1 Juan 1:4 - Wounaan Meu

⁴ Mʉg thum ẽsap gaai mua phã deepʉi chirʉmʉn, pãachdeujã cha mʉchdeu jaaupʉi chirʉmjo abaawai warag pãach oneecha amkhĩrau.

Woun Meu

⁴ Mʌg t'um hẽsap gaai mua p'ã deepʌ̈i chirʌmʌn, pãachdëujã cha mʌchdëu jaaupʌ̈i chirʌmjö habaawai warag pãach honeecha hamk'ĩrau.

1 Juan 1:4 Iomraidhean Croise

San Juan 15:11

’Mua pãrag mag iekha chirʉmʉn, mʉch onee chirʉmjo pãachjã warag wajapcha onee amkhĩraugui ajim. Pãar mag mʉjota onee nʉmʉn magan mʉg eegarm oneg khaba, oneg chaarta wai nʉisim.

San Juan 3:29

Pãrau ooba aajẽ ajim anʉm, jua pʉr nʉm khʉʉnjã: chi ʉʉi dʉi nawe iek deewi simta chi jayau; pari chi mag eeu pa nʉm khʉʉn paairinkha sim dʉi am bigaau simjã ĩchab onee aajem. Maarjã ich agjota naabahab Jesús dʉi. I jãg sim aig woun ãb eeu ʉʉi au simjota sĩebahab. Magua amau jãg i aarta phẽphẽeukham aig, mʉjã dʉi ĩchab onee chirʉmgui ajim anʉm, sĩi õrag i jaau chitʉmua.

2 Corintios 1:24

Mʉ jam barwia mʉchdeu nem jaaubarmta pãrag ajués waupimapha chirʉm. Ya pãar pãachdeu Cristo iek ʉkha nʉm gaai ubʉ naawai pãrau khaphʉ nʉm, jãga aju aai nʉ mʉ barju nawe, maagwai magʉm athee chan ya pãrau wajap mʉ igba nʉm. Magarrau mua mʉchdeujã khõsi chirʉmʉn pãar onee apijuuta ẽkhaajem. Mua chan pãar okhĩirjuu apimapha chirʉm.

Efesios 3:19

Mua khaphʉ chirʉm, chadcha mag irua maach khõsi sim chan pod maadeu thumaa khaugbam. Pari ichiita pãar kõit jeeu chirʉm, Cristoou maach thumaam khʉʉn khõsi aajem a khap amkhĩir, maagwai ĩchab Ẽwandamta pãach gaai phẽs wai naawai ichdeu pãach dʉi ajapha am ig simjo aju ayaa amkhĩir.

1 Juan 2:1

Keena, pãar thum mua mʉch chaainjo daupii wai chitaawai pãrag khap amkhĩir mʉg ẽsap gaai mʉgta jaaupʉi chirʉm, mag khaphʉ aphobaadeewai pekau waum ugua. Pari mʉg jaaupʉi chirʉm ãba, ãb khãijã pekau ee burrmʉn maach abogado wai nʉm, Ẽwandam chi Aai dʉi maach kõit iekhaajem; ma Jesucristoou. Irua õor dʉi agpierraa ichdeu khap nem waaujeewai maach dʉijã agjo aju.

2 Juan 1:12

Pãrag nem jaauju pooma wai chirʉm; pari sĩi mʉg ẽsap gaaipai chan mua jaaupʉibam. Magju khãai mʉchchata pãar aar mawia pãar dʉi khĩirchata iyʉʉ am khõsi chirʉm, maach thumaa ãba wajapcha onee aag.