1 Juan 1:7 - Wounaan Meu

⁷ Pari ich jãg Ẽwandamjã pekau chukhu ararag eeta sĩejemjo maachjã ĩchab pekau wauba nʉm gaaimua ararag eeta wenʉrrʉmjo nʉmʉn, magan Ẽwandamau dich khapeen dʉijã õor ãbamjo o ãba apinaa ĩchab ichdeu ich Iewaa Jesucristoog ich bag maach kõit ãrtarrauta maach khaibagjã thumaa chugpaapiejem, ich jãg doou memerkhog ʉawai chugpaajemjo.

Woun Meu

⁷ Pari hich jãg Hẽwandamjã pekau chuk'u hararag heeta sĩejemjö maachjã hĩchab pekau wauba nʌm gaaimua hararag heeta wënʌrrʌmjö nʌmʌn, magan Hẽwandamau dich k'apeen dʌ̈ijã hõor hãbamjö hö hãba hapinaa hĩchab hichdëu hich Hiewaa Jesucristoog hich bag maach kõit hãrtarrauta maach k'aibagjã t'umaa chugpaapiejem, hich jãg döou memerk'ög hʌawai chugpaajemjö.

1 Juan 1:7 Iomraidhean Croise

San Mateo 6:12

Ẽwandam, maar pekau thum chugpaabapʉi, maimua ar marau maach dʉi khaigba abarm khʉʉn dʉi tag magʉm iek igba ich mag khĩir okhoopäaijemjo, maar denjã khĩir okhoobapʉi.

San Juan 1:29

Mag ichig jeeuchetarr khʉʉn dʉi iyʉʉ sĩerr noram Juanau oowai, mag irua amag jaau sĩerr Jesuuta i aig ur nʉrrajim. Mag ich aig urum oo athaawai ich aig narr khʉʉnag, —Pãade oobat ajim: Ẽwandamau pʉitarr ar ur khitʉm. Jãguata corderodamjo ʉdʉraa ich thõopibarmua õor thumaam khʉʉn pekau chugpaa aujugui ajim.

San Juan 12:35

Magbaawai Jesuu amag ejemplo jaaumamua warag ichta Emkhooi Iewaa ich Ẽwandamau pʉitarr khap amkhĩir magjim: —Ĩsweran pãrau agtha õtdau paa dʉnʉmjo mʉ oo wai nʉmgui ajim. Pari nau jopcha ya tag pãar khĩir mʉ chitabaju. Magua agtha mʉ iek ũr nʉwe ʉkhabat ajim, khĩirjug khaigbamta pãach gaai ʉ̃rpam ugua. ¿Pãrau ooba aajẽ khĩchag ee wetum khʉʉn? Amau amach wenʉrrʉmjã khaugba aajem. Chi mʉ iek ʉkhaba nʉm khʉʉnjã ich agjota thʉnʉmgui ajim, amach okhoo nʉmjã khaugba.

San Juan 5:4

kharii Ẽwandam chog ʉ̃gtharmua beewia mag do waaureu pʉabajem ee chi nacha dubbaimamta monaaujerr aawai ag ee dubaag. Mag do waaureu pʉabajem ee chi nacha dubbaimamʉn parhoobam khamor machag wai sĩerr khãijã monaaub khaba monaaujeejim aajem.]

Romanos 13:12

Mʉig eegar wenʉrrʉm aiguin edau kheu thʉnʉʉ awia ãspa urum den deeu aardʉ urumjota sim. Pari mag chi ãspa urumjo sim a chirʉmʉn, ya Cristo beeju gayaa sim igwiata mag chirʉm. Magua, oob tag sĩi khĩchag ee nem wau nʉmjo nem khaigbam waumiet. Mag khãai chadcha Cristoou mag pãach phe awaan beeimʉʉ sim khap i ipierraata abat,

1 Corintios 6:11

Ãaur khʉʉn pãar ee cha mua jaau chirʉmjota thʉnaajim warrgar. Mamʉ ĩs ya maach Por Jesucristo gaaimua ich Ẽwandam Akharau ya pãar khaibag thum ʉpʉiwia ich atheepaita nem wajapham appai wau wenʉrramkhĩir pãar jʉr aujim. Mag nʉm dʉi warr pãar i dʉi iekkhõr pom wenʉrrarrjã, maach Por Jesucristoou Ẽwandam Akhaar dʉimua ʉu pãar peerdʉ auwia pekau chukhu arrjo pãar wai sim.

Efesios 1:7

Maach pekau gaaimua Ẽwandam dʉi iekkhõr pom narrta, sĩi khajapham debpaar phag nʉmjo Jesucristoouta maach daupigau ich bagau maach phag athaawai, ʉu Ẽwandamau maach khaibagjã chugpaawi warre magʉm khĩir okhoopʉijim.

Efesios 5:8

Warr pãrau Ẽwandam iek khaugba aawain chadcha pãachjã sĩi khĩchag eemjota wenʉrraajeejim. Pari ĩsin ya pãar maach Por Cristo dʉita khapeerkhanaa i iekjã khaphʉ naawai ararag ee nʉmjota nʉm. Mag naawai chadcha i iek khaphʉm khʉʉnjota agpierraa nʉrrjee abathʉ̃.

1 Timoteo 6:16

Ichta ãba warrgarwe ich mag iiu sĩerrʉm, meejã meeba. Ichta sĩi atcha ich araragau pod õrau agʉg ooju khaba sĩi bʉ̃ʉmjo sim eeta sĩejem. Maach mʉg eegarm khʉʉnau chan ni ãbmuajã dich daujãdamau pod i oojã ooba, ni ooju aaijã khaba nʉm. Maguata ãba irigta maach thumaam khʉʉnau ich mag ee aju aai nʉm, ichta chi jua thierrkha sĩerraawai. Maata maach Ẽwandamau.

Tito 2:14

Ich mag Jesucristota maach kõit ʉdʉraa ich thõopijim, magbarmua maach khaibag thum chugpaapʉiwia maach peerdʉ awaag, mag peerdʉ auwia ya ich den chaarkha nʉisiewai jũrr ãba ich atheepaita nem ajapha waum khõsi wauju khĩirju wenʉrramkhĩir.

Hebreos 9:14

Mag nemchaain bagaupai deeu Ẽwandamag jeeuju ayaa apiejerr khai, magan Cristo bag chará ag khãaijã ʉ̃rcha jua theeg sim, maach thãarpa Ẽwandam dau na ajaug paapäaig. Pari magaagan, Cristo meejã meeba ich mag sĩerrʉmta wounag pawi ichdeupai ichta nemchaai chi ajapcharamdamjo ʉdʉraa ich thõopijim maach kõit. Magtarr aawai i bagauta dich khĩirjug khaibag gaaimua maach okhoopijojoomjã warre chugpaapäaijem, ãba Ẽwandam chadcha ich mag iiu sĩerrʉmʉgta jeeu wenʉrramkhĩir.

Santiago 1:17

Ẽwandam edjã ee nem thʉnʉmpa wautarraun maachig nem thum nem ajapham appaita deejem. Ich chan maach mʉig eegarm khʉʉnjo cambibierrso khaba sĩerrʉm. Mag sĩewai prueba ee nʉm aigjã iruata magʉm khĩirjug deejim awi i gaai thʉju khaba nʉm.

1 Pedro 1:19

Jãgʉm nemeu phagju khãai, ich jãg warrgar Ẽwandamau õrag corderodam chi ajapcharamta jʉrwia ichig ofrendakha thõonaa deepiejerrjo, jũrr ich Iewaa Cristo bʉ̃ʉrjã pekau chukhu khitʉmta maach kõit thõopijim. Mag i thõopitarran i bag phĩr dʉi phatkhon khãaijã ajapcha sim ãrbarmuata maach khaibag eemua ober awaag ajim.

1 Juan 1:3

Mag maach daúacha oowia maach jʉ̃gʉucha ũrtarrpa pãrag jaau nʉmʉn, mʉg maachjã ich Jooi chaar dʉijã khapeerkhanaa chi Iewaa Jesucristo dʉijã khapeerkha nʉmjo ĩchab pãarjã maach dʉi khapeerkhanaa õor ãbpaimjo naamkhĩrau.

1 Juan 1:5

Pãrag jaaumkhĩir ich Jesucristooucha marag jaautarr iekhan mʉgau: Ẽwandaman õtdau paa dʉnʉmjo araraata sim; i gaai bʉ̃ʉrjã pekau chukhu sĩewai i sim aig chan bʉ̃ʉrjã khĩkhĩsupaijã khaba sim.

1 Juan 5:6

¿Pari jãga mag Jesús Ẽwandam Iewaakha sim maadeu khaphʉ nʉ? Jesús por choo nʉm aig ich Ẽwandamaucha ʉ̃gtharmua jaauwia pakuls gaai ya meemaa aawaijã agjo jaautarr aawaima. Mag nʉm dʉi ich Ẽwandam Akhaar chadcha nem jaaujemuajã khaphʉ apiejem, Jesús chadcha Ẽwandam Iewaakha sim.

2 Juan 1:4

Mʉ onee chirʉm keena, chadcha pãar ee ãaur khʉʉn ich Ẽwandamau maachig wenʉrrapi jaau simjo amachdeu chadam iek ʉkhatarr ipierraata wenʉrrʉm mʉch daúa ootarr aawai.

3 Juan 1:4

Mʉchdeu Cristo iek jaau chitʉm ũrwia ʉkhatarr gaaimua jãg mʉch chaainjo khitheem khʉʉn chadcharam iek gaai jaau sim ipierraa wenʉrrʉm a ũurwaita chadcha mʉ onee chiraajem; deeum nem jaau nʉm ũurwai chan jãgcha mʉ onee aba chitʉm.

Apocalipsis 12:11

Maimua jẽb gaaijã maach khodamnaanau amach garmuata mag mepeer podbapʉim, corderodamjo ʉdʉraa ich thõopitarr iekta ʉkhawia ag bagauta Ẽwandamag amach khaibag ʉpi nʉmua. Mag nʉm dʉi ĩchab amach dau aphʉʉ khechjujã igba, warag ogkhaba i iekta jaau durrarr gaaimuapata chadcha amach garmua i podpʉijierram.

Apocalipsis 7:14

Magbaa mua irig, —Señor, pʉchdeuta khap chirabahab, mua chan khaugba chirʉm a chirajim. Magbaa ichdeu mʉrʉg jaaubaadewi magjim: —Jãkhʉʉnan Ẽwandamau õor okhĩirjug pooma api nʉm jaar ʉu i iek ogdʉba ʉkha durrawia peerdʉtarr khʉʉnaugui ajim. Magua khabahab ajim, jãg am khajũa bäpphä jũa sĩsidʉm, chadcha ich chi Cordero bag ãrtarrauta amach khaibag thum chugpaatarr aawai.