San Lucas 6:3 - Woun Meu

³ Magbaawai jũrr Jesuu hamag —Mamʌ ¿k'ani mʌ k'apeenau k'aigba habar? hajim hanʌm. ¿Magan pãrau bʌ̃ʌrjã Hẽwandam hiek p'ã sim gaai t'ʌ̃ʌrwai hooba haajeeb, Daviiu hich dʌ̈i wënʌrrarr k'ʌʌn dʌ̈imua hamach jãsöo hap'öbaadeewai Hẽwandam hat'eem pan k'ötarr?

Wounaan Meu

³ Magbaawai jũrr Jesuu amag —Mamʉ ¿khani mʉ khapeenau khaigba abar? ajim anʉm. ¿Magan pãrau bʉ̃ʉrjã Ẽwandam iek phã sim gaai thʉ̃ʉrwai ooba aajeeb, Davidau ich dʉi wenʉrrarr khʉʉn dʉimua amach jãsoo aphobaadeewai Ẽwandam atheem pan khotarr?

San Lucas 6:3 Iomraidhean Croise

San Mateo 19:4

Magbaawai Jesuu hamag magjim: —Hẽwandam hiek p'ã sim gaai t'ʌ̃ʌrwai, ¿pãrau hooba haajẽ, warrcha chi hompaatarr Jöoiraujã hemk'ooi hʌʌi dʌ̈ita hompaajim ha sim?

San Mateo 21:16

meeuk'a nʌm hiek'au k'ĩir mor chigpai chi Jesuugta, —¿Mag serereuk'am k'ʌʌnau hiek'a nʌm pua hũr chirʌ́? hajierram hirig. Magbaa hichdëu, —Muak'a hũr chirʌmgui hajim. Pari pãrau Hẽwandam hiek p'ã sim gaai t'ʌ̃ʌrwai hooba haajeeb, hamau mag serereu haju higwi David k'ararrau, “Chaain daumeraam k'ʌʌn dʌ̈i hagt'a jũd dö k'it'ëem k'ʌʌndamaupa hirig jëeujem” ha p'ã pʌatarr. (Sal. 8:3) Ma chan pãrau bʌ̃ʌrjã k'ĩir hee paba naabma hajim hamag.

San Mateo 21:42

Hamachdëu magbaawaita Jesuu hamag magjim: —¿Pãrau chan bʌ̃ʌrjã Hẽwandamau hich hi jaaumienag hich hiek p'ãpitarr gaai jaau sĩsidʌm t'ʌ̃ʌrwai hooba haajeeb, “Di hëu narr k'ʌʌnau hisegtarr dibigta jũrr chi dihãd jãrramk'a sĩsim” ha sim? “Hẽwandam maach Pöröuta mag dibig wajap'amjö hapi sĩewai hõrau hoowaijã hʌ̈uuta hoo nʌm” ha sim, hich hiek gaai jaauwai. (Sal. 118:22-23)

San Mateo 22:31

¿Pãrau hooba haajẽ, Hẽwandamau hich hiek p'ãpitarr gaai mag hõor hötarr k'ʌʌn deeu hiiu p'iidʌtk'aju higwi,

San Mateo 4:2

Mam hich happai cuarenta días y cuarenta noches bʌ̃ʌrjã t'ach k'öba chirajim haajem. Maimua k'ãai k'apan mag dichdimaawaita, hi hiek hi jãsöo haadëjim haajem.

San Marcos 12:10

Magnaa hamag, ’¿Pãrau Hẽwandam hiek p'ã sim gaai t'ʌ̃ʌrwai hooba haajẽ hajim hanʌm, “Di hëu narr k'ʌʌnau hisegtarr dibigta jũrr chi dihãd jãrramk'a sĩsim” ha sim?

San Marcos 12:26

Mag hõor hötarr k'ʌʌnjã deeu hiiuju k'ap haag ¿pãrau Moiseeu Hẽwandam hiek p'ã pʌarr gaai t'ʌ̃rba haajẽ? Hag gaai Hẽwandamau Moiseeg, “Mʌʌta pãar jöoin Abrán k'ararr Hẽwandam hanaa hĩchab jöoi Isá k'ararr hag Hẽwandamau, maimua Jacob k'ararr dënjã hagjö” ha sim.