1 Juan 1:10 - Wounaan Meu

¹⁰ Wa sĩi khãijã maadeu maar chan bʉ̃ʉrjã pekau wauba aajem a iekhakhiin, magan jũrr maadeu ich Ẽwandamta seunemeg phe nʉm, i iek mag maachin thumta pekau pom khitheem aajeewai. Mag nʉm aig chan magan maadeu i iek ʉkhabata nʉm.

Woun Meu

¹⁰ Wa sĩi k'ãijã maadëu maar chan bʌ̃ʌrjã pekau wauba haajem ha hiek'ak'iin, magan jũrr maadëu hich Hẽwandamta sëunemeg p'ë nʌm, hi hiek mag maachin t'umta pekau pöm k'it'ëem haajeewai. Mag nʌm haig chan magan maadëu hi hiek hʌ̈k'abata nʌm.

1 Juan 1:10 Iomraidhean Croise

San Juan 3:33

Pari ar ʉu i iek ʉkha durrum khʉʉnaun mag ʉkha nʉmua, “Ẽwandamaun chadchata iekha sĩerrʉm” anʉm khabahab ajim anʉm, Jesús igwia i Iewaa a iekhaawai.

Colosenses 3:16

Agjo ĩchab Cristoou maach peerdʉ aaujem iek pãachdeu khaugtarrta khĩir okhooba ich mag pãach thãar ee wai nʉisit. Mag iek warag khaugmaag, khĩirjug khaphʉta jũrr agdaujo pãach khapeenag jaaupetat. Mag nʉm dʉi ĩchab wawimamua jũrr agdaujo chikham khĩir onee apibat. Chadcha thãraucha Ẽwandamag ʉu ajim anaa irig meukharau Salmos aunaa deeum meukhaarjã i jʉ̃gaagaamta aubat.

1 Juan 1:8

Maadeuta dich igwia bʉ̃ʉrjã pekau chukhum a nʉmʉn, chadcha pekaupanta mag pekau chukhum anaawai, maachdeupaita wir aig maach khũgur nʉm; mag nʉm aig chan chadam iekjã khaugbata nʉm.

1 Juan 2:14

Deeu ũwaai pãrag jaaukhim: Agtha chaainjo khitheem khʉʉn, ya pãrau Ẽwandam pãach Aaikha simjã khaphʉ naawai, pãrag mʉg ẽsap phã deepʉi chirʉm. Jooinaan, warr nem thum ompaawaiwe sĩerr ich ag Ẽwandampaita khaphʉ naawai pãragjã mʉg ẽsap phã deepʉi chirʉm. Ẽwannaan, pãraujã pãachdeu Ẽwandam iek ʉkhatarr gaai ubʉnaa pãach thãar eecha wai wenʉrrʉmua ĩchab chi dajãumieu nem khaigbam waupiejemjã pãach garmua podpʉiwi naawai pãragjã agjo mʉg ẽsap phã deepʉi chirʉm.

1 Juan 2:4

Pari ãbmua khãijã “Mʉʉn i deneu” a sim, pari mag simta bʉ̃ʉrjã irua nem jaau sim ipierraa khaba simʉn magan sĩi seunemgau ich iiupaita mag i den a nʉrrʉm; magan maguajã agtha chadam iek khaugbata sim.

1 Juan 4:4

Keena, pãar chadcha Ẽwandam chaain aawai i Akhaar chaar sĩi dosãt mʉg jẽb gaai sĩejem khãaijã jua theeg ʉ̃rpai sĩerrʉmta wai nʉm; magua jãg seukha nem jaau nʉrrjeem khʉʉnagjã ʉu ʉdʉraa pãach khũgurpibajierram.

1 Juan 5:10

Chadcha chi Ẽwandam Iewaa iekta ʉkha simuan ich thãar ee khaphʉ sĩsim, chadam iekta ichdeu ʉkhabarm. Mamʉ mag Jesús igwia ich Ẽwandamaucha i Iewaa a jaau simjã ʉkhaba simuan warag ich Ẽwandamta seunemeg phe sim, irua jaau sim ʉkhabam gaaimua.

2 Juan 1:2

Mua mag pãar khõsi chitʉmʉn, Ẽwandam iek chaar mʉchdeu ʉkha chirʉmta pãraujã ʉkha naawaiu; mag chadam iek maachdeu ʉkha nʉmʉn mʉg atag pawiajã ich mag maach thãar ee sĩerraju.