Kuekuligwa 5:12 - Ngindo New Testament

¹² ngabajemba kanonoya, “Mwanalimbelele ojwachinjigwe apaligwa kupokela uwecho, kipato na ichima na malango na makakala na kibumo nu kulumbaliligwa.”

Kuekuligwa 5:12 Iomraidhean Croise

Matayo 28:18

Yesu ngaika papipi, ngabalengela, “Mbatite kinala choa kumbengu nu kudunia.

Yohana 1:29

Malabo jakwe Yohana ngammona Yesu akanhwikilila, ngalenga, “Ojo nga Mwana Limbelele jwa Nnoongo ojwaboya mabaja ga padunia!

Yohana 17:2

Andi yene ngamampe mwanajwinu kinala kubandu boa, kupala mapegange bwomi gu machoba goa pangapela kubenia boa abamapile.

2 Akakolinto 8:9

Magambu mangweto mumanyi gwambone gwa Nngwana jwito Yesu Kilisto. Jwenio aganukube akiba na kila kilebe, ngakibeka kube nhwocho kwa magambu ginu mangweto kupala kuboke muwocho gwakwe antweleyange ilebe ndu.

1 Timoteo 1:17

Kwa jwenio jwabi Nngwana jwa machoba goa pangapela na jwangawe na jwangabonekana na jwabi Nnoongo jika jakwe, ku jwenio kube ni ichima ni kibumo machoba goa pangapela! Unhyo.

Kuekuligwa 1:6

ngatubeka twenga, tube akakung'i mukingwana chakwe, tummegelele Nnoongo, Awamundu. Ku jwombe Kilisto kube kibumo na makakala, pangapela! Unhyo.

Kuekuligwa 13:8

Bandu boa abatama padunia bapakunng'ongalela, kila mundu jwangaandikigwa mu kitabu cha bwomi cha Mwanalimbelele ojwachinjigwe kuboka kalakala.

Kuekuligwa 15:3

Bajembanga nhwambo gwa Musa, mpakachi jwa Nnoongo na gwa Mwanalimbelele, bakalenga, “Mwe Mangwana Mana Nnoongo Mina Makakala, itendwa inu nga ikolongwa na ya kuomongwa muno! Mwe Mangwana ba ilambo yoa, ndela inu ibi andi pipaligwa na ya kweli!

Kuekuligwa 19:1

Kiboka cha genia nganyoa lilobe likolongwa kuboka kumbengu andi lya bandu ajingi kulenga, “Alumbigwe Nnoongo! Ukomboi ni kibumo na makakala yoa nga yakwe Nnoongo jwito!

Kuekuligwa 4:11

“Mangwana bito na Nnoongo jwito, mpaligwa kupokela kibumo na ichima na makakala, magambu mwe mpanginie ilebe yoa, na kukupala kwinu ngipanganigwa ni ibile.”

Kuekuligwa 5:13

Kuboka penia nganyoa kila kipanganigwa kumbengu, padunia na pae ja nnema nu kubaali ni ipanganigwe yoa eibi mwenio nginijoa yakalenga, “Alumbigwe jwenio jwatamite pa kitebu chu utawala, na Mwanalembelele, ichima ni kibumo na kulumbaligwa, abe na makakala pangapela na pangapela.”

Kuekuligwa 5:6

Penia nganammona Mwanalimbelele ajemite panakati ja kitebu chutawala, yantindi ina bwomi ncheche na akinanhota bala. Mwanalimbelele jwenio abonekana anda achinjigwe. Akiba na mbembe saba na mio saba ngi iuhuke saba ya Nnoongo eikiba ikingigwe kila paali padunia.

Kuekuligwa 5:8

Kingobutu apatola kitabu chenie, inabwomi ncheche pamwe na akananhota ichilini na ncheche ngibikigwia nnongi ja Mwanalimbelele. Kila mundu akiba ni kinubi chakwe na mikungu ja jaabu ejitweli ubani, kwenio ngu kugongalela kwa bandu ba Nnoongo.

Kuekuligwa 5:9

Ngabajemba nhwambo nhyono, “Mwe mpaligwa kukitola kitabu chenie nu kujiboya minepo jakwe. Magambu mwe makiba nchinjigwe, nu kumyai jinu mankombali Nnoongo bandu kuboka makabila goa, ilonge yoa na bandu bi ilambo yoa.

Kuekuligwa 6:1

Kuboka penia nganammona Mwanalimbelele akanamatula minepo jimwe kati ja minepo saba. Nganyoa lilobe lya jumwe kati ja ina bwomi ncheche akalenga ku lilobe likolongwa andi kulindimila, “Nhwike!”

Kuekuligwa 7:12

ngabalenga, “Unhyo! Kulumba na kibumo na malango na malumbo na ichima nu uwecho na makakala ya ana Nnoongo bito, machoba goa pangapela na pangapela! Unhyo!”