1 Juan 1:3 - Wounaan Meu

³ Mag maach daúacha oowia maach jʉ̃gʉucha ũrtarrpa pãrag jaau nʉmʉn, mʉg maachjã ich Jooi chaar dʉijã khapeerkhanaa chi Iewaa Jesucristo dʉijã khapeerkha nʉmjo ĩchab pãarjã maach dʉi khapeerkhanaa õor ãbpaimjo naamkhĩrau.

Woun Meu

³ Mag maach daúacha hoowia maach jʌ̃gʌucha hũrtarrpa pãrag jaau nʌmʌn, mʌg maachjã hich Jöoi chaar dʌ̈ijã k'apeerk'anaa chi Hiewaa Jesucristo dʌ̈ijã k'apeerk'a nʌmjö hĩchab pãarjã maach dʌ̈i k'apeerk'anaa hõor hãbpaimjö naamk'ĩrau.

1 Juan 1:3 Iomraidhean Croise

San Juan 17:11

Magnaa, “Tata, mʉ chan tag mʉg durr gaai chitabajugui ajim, deeu pʉ dʉi ãba chiraag ũwaai pʉ aar maagpaawai. Pari mʉ khapeen chan wetba, ich mʉig eegar nʉisijugui ajim, maar igwia. Maagwai pʉrʉgta am kõit mua jeeu chirʉmgui ajim, pʉchpaita thumaam khʉʉnau ee aju aai naawai. Pʉch iekhau pua am chig apiba, pʉchdeu mʉrʉg deetarr jua theegau am thʉa wai chirsí ajim, ich jãg maach numijã o ãba nʉmjo amjã ich mag o ãba wenʉrramkhĩir.

San Juan 17:21

Tata, jãg maach numijã o ãba naajemjo, ich agjo ĩchab amjã maach dʉi o ãbata phe wai chitapim khõsi chirʉmgui ajim. Mag amʉn magan bigaaum khʉʉnaujã mag oowia khaphʉ aju, puata mʉ pʉijim.

San Juan 17:25

Tata, puata thumaam khʉʉn dʉi chadcha nem agcha waaujeewai pʉrʉgta jeeu chirʉmgui ajim. Ar pʉ iek ʉkhaba nʉm khʉʉnau chan pʉ khaugba nʉm, mag amachdeu ʉkhaba nʉm gaaimua. Pari õor pom sĩi pʉ khaugba thʉnʉm daar, muan pʉ khaphʉ chitʉm; maagwai cha mʉ dʉi durrum khʉʉnaujã puata mʉ pʉitarr khaphʉ nʉmgui ajim ĩchab.

San Juan 17:3

Mag am ich mag mʉ dʉi wenʉrraagan, amau pʉjã khaphʉnaa mʉjã khaphʉ aju aai nʉmgui ajim: ãba pʉʉta Ẽwandam charau, maagwai mʉ Jesucristo, pʉchdeu pʉitarr.

San Juan 19:35

Mʉch chi mag jaau chirʉmuan mʉch daúacha ootarr aawaita chadcha mag jaau chirʉm. Mua khaphʉ chirʉm, mʉchdeu chadchata nem jaau chirʉm. Mag chadcha arr nemta jaau chiraawai pãrag ʉkhamkhĩirta mʉg phã chirʉm.

Hechos 13:32

Maimua warag mag jaaumamua, —Ẽwandamau warrgarwe maach jooinag jaauwai mag ich chaai pʉiju aajerr iekta maraujã pãrag jaau wenʉrrʉmgui ajim anʉm.

Hechos 13:41

“Pãar ar Ẽwandam iek aawaijã warag i wau iekhaajem khʉʉn ũrbat: Mʉʉn Ẽwandamau. Pãach dakhĩir pãrau ag na ooba aajem mua wauju. Mamʉ nem thum magju nawe ãbmua pãrag jaaukhiinjã pãrau ʉkhabaju. Mamʉ ya pãach daúa oophobaadeewaita pãar jãphierr naawijã, ¿pãrau jãgbarju? Pãachdeu ʉkhaba arr gaaimua, maigta pãar oju edau” ajim aajem Pabloou, Ẽwandamau ich iek phãpitarr igwia. (Ab. 1:5)

Hechos 2:42

Mag, chi ʉkha durrarr khʉʉn thum ãbam aig podpanaa ich Jesuu pʉitarr khʉʉnau jaau nʉmpierr ich mag am ipierraa wenʉrraajeejim aajem. Amach khapeen dʉi o khaigbajã khaba, ante Ẽwandamag jeeu nʉmua warag thachjã ãba jig khoojeejim aajem.

Hechos 20:27

Ẽwandamau ichdeu õor peerdʉ aaujem iek mʉchig jaaupitarr thum bʉ̃ʉrjã meerba mua pãrag jaautarr aawai ya mʉ chan mʉg chirʉm aig bʉ̃ʉrjã iekkhõr chukhu chirʉmgui ajim, Ẽwandam dau na.

Hechos 4:20

Marau maach daúa oonaa maach jʉ̃gʉucha ũrtarr chan pod sĩi ich jãg jaauba sĩuju aai khaba nʉmgui ajierram aajem Pedroou Juan dʉimua.

Romanos 15:27

Mag deepʉiju aphobaaderrjã amach khĩrauta deepʉiju aphobaadejim. Amau khĩirjuawai, jam Jerusalenpien dʉi debpaar pom nʉmjota nʉm aajem, warrcha amachdeu Cristo iek khaaugwaijã maach hermanonaan Jerusalenpienau jaau nʉm gaaimuata khaugtarr aawai. Magtarr gaaimua ʉu amach peerdʉ naawaita, amaujã jũrr agdaujo aag awi, nemdam dee nʉmua am juag ooju aai nʉm awiata mag deepʉiju aphobaadejim.

1 Corintios 1:30

Maimua pãachin chadau ich Ẽwandamauchata pãar Jesucristo bʉ ogdʉba phe wai sĩebma. Ich mag Cristo gaaimuata ĩchab maadeu Ẽwandam khĩirjug wai nʉm; i gaaimuata ya peerdʉwia sĩi pekau chukhu arrjo nʉm; i gaaimua ĩchab Ẽwandam iek ʉkha nʉmua warag bãau wetum; ich Jesucristo gaaimuata Ẽwandamau maach per autarrjo naawai i denkha nʉm; mag i denkha naawai ãba ichigpaita jeeupiejem.

1 Corintios 1:9

Ẽwandamau ichdeu nem magju a iekhatarran, bʉ̃ʉrjã seukhaba chadcha ich mag nem wau sĩerrʉm. Ẽwandam mag sĩerrʉmuata pãar thʉ̃rkha aujim, ich Iewaa anaa maach Por Jesucristo dʉita ogdʉba wenʉrramkhĩir.

1 Corintios 15:1

Khodamnaan, pãrag khĩir eyaa apim khõsi chirʉm maach peerdʉajem iek ar na mʉchdeucha pãachig jaautarr. Ich mag iek ajim pãrau ʉkhawia ĩsjã ʉu agtha ag gaai ubʉ durrum.

2 Corintios 13:14

Muan ãbmiecha paawai maach Por Jesucristoogjã pãar ʉu wai chitapim khõsi, maach Ẽwandam thumaam khʉʉn kha khõsi aajemʉgjã pãar eeg oopim khõsi, maimua ich Ẽwandam Akhaar maach dʉi ogdʉba khitaajemʉgjã ich jãg pãar daumaai nʉrrapim khõsita chiraajem. Ayoo keena, Pablo

Efesios 3:6

Mag ich iek khaugpimaphamjo wai sĩerr iekhan mʉg ajim: Maach meeun khabam khʉʉnjã mʉg maach peerdʉajem iek ʉkha nʉm gaaimuata maach judionaan dʉi ãba Ẽwandamau peerdʉ auwi, ich Jesucristoou jaautarrjo ʉ̃gtharjã oberpiju. Mag ãbam iek ʉkha nʉm gaaimua maach thumaam khʉʉnauta Cristo kõit ichdeu khõsimjo wau naawai i gaaimua Ẽwandamau nem ajapha aju a simjã chadcha ich magta aju pãar dʉijã.

Filipenses 1:7

Mʉrʉgan pãarta mʉ thãrau. Maagwai pãar gaaimuata Ẽwandamagjã ich mag onee ʉu ajim aju aai chirʉm. Pãarta mʉig mʉ dʉi cárcel deg ãba nʉmjo nʉm. Mua thethemnaan na maach peerdʉajem iek kõit iekhaawaijã pãrauta mʉ ipierr dʉi ag kõit iekha nʉmjo nʉm, jammua pãachdeu Ẽwandamag jeeu durrum gaaimua. Pãran warp nʉm, mamʉ Ẽwandamau mʉrʉg phidag deetarr pãrau sĩi mʉchig appai deeba, ʉu pãrau dʉi mʉ juag oo nʉm, irig jeeu nʉmua.

Filipenses 2:1

Chadcha pãar gaaimua mʉ onee chirʉm, Cristoouta pãar khĩir onee api sĩewai. Ʉu iruata pãar khõsinaa pãar khĩir jãsenkhaajem. Pãach thumaam khʉʉnau ãbam Ẽwandam Akhaarpai wai wenʉrrʉm gaaimua khod ãbamjo naawai ʉu pãar chikham daupiinaa dau aug khaug paraajã aajem. Magua mʉ onee chirʉm.

Filipenses 3:10

Muan Ẽwandamagta warag mʉchig ajapcha Cristo khaphʉ apim khõsinaa ĩchab Cristo iiupi autarr ag jua theegta mʉchig deepim khõsi chirʉm; magbaawai mua i denjo gaai machag ãwatju aainaa ĩchab ijo thõju akhiinjã, warag thãar phĩiuwia khĩirjuba thõog.

Colosenses 1:13

Meperau maach sĩi khĩmie durrag phe arraag ichta maach khãai ʉ̃rpai sĩerrjã, ʉu ich Ẽwandamauta maach peerdʉ auwia jũrr ich Iewaa ichdeu jãsene aajemta maach Porkhapijim,

1 Tesalonicenses 1:10

Ẽwandam Iewaa Jesús meewia iiu phiidʉtarr ʉ̃gtharmua deeu beeju pãrau nʉ nʉmjã mau marag jaau nʉm ĩchab. Magua maach Por Jesuugta ʉu ajim a chirʉm, ʉu i gaaimuata Ẽwandamau maach i agkham ed maach gaai jua khʉaba deeju arrjã maach peerdʉ autarr aawai.

1 Timoteo 6:2

Pãach chi chogkha nʉm khʉʉnjã pãach patronnaan Jesucristo i ʉkhaajem khʉʉn khai, oob pãrau pãach odegpai, “Jãkhʉʉnan ĩchab Jesucristo iek ʉkhaajem khʉʉn aawai jãkhʉʉnau chan marag bʉ̃ʉrjã magju khabam” awia, “Marau am ogkhabam” a iekhamiet. Mag khãyau ante Jesucristo iek ʉkha nʉm gaaimua pãach khodnaan aawaita am athee ajapcha phidkhaju aai nʉm, amjã ĩchab Ẽwandamau daupii phe wai sim khʉʉn juagta pãrau oo naawai. Timoteo, amag cha mua pʉchig jaau chirʉmjota thumaam khʉʉnag jaaunaa pʉch ipierraa apibá.

Hebreos 2:12

Mag ichdeu maach ich eeugpeen ich dʉi aai ãbam khʉʉnkha wai sim igwi, ich Ẽwandam iek phã sim gaai mag sim: “Tata, mua mʉch eeugpeenag jaauju pʉ jãga chirʉ́; magnaa mʉchdeupa am dʉi pʉ thumeukharju” a sim. (Sal. 22:22)

Hebreos 3:1

Magua hermanonaan, pãar ar Ẽwandam dʉipai wenʉrrʉm khʉʉn, ar maachta ich aar phe awaag ich chaainkha autarr khʉʉn, pãade mʉ iek ũrbat: Jesucristota chadcha ich Ẽwandamaucha ich iek jaaumkhĩir jʉr auwi pʉitarrau. Ichta ĩchab ĩsin warrgar phadnaan por aajerrjo maach kõit Ẽwandam dʉicha iekhaajemʉu. Ʉu i gaaimua maadeu chadcharam iekta ʉkha nʉm.

Hebreos 3:14

Pari mag Cristo dʉita khapeerkhanaa ichdeu jaautarrjo chadcha maach dʉi ʉu apim khõsi nʉm khai, magan warrcha i iek ũurwai chadcharam awi ʉkha nʉisierrta ich mag dich thõm aar ogdʉba ʉkha wenʉrraju, warrcha ʉkhatarrjo.

1 Pedro 5:1

Ãbmiecha paawai pãar iglesia ee jooin chi pornaankha nʉm khʉʉnagjã wawí iekham khõsi chirʉm. Ya mʉchjã ĩchab jooinau amjo. Mua mʉch daúa pakuls gaai Cristo dau aphʉʉ jochkherʉm oojim; mag Cristo deeu ich jua theeg thum beem edjã mʉchjã amjo ĩchab i dʉi chiraju. Mag am wawim ig chirʉmʉn mʉgau:

2 Pedro 1:16

Ya mua mʉch khapeen agjo ich Jesuucha jʉr autarr khʉʉn dʉimua pãrag jaaujim, jãga maach Por Jesucristo jua theeg sĩerrʉ́, maimua jãga deeu i beeju. Jãg marau pãrag nem jaau nʉm chan sĩi seukha maach khĩirjug eepaim nem ĩgkhaa khabam. Maran maachta maach Por Jesuu ich dʉi Ẽwandam durrsĩ gaai phe arrtarr aawai maraun maach daúacha i jua theeg oowi i ajaugjã maach daúacha ootarr aawaita mag i jaau nʉm.

1 Juan 1:1

Warr nem thum ompaawaiwe sĩerr igwiata mua mʉg ẽsap phã chirʉm, tagam khʉʉn ich Cristooucha jʉr autarr khʉʉn dʉimua muajã mʉch jʉ̃gʉucha ũrwia mʉch daúacha ootarr jawaag; maachdeuta maach daúacha oonaa maach juaucha i gaai pʉrjim. Wajapcharan magan ar ʉ̃gthar õor oberpiejemma, ich Cristo; i igwiata mua pãrag mʉg ẽsap phã chirʉm.

1 Juan 1:5

Pãrag jaaumkhĩir ich Jesucristooucha marag jaautarr iekhan mʉgau: Ẽwandaman õtdau paa dʉnʉmjo araraata sim; i gaai bʉ̃ʉrjã pekau chukhu sĩewai i sim aig chan bʉ̃ʉrjã khĩkhĩsupaijã khaba sim.

1 Juan 1:7

Pari ich jãg Ẽwandamjã pekau chukhu ararag eeta sĩejemjo maachjã ĩchab pekau wauba nʉm gaaimua ararag eeta wenʉrrʉmjo nʉmʉn, magan Ẽwandamau dich khapeen dʉijã õor ãbamjo o ãba apinaa ĩchab ichdeu ich Iewaa Jesucristoog ich bag maach kõit ãrtarrauta maach khaibagjã thumaa chugpaapiejem, ich jãg doou memerkhog ʉawai chugpaajemjo.