San Juan 2:10 - Woun Meu

¹⁰ hirig magjim: —T'umaam k'ʌʌnau vino chi wajapcharamta nacha hõrag jiigjerram; maimua mag dö nʌʌ hawiata jũrr parhoobam vino jiigjerramgui hajim. Pari pua magba hewaata chi wajapcharam jigaagpamgui hajim hirig, mag dö hatarrta vinoog paa simjã k'augba.

Wounaan Meu

¹⁰ irig magjim: —Thumaam khʉʉnau vino chi wajapcharamta nacha õrag jiigjerram; maimua mag do nʉʉ awiata jũrr parhoobam vino jiigjerramgui ajim. Pari pua magba ewaata chi wajapcharam jigaagpamgui ajim irig, mag do atarrta vinoog paa simjã khaugba.

San Juan 2:10 Iomraidhean Croise

San Mateo 24:49

nem k'aibag hich k'apeen jũrr hich jua heegpaim dʌ̈i hichdëu hampierr hanaa, nagjã hichdëu döm haig dönaa, t'achjã hichdëu k'öm haig k'ömʌn,

San Lucas 12:45

Mamʌ magba mag hichig nem jaautarrjã hich hödegpai, “Mʌ patrón chan da bëebam” hawi nem k'aibag hich k'apeen jũrr hich jua heegpaim k'ʌʌn dʌ̈i hichdëu hampierr hanaa, nagjã hichdëu döm haig dönaa, t'achjã hichdëu k'öm haig k'ömʌn,

San Lucas 16:25

Mamʌ magbaawai jöoi Abranau hirig magjim hanʌm warag: “K'ĩir heyaa hajuma” hajim hanʌm, “pʌch monak'a haawai nem k'ĩir t'um paraanaa bʌ̃ʌrjã haugchëba chitarr. Maagwai Lázaro bʌ̃ʌrjã magʌm chuk'u hi dau hap'ʌʌ k'amor masi k'ërʌmjã pua hirig hooba haajeejim. Mamʌ hĩs mʌig hi k'õinaa bibigag chuk'u chirʌm. Jãigta k'ĩirjujuma hajim hanʌm, jãgwia jũrr hĩs pʌ hidawaa chirʌ́, hõt k'ierr pechag hee.

Hechos 2:15

Hõor pãrau hoowai jãg t'ʌnʌm chan pãrau jaau nʌmjö mag nag pöm döwia k'ëch t'ʌnaawai k'abamgui hajim hanʌm. Pãrau hoo naabá hajim hanʌm, hĩsta hedp'err garm las nuevepai sim; hagt'a doojem horajã k'aba sim, ¿jãga mag hõor k'ëch t'ʌnaajugui? hajim hanʌm.

1 Corintios 11:21

Mag haawaita ya k'oogpaawaijã hagdaujö pãachdëu nem waibëemarrpierr pãachdëu k'öm haig k'öwia, döjã döwia, sĩi warag k'ëch t'ʌnʌisip'ʌm. Mag t'ʌnʌm hee pogk'a jãsöojã k'ëk'ëdʌm, mag k'öju chuk'u haawai.

Efesios 5:18

Hoob nag döwia hok'opp'a hamiet. Jãgʌmuan warag maachig nem parhoobata waupinaa maach hok'oopijuuta hẽk'aajem. Magju k'ãai Hẽwandam Hak'aarta pãach gaai p'ẽsnaa hidëu hirigta pãachdëu nem waujujã jaaupibat.

1 Tesalonicenses 5:7

Maadëu k'ap'ʌ nʌm, hõran hedaar paawaita k'ãidʌtk'aajem, maimua k'ëumamuata dötarr k'ai, hedaar paawaita hĩchab k'ëch t'ʌnaajem.

Apocalipsis 17:2

Magnaa mʌrʌg, Mʌg durr gayam reinaanau t'umaam k'ʌʌnau hich hag hʌʌipaita wai k'ãijierramgui hajim. Maagwai tagam k'ʌʌn hagjö mʌg jẽb gayam k'ʌʌnjã sĩi mag parhooba saak hʌʌi bag chë simjö sĩerr gaaimua hichig paa wai simgui hajim.

Apocalipsis 17:6

Ya mag mʌchdëu hoobaawai mua k'aug hat'ajim, sĩi Jesús hiek hʌ̈k'a durrum k'ʌʌn pöm k'ëchbapäaiwai bag pöm hãrbarm hoowiata honegau sĩi don hʌʌijö hoo sim.