr gaaimua ich magʉmuapaita sĩi maach phẽethʉg wai nʉmjo naajeejim. Mag dich khaibag ee narr aawai dichta jũrr chikham khãaijã ʉ̃rpai am iigjeejim, chikham dʉi khujʉrpaim iekhau. Mag nʉm dʉi ĩchab õrau maach oomapha aawai ĩchab maach garmuajã dʉi am oomapha aajeejim.

2 Pedro 1:9

Mamʉ ar mag ʉkhatarrjã magʉm nem ajapham wauju ẽkhaba aawai khĩirjug bãaubamjo sim woun chan, sĩi dau khĩsu wa dausĩ warppha nem oo nʉm khʉʉnau wajap nem wauju khaugba aajemjota sim, ich pekau ee nʉrraajerrta ʉu maach Por Ẽwandamau ich khaibag chugpaatarrjã khĩirjuba.

1 Juan 1:6

I mag sim dʉita maachin khapeerkha nʉm. Pari mag i dʉi khapeerkha nʉmta maachdeu nem khaigba wau nʉm gaaimua khĩchag eeta wenʉrrʉmjo nʉm chan magan maachin seukhaawaita mag i dʉi khapeerkha nʉm a iekha nʉm. Mag nʉm dʉi ĩchab maachdeu nem waauwaijã khaigbata wau nʉmʉn magan parta mag i dʉi nʉm a iekha nʉm.

1 Juan 2:10

Magarrau ar chadcha Cristo gaaimua ich khodkha thʉnʉm khʉʉn thum daupii wai sim wounan chadcha ararag eeta khajapha nʉrrʉmjo sim, bʉ̃ʉrjã khaibag waujujã khĩirjuba.

1 Juan 2:9

Ãbmua khãijã Cristo dʉi sĩewai ararag ee sim a sim, pari mag simta Cristo gaaimua ich khodkha simjã oomapha sim chan magan maan agtha khĩchag ee sĩewaita mag sim, bʉ̃ʉrjã maach peerdʉajem iek khaugba.

1 Juan 3:15

Ar Cristo gaaimua dich khodkha kherʉmta kha isee simʉn magan maguan õor thõojemua khĩirjuajem dʉi ãbata khĩirju sim. Pãrau khaphʉ nʉm, õor thõojem khʉʉnau chan ãbmuajã Ẽwandam ich thãar ee chukhu sim.

1 Juan 4:20

Ãbmua khãijã, “Mua Ẽwandam khõsi chitʉm” a sim; pari mag simta dich khapeenjã kha khõchkhaba simʉn, magan maan sĩi seukhaawaita mag iekha sim. Chi mag iekha simua ich khapeen dʉi khĩircha oo simta mag kha khõchkhaba sim khai, jãga mag Ẽwandam ichdeu bʉ̃ʉrjã ooba aajemta irua khõsi abarju.

Apocalipsis 3:17

Pʉchdeupain pua, “Mʉʉn phatkhon paraamʉu; phatkhon pom wai chiraawai deeum nem atheejã augcheba chitʉm” aajem. Mamʉ pʉch kha onegjã chukhunaa pʉch dau aug sim chan pua khaugba, ni sĩi pʉch maadeu igmap dau khĩsumjonaa mor kharramjo simjã pua pʉch khaugba sim anaabá. Mag simta pʉ jãg iekha sim aajem.