San Lucas 15:3 - Woun Meu

³ Magbaawai hichdëu ham mag hiek'a nʌm hũrwia, mʌg nem hĩgk'aadam jaaumamua hamag magjim haajem:

Wounaan Meu

³ Magbaawai ichdeu am mag iekha nʉm ũrwia, mʉg nem ĩgkhaadam jaaumamua amag magjim aajem:

San Lucas 15:3 Iomraidhean Croise

San Mateo 10:6

—Magju k'ãai maach judionaan hee Hẽwandam hiek hʌ̈k'abagau oveja pap chuk'u hok'oo wënʌrrʌmjö t'ʌnʌm k'ʌʌn heeta hërëubaadët hajim.

San Mateo 13:3

Mag mam barjopnaata ejemplodam jaaumamua nem k'ĩir pogk'e jaaumajim. Mag jajawagmamua magjim: —Woun hãb nemjĩir dau p'oon majim haajem.

San Mateo 9:13

Maimua magjim hĩchab: —Wajap'a k'ĩirjunaa Hẽwandam hiek p'ã sim gaaim mua jawaagpam k'ap habat. Chi p'ã sim hiek gaai Hẽwandamau mag sim: “Muan pãragan sĩi nemchaainta k'ëchnaa mʌrʌg jëeu nʌʌ haju k'ãai, pãach k'apeenta hʌ̃rcha dau haug k'aug paraa hapim k'õsi chirʌm” ha simgui hajim Jesuu. Maguata muajã ham pekau pöm nʌmjã higba, ham dʌ̈i t'ach k'ö chirʌmgui hajim. Mʌ chan bʌ̃ʌrjã pekau chuk'u wajap'a k'it'ëem haajem k'ʌʌn jʌraanjã bëeba, mʌʌn hõor pekau pöoma k'it'ëem k'ʌʌn peerdʌ hawaanta bëejimgui hajim, k'ĩirjug hiiur haumk'ĩir. Maguata mag hõor pekau pöm nʌmjã higba, ham dʌ̈i t'ach k'ö chirabahab hajim, hamjã Hẽwandam dënk'a hawaag.

San Lucas 15:2

Magbaawai chi hajap'a Hẽwandamau Moiseeg hiek p'ãpitarr hʌʌrk'aajem k'ʌʌn, maimua hag hiek jawaag hat'ee chi machnaan dʌ̈imua Jesús higwia, —Hi dën mʌg wounau chan pekau pöm sĩsidʌm k'ʌʌn hawiajã hisegba hich jãg warag ham dʌ̈i t'ach k'ö nʌrraajem hanaajim haajem.

San Lucas 15:4

—K'anim nemjö mʌg nʌm haig hãbmua cien ovejas wai sim, maimua hãb hok'oobaadeewai, ¿k'aíuta tagam k'ʌʌn dö wajaug hee p'ëpʌawia mag hok'oo k'itʌmdam jʌraan mabaju k'ai? hajim hanʌm. Keen, par maadëu dich nemchaai haawai baaubam haigjã hook'a k'itʌʌ habarju.

San Juan 21:16

Maimua deeu hũwaai hirig hi t'ʌ̃rcha t'ʌ̃rt'ʌ̃rnaa, —Simón, Juan hiewaa, ¿chadchata pua mʌ daupii chirʌ́wi? hajim. Magbaawai Pedroou hirig, —Hëera Señor, pua k'ap'ʌ simgui hajim, mua chadcha pʌ daupii chitʌm. Magbaa deeu hirig, —Magan mʌ hiek hʌ̈k'a nʌm k'ʌʌnta oveja t'ʌajemjö wajap'a t'ʌa wai chitá hajim.

Hechos 21:20

Pabloou hamachig mag hĩgk'amam hũrbaawai honee nʌm hiek'au warag Hẽwandamagta, “Aay, hʌ̈ucha magbarm Hẽwandam” hajierram. Maimua jũrr hamach garmua Pabloog, “Pʌdë maar hiek hũrbarí, marau pʌrʌg jaauk'im” hawi, —Pua pʌchdëujã k'ap'ʌ chirʌmgui hajierram, judionaan hee hõor pöoma t'ʌnʌm chi hʌ̈k'a nʌm k'ʌʌn, mamʌ t'um mag t'ʌnʌm k'ʌʌn hiek hichiita hamau hich mag Moiseeu p'ã pʌatarr hiek pʌaba hʌʌrk'a wënʌrraju haai nʌm haajem.