1 Juan 1:2 - Wounaan Meu

² Mag ichdeuta õor Ẽwandam aar obeerpiwia ich mag iiupiejemʉn warrgarwejã ich Aai dʉita sĩejeejim; pari magtarrta dau daaucha ich oopien beewia marau maach daúachata i ootarr aawai maachdeu ootarrta jaau nʉm.

Woun Meu

² Mag hichdëuta hõor Hẽwandam haar höbeerpiwia hich mag hiiupiejemʌn warrgarwejã hich Haai dʌ̈ita sĩejeejim; pari magtarrta dau daaucha hich hoopien bëewia marau maach daúachata hi hootarr haawai maachdëu hootarrta jaau nʌm.

1 Juan 1:2 Iomraidhean Croise

San Juan 1:18

Ãbmuajã Ẽwandam chi Aai chan bʉ̃ʉrjã ooba aajem. Pari ich chi Chaai ãbpai khitʉmjã ich Aai dʉi ãbam Ẽwandamkhanaa i dʉi ãba sĩejeewai i oo nʉm gaaimuata chi Aaijã warag maadeu khaphʉ paaukhamam, í jãga sĩerrʉ́.

San Juan 1:4

Ichdeuta maach akhaarjã iiupi aaujem. Maagwai i gaaimuata ararag bʉʉg oo nʉmjo maadeu khaphʉ nʉm, jãga sĩerrʉ́ ich Ẽwandam chi Aaijã, mag khaphʉ apieg ich chi Iewaata thumaam khʉʉn athee õtdau paa dʉnʉmjo sĩewai.

San Juan 10:28

Magbaawai mʉchdeuta mʉch Aai aar am oberju aai apiejem, tag okhooba sĩi i chaainkha ich mag wenʉrramkhĩir. Ya magbarm chan ni ãbmuajã mʉ jua eem khechthʉg aubamgui ajim.

San Juan 14:6

Magbaawai ich Jesuu, —Mʉchpaita ʉ̃gthar maajem khʉd khabahab ajim. Mʉ gaaimuata chadam iekjã pãrau khaphʉ nʉm. Mʉchdeuta mʉg jẽb gaaiwe õor Ẽwandam denkhapiejem. Ãba mʉ gaaimuapaita õran mʉ Aai aar barju aai nʉmgui ajim.

San Juan 16:28

Mʉʉn chadcha mʉch Aai aar i dʉi ãba chirawiata mʉg durr gaai beejim. Magtarr aawai mʉg durr pʉawia ũwaai mʉch Aai aar maagpamgui ajim.

San Juan 17:3

Mag am ich mag mʉ dʉi wenʉrraagan, amau pʉjã khaphʉnaa mʉjã khaphʉ aju aai nʉmgui ajim: ãba pʉʉta Ẽwandam charau, maagwai mʉ Jesucristo, pʉchdeu pʉitarr.

San Juan 17:5

Nau mʉgtarr khur deeu mʉ pʉch aar pabaimaawai, warr mʉg durr ompaaju nawe mʉchta pʉch dʉi ãba nem iek theeg chi Porkha chirarrjo, ũwaai mʉrʉg agjo iek theeg apinaa chi Porkhapibá a jeeumajim ich kõitpai.”

San Juan 19:35

Mʉch chi mag jaau chirʉmuan mʉch daúacha ootarr aawaita chadcha mag jaau chirʉm. Mua khaphʉ chirʉm, mʉchdeu chadchata nem jaau chirʉm. Mag chadcha arr nemta jaau chiraawai pãrag ʉkhamkhĩirta mʉg phã chirʉm.

San Juan 21:14

Mag mosjã ee maar ich khapeenag ich oopitarr, ich iiu phiidʉtarr khur biek jayapam ajim mag ich oopi sim.

San Juan 3:13

’Agtha iwiir ãbjã ʉ̃gthar Ẽwandam sim aar maba sim, i khĩirjug khap aag; ãba i aarmua beetarr wounaupaita Ẽwandam khĩirjugan khaphʉ simgui ajim, õrag jawaag; wajapcharan mʉch chi Emkhooi Iewaama. Mʉch khabahab ajim, Ẽwandam aarmua beetarr aawai deeu i aar maju.

San Juan 7:29

Mʉchdeun mua i khaphʉ chirʉmgui ajim, i aar chirawia beetarr aawai. Ichdeuta mʉ pʉijimgui ajim.

San Juan 8:38

Muan mʉch Aai dʉi chiraawai i dʉi khaugtarrta pãrag jaaujem. Maagwai pãraujã ich agjo pãach ayau pãachig jajaaukhamta waaujemgui ajim.

Hechos 1:22

Mag maadeu jʉr aujuun, ĩchab maachjo Jesús dʉi ogdʉba wenʉrranaa ĩchab warrcha Juan õor por choomieu Jesús por chootarr aigmua ewag pawiajã khĩeb ich Jesús ʉ̃gthar ma nʉm ed gaai ich mag maach dʉi ogdʉba wenʉrraajerr khʉʉn eemta jʉr auju aai nʉmgui ajim aajem.

Hechos 10:41

Mag ich oopitarr thumaam khʉʉnagjã khaba, ãba maragpaita ich oopijimgui ajim aajem, ag nawejã ich Ẽwandamau maragta ichdeu nem wau nʉrrʉm oopiju awi maachta i dʉi wenʉrramkhĩir jʉr autarr aawai. Maguata mag i meewi deeu iiu phiidʉtarr khurjã maachta i dʉi thach khojimgui a jaaumajim aajem.

Hechos 2:32

Warrgarwe mag jaaujerr aawai ich Ẽwandamau chadcha i phiriu aujimgui ajim anʉm. Marau mag jaau nʉmʉn, chadcha maach daúacha ootarr aawaita mag jaau nʉmgui ajim anʉm Pedroou.

Hechos 3:15

Mag, pãrau chadcha warag maach thumaam khʉʉn iiupiejemta thõopʉijierramgui ajim anʉm. Mag i thõopʉijierrab mamʉ, deeu Ẽwandamau i phiriu aujimgui ajim anʉm, jẽbdeg sĩerr ãba. Marau mag jaau nʉmʉn, mag pãachdeu i thõotarr khurjã maach daúacha monakha meeba arrjo nʉrrʉm oojerr aawaiugui ajim aajem Pedroou amach khĩircha.

Hechos 5:32

Mag pãrau i meerphe thõotarr maach daúa ootarr aawaita marau chadcha thum khaphʉ jaau nʉmgui ajim anʉm. Mag nʉm dʉi Ẽwandamau ich Akhaarta ar ich ipierraam khʉʉnag deejeewai, marau jaau nʉmʉn, ich ag Ẽwandam Akharau maachig jajaaukhamta jaau nʉmgui ajim anʉm.

Romanos 8:3

Wajapcharan mʉgta ajim: Moiseeu phã pʉatarrau pod pekau jua eemua maach khaigper aubajim, mag pekau maach dʉi thaabatarr gaaimua pod mag ley ʉʉrkha auba arr aawai. Pari Ẽwandamau magbajim. Ẽwandamaun ich Iewaachata maach wounaan khĩir thegwia pʉijim. Mag ich mʉg maach chi pekaupanjo khitajieb mamʉ, bʉ̃ʉrjã pekau waubajim. Mag pʉiwia maach khaibag kõit thõopibarmua, maach gaai aju arrta warag ich Chaai gaaita ʉdʉraa mas apijim, magbarmuata jũrr mag pekau maach dʉi jua theeg sĩerrta warre jua theeg chukhu apäaig.

Gálatas 4:4

Mamʉ mag wenʉrrʉʉ awi ya Ẽwandamau ich Iewaa pʉiju ed aadeewai pʉiwi, Ẽwandamkha sĩerrta maach thumaam khʉʉn thaabatarrjo chadcha maar meeun ʉʉirau oowi, bʉ̃rʉʉ bãaumamua tagam khʉʉnjo mag Moiseeu ley deetarr ʉʉrkha khitʉmua jooipajim.

1 Timoteo 3:16

Mag iek warrgar thumaam khʉʉnau khaugba aajerrta ĩsin maadeu dawaa oo nʉm, ich Ẽwandamau maachig khaugpitarr aawai. Mag maachig khaugpitarr iekhan mʉgau: Cristo Ẽwandamkha simta maach thaabaajemjo mʉg jẽb gaai thaabachewia, maach wounaan khĩir thegwia, mʉg jẽb gaaim khʉʉnag ich oopien beejim. Maimua meewia Ẽwandam Akharau deeu i phiriu athamua chadcha í pekau chukhu khitʉm a khaugpijim õrag. Mʉg jẽb gaai sĩeichewia irua nem wautarr thum Ẽwandam chognaanau ʉ̃gtharmua oojierram. Maimua amach aar pabaimaawaijã sĩi onee amach jua ee baarpi aujierram. Magtarr, durr warpham magwe aaidʉ jaaupʉiwia meupierram khʉʉnau khakhapdo thʉnʉm dʉi ĩchab durrpierr i iek ʉkha durrum khʉʉn nʉnʉidʉm.

2 Timoteo 1:10

Mag warrgar maach khĩir jãsenkhatarran maach peerdʉajem Jesucristo pʉitarr gaaimuata ĩs ewag pawiajã khaphʉ nʉm. Magtarr aigmua ich Jesucristoouta maach dajẽegjem jua theeg chukhu apʉinaa jũrr maach peerdʉajem iekta ʉ̃rpai apijim. Magtarr aigmua ĩchab warr maach meewai ich mag okhoo wenʉrraju arrta ʉ̃gthar oberju aai apijim.

Tito 1:2

Mag maachdeu ʉkha nʉmʉn, ʉ̃gthar paaukhabaimaawaijã ich magta Ẽwandam dʉi maach iiu nʉisiju a jaau simʉu. Mag maachig ich dʉi ich mag wenʉrrapiju a jaautarran, ich Ẽwandam bʉ̃ʉrjã seu chukhu khitʉmuachata mʉg jẽb ompaaju nawe mag jaaujim.

1 Pedro 5:1

Ãbmiecha paawai pãar iglesia ee jooin chi pornaankha nʉm khʉʉnagjã wawí iekham khõsi chirʉm. Ya mʉchjã ĩchab jooinau amjo. Mua mʉch daúa pakuls gaai Cristo dau aphʉʉ jochkherʉm oojim; mag Cristo deeu ich jua theeg thum beem edjã mʉchjã amjo ĩchab i dʉi chiraju. Mag am wawim ig chirʉmʉn mʉgau:

1 Juan 1:1

Warr nem thum ompaawaiwe sĩerr igwiata mua mʉg ẽsap phã chirʉm, tagam khʉʉn ich Cristooucha jʉr autarr khʉʉn dʉimua muajã mʉch jʉ̃gʉucha ũrwia mʉch daúacha ootarr jawaag; maachdeuta maach daúacha oonaa maach juaucha i gaai pʉrjim. Wajapcharan magan ar ʉ̃gthar õor oberpiejemma, ich Cristo; i igwiata mua pãrag mʉg ẽsap phã chirʉm.

1 Juan 2:25

Ich Cristooucha jaauwaijã maachin ich dʉita ich mag phe wai nʉrraju a jaaujim.

1 Juan 3:5

Pãrau khaphʉ nʉm, Jesucristo mʉg jẽb gaai beewai mʉig eegarm khʉʉn pekau chugpaaju jʉraanta beejim, ichjo pekau chukhu paapʉimaag. Maadeu khaphʉ nʉm, í bʉ̃ʉrjã pekau chukhu khitʉm.

1 Juan 3:8

pari magba ar pekauta wau nʉm khʉʉnan mepeer den aawaita mag nʉm, ich chi mepeerjã ich warrgarwe ich mag pekau wau sĩerraawai. Wajapcharan ich Ẽwandam Iewaa mʉg jẽb gaai beetarran, mag meperau õor khũgur wai simua pekau ee preso phe wai sĩerrjo narr khʉʉn i jua chaaur weeukhapʉyaanta beejim, tag meperagta maach ʉ̃rpai apimaaugau.

1 Juan 4:14

Mag nʉm dʉi ĩchab chi Ayau ich Iewaag õor peerdʉ aumkhĩir pʉitarrjã marau maach daúacha ootarr aawaita mag khaphʉ jaau nʉm, chadcha Ẽwandam maach dʉi khapeerkhaju aai sim õrag khap amkhĩir.

1 Juan 4:2

Ẽwandam Akharauta mag iekhapi sim khap aag mʉgta abat: Pãachdeu ũurwai Jesucristoon chadcha ich Ẽwandam Iewaa chaarta parhoobam chaaidamjo thaabachewia sĩi ich mʉg wounkhata õor ee nʉrrajim a jaaumʉn, magan chadcha Ẽwandam Akharau jaaupitarr iekta jaau wenʉrrʉm.

1 Juan 5:11

Mag irua maachig jaau sim iekhan, maach ich denkha auwia ich mag ich dʉi wenʉrrapijuuta jaau sim; pari mag i denkhanaa i dʉi ich mag wenʉrrajuun, ãba ich Ẽwandam Iewaa gaaimuapaiu.

1 Juan 5:13

Keena, pãar Ẽwandam Iewaa iek ʉkhaajem khʉʉnagta mʉg ẽsap phã deepʉi chirʉm, ya pãar i denkha naawai chadcha pãach i dʉi ich mag wenʉrraju khap amkhĩir.

1 Juan 5:20

Maadeu khaphʉ nʉm ĩchab, Ẽwandam Iewaa maach ee beewiata maachig khĩirjug deechejim, Ẽwandam chaarta wajapcha khap amkhĩir. Mag gaaimuata maachin chadcha ich Ẽwandam chaar dʉita wenʉrrʉm, pari wajapcharan chi Iewaa Jesucristo dʉijã agjo naawai mamʉ. Mag Cristota Ẽwandam chaar anaa maach ich mag iiupiejemʉu.