San Juan 4:9 - Woun Meu

⁹ Mamʌ judionaan Samariapien dʌ̈i dau parii hiyʌ̈ʌ haba haajerr haawai, mag hichig dö jëeubaawai chi hʌʌirau hirig magjim haajem: —Pãar judionaan chan maar Samariapien dʌ̈i hiek'ajã map'a haajem k'ʌʌnta, ¿k'ant'ee pua mʌrʌg dö jëeu sĩwi? hajim hanʌm.

Wounaan Meu

⁹ Mamʉ judionaan Samariapien dʉi dau parii iyʉʉ aba aajerr aawai, mag ichig do jeeubaawai chi ʉʉirau irig magjim aajem: —Pãar judionaan chan maar Samariapien dʉi iekhajã mapha aajem khʉʉnta, ¿khanthee pua mʉrʉg do jeeu sĩwi? ajim anʉm.

San Juan 4:9 Iomraidhean Croise

San Mateo 10:5

Mak'ʌʌn doce hich Jesuucha jʌr hautarr k'ʌʌnta hichdëucha pʌ̈ijim. Pari mag maar pʌ̈yaagpamua marag, judionaan k'abam k'ʌʌn hee chan wëtpiba, ni Samaria durram p'öbör heejã wëtpiba jaaujim.

San Lucas 10:33

Maimua mag warm k'ʌʌn hërëu dichtarr hẽudee hagjö maa hajim haajem Samariapierrdam, hich hag k'ʌd heepai. (Samariapien judionaan dʌ̈in hagdaujö jũrr chik'am k'a k'õchk'aba haajeejim. Mamʌ maagjerrta magʌmjã higba,) maguan chadau hichdëu mag hoobaimaawai, “Hëh, ¿jãan chijãg woundamta jãg dau hap'ʌʌ jẽer k'ërʌm?” hawia, warag haar mawia, hich hat'ee nemk'au pabʌ̈ olivo hanʌm dën vinodampa wai nʌrrarrau bënhëk'a hi mor mag pepet'or sĩsidʌm hee p'uurk'anaa, put hee pʌrëunaa, hich cabaai gaai hat'aadëjim hanʌm, hich dʌ̈i hãba. Mag harrwia, hõor jẽerjem deg hag dʌ̈i sĩeimajim haajem.

San Juan 4:27

Ham mag hiyʌ̈ʌ nʌm heeta maar bardʌtk'achëjim. Maimua mag Samariapie hʌʌi dʌ̈ita hiyʌ̈ʌ nʌm hoobaicheewai chadcha maar dauderraa naajim. Pari magʌmjã hãbmuajã hirig, “¿Pʌ k'anta hirig jëeu sĩ, wa k'an hata pãar hiyʌ̈ʌ naajĩjã?” habajim.

San Juan 8:48

Mag hamachig, “pãar chan Hẽwandam chaain k'abamgui” habaawai, chi judionaanau hirig, —Chadchata pʌʌn jãgan Samariapierrau, maimua dösãtauta pʌ pör meu sĩebahab hajierram hichigcha.

Hechos 1:8

Mag k'ãai Hẽwandam Hak'aar pãach gaai p'ẽs sĩeichëjuun chad pãrau k'ap'ʌ haju haai nʌmgui hajim hanʌm. Mag pãach gaai p'ẽs sĩeichëm hed pãar jua t'eeg hap'öbaadëmua mua nem waaujerr pãach daúacha hoonaa mʌ hiek pãach jʌ̃gʌucha hũurjerrjã pãrau hõrag jaau nʌrrjëe haju. Nacha mʌg Jerusalén p'öbör hee, maigmua Judea durr, Samaria durr, hich mag k'ĩeb durrpierr jaau wëtumua warp durr chaauram magwe pãrau jaau wënʌrrajugui hajim hanʌm hamag.

Hechos 10:28

Mag hoobaimaawai Pedroou hamag, —Keena, pãrau k'ap'ʌ nʌmgui hajim hanʌm, maar judionaanag chan pöd pãar judionaan k'abam k'ʌʌn deg dubpiba jaaunaa pöd pãar dʌ̈i k'apeerk'ajujã k'aba nʌm haajem, Hẽwandam na maach hãarjeewai. Mamʌ hĩs Hẽwandamau mʌrʌg jaauwai ya maadëu tag mag k'ĩirjuju k'aba nʌmgui hajim hanʌm, dich meeun k'abam k'ʌʌn dʌ̈i hawiajã.

Hechos 10:32

Maimua mʌrʌg hõor jʌr hauwi Jopeeg pʌ̈ipi jaaujim, woun hãb Simón hanʌm hibʌʌr wauwia ham dën Pedro ha t'ʌ̃ʌrjem hawaan mamk'ĩir. Mag wounau jaauwai pʌ deeum hagjö Simón hanʌm nemhëu dʌ̈i p'idk'aajem haig sim ha jaaujim, p'ũas higaau di dʌnʌm hee. Pʌ higwia, mag wounauta mua nem wauju mʌrʌg k'ap jaaujugui hajim, chi Hẽwandam chogau.