Kuekuligwa 5:6 - Ngindo New Testament

⁶ Penia nganammona Mwanalimbelele ajemite panakati ja kitebu chutawala, yantindi ina bwomi ncheche na akinanhota bala. Mwanalimbelele jwenio abonekana anda achinjigwe. Akiba na mbembe saba na mio saba ngi iuhuke saba ya Nnoongo eikiba ikingigwe kila paali padunia.

Kuekuligwa 5:6 Iomraidhean Croise

Luka 1:69

Butupile nkomboi juna makakala, ju lungolo lwa Daudi mpakachi jwabe.

Yohana 1:29

Malabo jakwe Yohana ngammona Yesu akanhwikilila, ngalenga, “Ojo nga Mwana Limbelele jwa Nnoongo ojwaboya mabaja ga padunia!

Yohana 1:36

Apamona Yesu akapeta, ngalenga, “Nnola! Jweno nga Mwana limbelele jwa Nnoongo.”

Itendwa 8:32

Paali pa majandiko Gachwapi apakiba akachoma pakiba paandikigwe yene, “Akiba andi limbelele elipelekigwa kuchinjigwa, andi mwana limbelele apatama nuu apabunhweketa majuni. Jwombe alongi kileje.

Kuekuligwa 1:4

Ne nga Yohana niandikila ikuta saba ya bandu abunhwamini Kilisto eibi kunkoa gwa Asia. Nannumbi upeele na tengela kuboka ku Nnoongo, jwenio nga jwakiba, jwabile na jwapakuika, nu kuboka ku iuhuke saba eibi nnongi ji kitebu chakwe chu kutawala,

Kuekuligwa 12:11

Akalongo bito bunhwotolinge kwa makakala ga myai ja Mwanalimbelele nu kulilobe lya Nnoongo libachalakicha, benia bupaije bwomi gwabe ngabajekete kuwe.

Kuekuligwa 13:8

Bandu boa abatama padunia bapakunng'ongalela, kila mundu jwangaandikigwa mu kitabu cha bwomi cha Mwanalimbelele ojwachinjigwe kuboka kalakala.

Kuekuligwa 14:1

Penia nganammona Mwanalimbelele ajemite panani pikitombi cha Sayuni, pamwe na bandu laki jimwe na elufu alobaini na ncheche abaandikigwe muibongi yabe liina lya Mwanalimbelele na liina lya Awamundu.

Kuekuligwa 17:14

Bapakuputana ngondo na Mwanalimbelele, nambu Mwanalembelele pamwe na ababakemite na kapambula bina kuaminika, apakaotola gambu jwenio nga Ungwana jwa akangwana na Nkolongwa jwa akakolongwa.”

Kuekuligwa 21:22

Nijibwenije nyumba ja Nnoongo mu kilambo chenie, gambu Angwana ana Nnoongo Bina Makakala na Mwanalimbelele nga nyumba jabe.

Kuekuligwa 21:23

Kilambo chenie kipaligwije kumuliki lichoba andaje mwei, gambu kibumo cha Nnoongo kikipe ndaa nu lumuli lu kilambo chenie nga Mwanalimbelele.

Kuekuligwa 22:1

Penia mpakachi jukumbengu nganaya lukemba lwa mache ga bwomi lunakung'ala andi lindala, gaboka pikitebu chutawala cha Nnoongo na Mwanalimbelele,

Kuekuligwa 22:3

Kubeje kilebe nhwilo gwagwoa mu kilambo chenie. Gambu kitebu chutawala cha Nnoongo na cha Mwanalimbelele kiba mwenio, na akapakachi bakwe bammegelela jwombe.

Kuekuligwa 4:8

Ipanganigwa yoa ncheche, kila kipanganigwa kikiba na mapapanilo sita, mapapanilo genia gakiba gatweli mio kunja na nkati. Kilo na mui ikotwikije kujemba, “Chwapi, chwapi, chwapi, Angwana, ana Nnoongo bina Makakala goa, abakiba na ababile na abapakuika!”

Kuekuligwa 5:11

Panalola, nganyoa lilobe lya akapakachi nduu muno bu kumbengu, na abije mundu jwaotwi kabalanga. Bakibanga bikitindi kitebu chu utawala, pamwe na ina bwomi ncheche yela na akinanhota,

Kuekuligwa 5:12

ngabajemba kanonoya, “Mwanalimbelele ojwachinjigwe apaligwa kupokela uwecho, kipato na ichima na malango na makakala na kibumo nu kulumbaliligwa.”

Kuekuligwa 5:13

Kuboka penia nganyoa kila kipanganigwa kumbengu, padunia na pae ja nnema nu kubaali ni ipanganigwe yoa eibi mwenio nginijoa yakalenga, “Alumbigwe jwenio jwatamite pa kitebu chu utawala, na Mwanalembelele, ichima ni kibumo na kulumbaligwa, abe na makakala pangapela na pangapela.”

Kuekuligwa 5:14

Na ina bwomi ncheche ye ngilenga, “Unhyo!” Na akinanhota bala ngabagweganga manguku, ngabagongalela.

Kuekuligwa 6:16

Ngibilengela itombi yenie na mabwe, “Mutugwelele, mutuiye takabonekanaje umio mwa jwatama pi kitebu chukutawala, nu kuboke mulilaka lya Mwanalimbelele!