Filemon 1:4 - Nuni Southern

^4-5 À nì n sonu tə yoo, ba nə swɩ̀n də, n swə lɩ̀à tə mama, ba nə yɩ Kərisə nə tɩ. À ga nì n waa tə, n nə keni Yuu-Tiu Zwezi nə wuuu tə yoo, nə yɩ nətʋ. Kʋ mʋ̀ yɩrɩ, à kəni à nyɩna Yɩɩ lɛ̀eɛ̀e máŋá mama, yá à lìí n yoo à yɩjʋnɩ mama wa.

Filemon 1:4 Iomraidhean Croise

Romə tɩ̀án 1:8

Tɩa yuu bwálɩ́ mama nə, lɩ̀à nə̀ń də, á keni á waa Zwezi-*Kərisə nə. Kʋ mʋ̀ nə pɩn, à dí yáá, à twá də Zwezi-Kərisə, à ma kəni à nyɩna Yɩɩ lɛ̀eɛ̀e, á mama yɩrɩ.

Efɛzə tɩ̀án 1:16

Kʋ mʋ̀ yɩrɩ nə, à də kəni Yɩɩ lɛ̀eɛ̀e á yuu yɩrɩ, à ba kəni à zwɛ̀e, à ga swɩ̀n á yoo à yɩjʋnɩ wa, máŋá mama.

Filipə tɩ̀án 1:3

Máŋá mama, à nə swɩ̀n á yoo à nyɩna Yɩɩ con, à yàá kə ʋ lɛ̀eɛ̀e á yɩrɩ. Yá à yàá fwa kʋ nətʋ tə də pupwən.

Kolosə tɩ̀án 1:3

Máŋá mama, nə jʋ̀nɩ̀ Yɩɩ, ʋ nə yɩ nə *Yuu-Tiu Zwezi-*Kərisə nyɩna, nə pɩn aba. Nə nə wulə nə jʋ̀nɩ̀ Yɩɩ nə pɩn aba, nə yàá kə ʋ lɛ̀eɛ̀e á yɩrɩ.

1 Tɛsalonikə tɩ̀án 1:2

Nə yɩjʋnɩ mama wa, nə yàá lòrì Yɩɩ nə pɩn aba, na ga kəni Yɩɩ lɛ̀eɛ̀e máŋá mama, á mama yɩrɩ.

2 Tɛsalonikə tɩ̀án 1:3

Nə nubɩa-ba, á keni á waa Zwezi nə wuuu, á ga tə kəni á waa ʋ nə á súrí wuuu. Yá sonu tə, á nə swə duən tə, də yɩ kʋ súrí wuuu. Á wulə càn də wʋwalʋ wa, á ga tə jə pɩ́nʋ́ wuuu, á dànà ká pìí á kə á kwa. Kʋ nətʋ dàń pɩn, nə jə á yoo, nə ma bwɩ nə tɩ̀àn nə, *Kərisə lɩ̀à púlə́ tə wa. Kʋ mʋ̀ nə pɩn, nə mɛ, sə nə kə Yɩɩ lɛ̀eɛ̀e máŋá mama wuuu, á yuu yɩrɩ.

2 Timote 1:3

À mʋ̀ Polə kəni Yɩɩ lɛ̀eɛ̀e, à pɩn n mʋ̀ Timote nə. À lòrì Yɩɩ də bɩcan nəpon, ndə à nɩbara-ba tə nə jʋn Yɩɩ nətʋ. Máŋá mama, à nə wulə à lòrì Yɩɩ, kʋ nə yɩ tɩtɩn nə à yə̀ə́ yɩcaʋ, à yàá lòrì Yɩɩ, à pɩn mʋ́.