1 Juan 2:1 - Wounaan Meu

¹ Keena, pãar thum mua mʉch chaainjo daupii wai chitaawai pãrag khap amkhĩir mʉg ẽsap gaai mʉgta jaaupʉi chirʉm, mag khaphʉ aphobaadeewai pekau waum ugua. Pari mʉg jaaupʉi chirʉm ãba, ãb khãijã pekau ee burrmʉn maach abogado wai nʉm, Ẽwandam chi Aai dʉi maach kõit iekhaajem; ma Jesucristoou. Irua õor dʉi agpierraa ichdeu khap nem waaujeewai maach dʉijã agjo aju.

Woun Meu

¹ Keena, pãar t'um mua mʌch chaainjö daupii wai chitaawai pãrag k'ap hamk'ĩir mʌg hẽsap gaai mʌgta jaaupʌ̈i chirʌm, mag k'ap'ʌ hap'öbaadeewai pekau waum hugua. Pari mʌg jaaupʌ̈i chirʌm hãba, hãb k'ãijã pekau hee burrmʌn maach abogado wai nʌm, Hẽwandam chi Haai dʌ̈i maach kõit hiek'aajem; ma Jesucristoou. Hirua hõor dʌ̈i hagpierraa hichdëu k'ap nem waaujeewai maach dʌ̈ijã hagjö haju.

1 Juan 2:1 Iomraidhean Croise

San Lucas 10:22

Maimua jũrr chi aig narr khʉʉnagta magjim anʉm: —Nem thum mʉg thʉnʉmʉn mʉ Ayau mʉrʉgta deejim. Mamʉ ãbmuajã khaugba sim, khai agá mag Ẽwandam Iewaa. Ãba ich mʉ Ayaupaita khaphʉ simgui ajim anʉm, chadcha mʉ i chaairau. Mʉg nʉm aig ãbmuajã khaugba sim, khai agá mʉ Aai. Ãba mʉch chi Chaairaupaita mʉch Aai khaphʉ chitʉm. Bigaaum khʉʉnau khaphʉ aju awiajã mʉchdeu jaaubarm khʉʉnaupaita ĩchab i khaphʉ aju aai nʉmgui ajim anʉm.

San Juan 13:33

Mag iekhamamua ich thõoju igwia, —Chaaina, mʉʉn sĩi khũchpaita pãar dʉi chirajugui ajim. Mʉ petaawai parii pãrau mʉ jʉrju. Pari na mʉchdeu judionaan chi thierrnaan dakhĩir iekha chirarrjo, mʉʉgwaiwe chan pãar mʉ chiraimam aar pod barju khaba naawai

San Juan 14:16

Pãrau magmʉn, mʉch Aai aar paawai mua irig pãar athee dewam mʉch jũrr pʉipi jaaujugui ajim, pãar dʉi ogdʉba ich mag pãar khĩir jãsenkha wai nʉrramkhĩir. Ma ich Ẽwandam Akharaugui ajim.

San Juan 14:6

Magbaawai ich Jesuu, —Mʉchpaita ʉ̃gthar maajem khʉd khabahab ajim. Mʉ gaaimuata chadam iekjã pãrau khaphʉ nʉm. Mʉchdeuta mʉg jẽb gaaiwe õor Ẽwandam denkhapiejem. Ãba mʉ gaaimuapaita õran mʉ Aai aar barju aai nʉmgui ajim.

San Juan 21:5

Mag nʉm ee, maar dohi dakha narr aawai, ich garmuata marag, —Keena, ¿ãwarr thõojierrá? ajim. Magbaawai marau, —Bʉ̃ʉrjã thõoba nʉm perá anaajim jũrr irig.

San Juan 5:14

Maimua ag khur Jesuu ich ag woundamcha Aai i jeeujem deg oobaimaawaita irig, —Ya ʉu pʉ jãg monaau chirsipí, oob tag pekau wau chitam. Eeu magbamʉn jũrr pʉch gaai ag khãai atcha khãijã adukham ajim.

San Juan 5:36

Pari Juanau sĩi idamaupai jaau nʉrraajerr khãai mua wajapcharam wai chirʉmgui ajim, aguata Ẽwandamau mʉch pʉijim a khap apieg. Ma, õrau ag na nem mag ooba aajem waaujem ag jua theegaugui ajim. Mag jua theegau mʉ Ayau nem khĩir pogkhe waupi jaautarr aawai, õor dakhĩir mag waauwai, chadcha ichdeuta mʉ pʉijim a jaau sim khabahab ajim.

San Juan 6:27

Jãg sĩi biwaau thach khom khõchgaupai mʉ ẽudee ẽkha wenʉrraju khãyau, tag bʉ̃ʉrjã jãsoo apiba ich mag pãach iiupiejem pan khĩirta athat ajim amag. Mʉch chi Emkhooi Iewaauta mag pan pãar athee wai chirʉm. Mʉch Aai Ẽwandamau pãrau ag na mag nem ooba aajem waumkhĩir juapá deetarrauta nem waaujeewai pãrau mʉ iek ʉkhanaa ichdeuta mʉ pʉitarrjã khaphʉ aju aai nʉmgui ajim.

San Juan 8:11

Magbaawai chi ʉʉirau, —Ʉ̃hʉ̃, ni ãbmuajã mʉ chig abajimgui ajim. Magbaa deeu ich Jesuupai irig, —Muajã pʉ chig abam. Petá, pari jãimua oob tag pʉch jaai khabam dʉi khapes amgui ajim irig.]

Hechos 7:52

Magnaa amag, ¿Warrgar Ẽwandam i jaaujerr khʉʉn eem ãb khãijã pãar jooinau daupii wai naajĩ? a jeeujim anʉm Estebanau. ¡Daupii aju abá! ajim anʉm ichdeupai deeu. Amachdeuta khechpʉibajieb ajim anʉm, ar warrgarwe sĩi Cristo igwia woun ãb thumaam khʉʉn khãaijã chi ajapcharam beeju a jaau durrarr khʉʉnjã. Maimua amau mag jaau durrarr ya chadcha pierrwaijã jũrr pãachdeuta i pʉr deewi warre thõopi jaaubajierrab.

Romanos 5:10

Warr maach pekau ee wenʉrraajeewain maachin Ẽwandam dʉi iekkhõr pomta naajim, maachdeu i igba narr gaaimua. Pari mag Cristo maach kõit meetarr gaaimua Ẽwandam dʉi maach khõinaa api sim khai, magan ich iiu phiidʉtarr gaaimuajã ĩchab maach aub khaba ich aar auju, ya Ẽwandam dʉi khõinaa wenʉrraawai.

Romanos 6:15

Mag, mua Moiseeu ley phã pʉatarr ʉʉrkha nʉmua khaba ãba Ẽwandam maach dʉi wajapha khitaawaita maach peerdʉ aaujem a chirʉm aig, ãbmua khãijã, Ẽwandamau maach chig abaju awi, “Magan warag pekau wauju aai naabahab” aju. Pari magjã khabam.

Romanos 8:34

Cristota maach kõit meewia deeu iiu phiidʉwia maach peerdʉ autarrta, khaíu jũrr ichaaur maach khaibag waupibarju. Ante magpimaaugau ichdeuta ʉ̃gtharjã maach kõit jeeu sim. Maimua ichta mag maach kõit iekhaagjã Ẽwandam dʉi iek theeg sĩebahab.

1 Corintios 15:34

Khĩirjug khaphʉ aajeethʉ̃. Mua ũr chirʉm, mag maach meebarm chan tag phiidʉba aajem a jaaujem khʉʉn pãach eepaijã thʉnʉm anʉm; mamʉ mag thʉnʉmjã pãar bʉ̃ʉrjã chigaa khabamjota aajerram, amag iekhabanaa sĩi ũrbamjo aawai. Pãrau khaugba nʉ, chi mag nʉm khʉʉn chan Ẽwandam igar khaba, ni bʉ̃ʉrjã i khaugba naawaita mag nʉm. Magʉm khʉʉn pãach ee wai naaba warre jʉrbapʉit. Mʉch iek ũrwia khĩir naaumkhĩir ĩs chadcha mʉ mag iekha chirʉm pãrag.

2 Corintios 5:21

Cristo chan bʉ̃ʉrjã pekau wauba khitajim; pari mag khitarrta, Ẽwandamau ʉdʉraa i thõopijim maach thumaam khʉʉn kõit, ichta mag pekau wauwia chi ikhʉ arrjo; i dʉi magbarmua jũrr maach denta chugpaabapäaiwai pekau chukhu narrjo nʉisimkhĩir.

Gálatas 4:19

Chaaina, chaain chukhu chitaawai mʉrʉgan pãarta mʉ chaainau. Magua pãar atheyan mʉʉn ʉʉi chaai machkha thʉnʉmjo gaai machaaga chiraajem; pãrauta Cristo ʉdʉraa pãach gaai thierrpapibam aiguin, mʉʉn ich mʉg pãar khĩirjuau gaai machag chitaju.

Efesios 2:18

Mag maach thum i iek ʉkha nʉm khʉʉnaun, ich ãbam Ẽwandam Akhaarpaita wai naawai, Cristo gaaimuata ʉu ĩsin judionaan wa judionaan khaba awiajã Ẽwandam chi Aai dʉi khapeerkha wenʉrrʉm.

Efesios 4:26

Mag naawai khĩir machgau oob pekau waumiet, mag meeukhaawaijã oob khĩir thũa chʉuu amiet,

1 Timoteo 2:5

Mamʉ mag maach thumaam khʉʉn peerdʉ awaag ichta Ẽwandam ãbpai sĩerraawai ĩchab maach dich pekau gaaimua Ẽwandam warp narr khʉʉnta deeu ũmaai i dʉi khõinaa wenʉrrapiejemjã agjo ãbpai sĩerrʉm. Mag woun ich Jesucristoou.

1 Timoteo 3:14

Timoteo, mua jopcha pʉ oon maju khĩirju chirʉm. Maagwai pʉrʉg khap amkhĩir mʉg ẽsap phã deepʉi chirʉm.

Hebreos 9:24

¿Jãgwi? Cristoou sĩi õrau di eutarr eepai dubba, warre Ẽwandam dʉi khĩircha maach kõit iekhaag ʉ̃gtharchata dubtarr aawaima. Mʉig eegarm khʉʉnau nem waaujerran sĩi ʉ̃gthar jãga sĩerrʉ́ a jaau nʉm den chi seudampai ajim.

Santiago 1:27

Maach Aai Ẽwandamau ich denkha nʉm khʉʉnag waupi jaau simʉn, wouchnaandamau wa khoopaa ʉʉinau khãijã nemdam ig nʉmjã audeenaa am okhĩirjuu aawaijã am khĩir jãsenkha nʉmʉu. Mag nʉm dʉi ĩchab sĩi parhoobam khʉʉnau nem waaujem nemjã wauba aajem khʉʉnta chadcha i denkha nʉm khʉʉnau.

Santiago 3:9

Mag sim meukhĩraupaita maach Aai anaa maach Ẽwandam tho iekhanaa, ich ag meukhĩraupai dich khapeenjã ãaukhanaa thõp iekhabaadep aajem, Ẽwandamau maach thumaam khʉʉn ich khĩir thegwiata ompaatarrjã khĩirjuba.

1 Pedro 2:22

Cristo chan bʉ̃ʉrjã pekau wauba ni chikhamnag seukhajã nem jaauba khitajim, mamʉ mag khitarrta chadcha amau i thõojierram.

1 Pedro 3:18

Pãrau khaphʉ nʉm, Cristojã maach khãai ajapha khitarrta, jũrr maach Ẽwandam dʉi iekkhõr pom narr khʉʉn kõit ʉdʉraa ich dau aphʉʉ apijim. Pari mag i meetarran, warr õrau amach pekau athee ʉ̃iba nemchaain thõojerr khĩir khaba arr aawai, mag biek ãbpai meebarmua maach chi khaibagnaan Ẽwandamau ʉu maach auju ayaa amkhĩir ajim. Í woun arr aawai chi meen chadcha meejim; mamʉ í ĩchab ich Aai gaaimua Ẽwandam arr aawai mag meetarrjã ich mag iiu sĩsijim.

1 Juan 3:18

Chaaina, maadeu sĩi dich khapeenag par iiupaita “Muan pʉ khõsi chirʉm” aju khaba nʉm; mag khãai chadcha am athee nem wajapha wau nʉmuata amag khaphʉ apiju aai nʉm, maadeu chadcha am khõsi nʉm.

1 Juan 3:5

Pãrau khaphʉ nʉm, Jesucristo mʉg jẽb gaai beewai mʉig eegarm khʉʉn pekau chugpaaju jʉraanta beejim, ichjo pekau chukhu paapʉimaag. Maadeu khaphʉ nʉm, í bʉ̃ʉrjã pekau chukhu khitʉm.

1 Juan 3:7

Chaaina, ni iwiir ãbamʉgjã ʉdʉraa pãach khũgurpimiet: Õor wajapham khʉʉnaun nem agchata waaujem, ich Cristojã woun wajapham aawai;

1 Juan 4:4

Keena, pãar chadcha Ẽwandam chaain aawai i Akhaar chaar sĩi dosãt mʉg jẽb gaai sĩejem khãaijã jua theeg ʉ̃rpai sĩerrʉmta wai nʉm; magua jãg seukha nem jaau nʉrrjeem khʉʉnagjã ʉu ʉdʉraa pãach khũgurpibajierram.

1 Juan 5:17

Nem khaigbam thum pekaukha ober sim, pari magʉm Ẽwandamau chugpaabapäaiwai khĩmie durr maju arrjã maba aajem.

1 Juan 5:21

Chaaina, ãbmiecha pãrag jaaukhim: Jãg Ẽwandam iek jaau nʉm anʉmjã Ẽwandam iek chaar khabamʉgta ee apiju ẽkhaajem khʉʉn dʉi khĩir khaphʉ abat. Magdam ajim pãrag jaaum ig chirarr. Ayoo keena, Juan

3 Juan 1:4

Mʉchdeu Cristo iek jaau chitʉm ũrwia ʉkhatarr gaaimua jãg mʉch chaainjo khitheem khʉʉn chadcharam iek gaai jaau sim ipierraa wenʉrrʉm a ũurwaita chadcha mʉ onee chiraajem; deeum nem jaau nʉm ũurwai chan jãgcha mʉ onee aba chitʉm.