Kuekuligwa 21:22 - Ngindo New Testament

²² Nijibwenije nyumba ja Nnoongo mu kilambo chenie, gambu Angwana ana Nnoongo Bina Makakala na Mwanalimbelele nga nyumba jabe.

Kuekuligwa 21:22 Iomraidhean Croise

Matayo 24:2

Yesu ngabalengela, “Tela,” Nhwotolinge kugalolakea goa gano! Nannengela kweli, “Libije ata liganga limwe elipakuigala pamba panani ja lenge, kila kilebe makibomoligwa.”

Yohana 10:30

Nenga na Awawa, tubi jumwe.”

Yohana 13:32

Na anda kibumo cha Nnoongo kiekwike nkati ja Mwana, bai mwene Nnoongo apakuekula kibumo cha Mwana nkati jakwe mwene, na matenda genia chokwe.

Yohana 4:21

Yesu ngannengela, “jwenio, nhwamini ne, kingobu kitendakuika penia abagongole Awawa bagongalela pikitombi panoje, nu Kuyelusalemuje.

Yohana 4:23

Nambu kingobu kitenda kuika, iba abagongole kwa kweli bagongalela Awawa kuhuke jwa kweli. Gambu Awawa bapala bandu abagongale yenie. Nnoongo ngu uhuke na abagongalela bapaligwa kugongalela kuhuke na kweli.

Akakolosai 1:19

Gambu Nnoongo apala unnoongo gwakwe ubonekane kupete nkati ja Kilisto.

Akakolosai 2:9

Gambu, nkati ja Kilisto ku mmele gwakwe, kulenganile Unnoongo gwoa,

Kuekuligwa 1:8

Angwana ana Nnoongo bina Makakala, ababile na abakiba na abaika, balenga, “Nenga nakutumbula nu kujomolela ku ilebe yoa.”

Kuekuligwa 11:17

bakalenga, “Tunnumba mwe Mangwana Ana Nnoongo Mina Makakala, mammile na mamakiba! Magambu nnaite makakala ginu makolongwa, nu kutumbu kutawala!

Kuekuligwa 14:4

Bandu benia bateije ngu ngongola, bandu benia babi chwapi. Benia kunkengama Mwanalimbelele kwakwoa kwajenda. Bakomboligwe kuboka kati ja bange bandu, babe bukutumbula kupangigwa ku Nnoongo na kwa Mwanalimbelele.

Kuekuligwa 15:3

Bajembanga nhwambo gwa Musa, mpakachi jwa Nnoongo na gwa Mwanalimbelele, bakalenga, “Mwe Mangwana Mana Nnoongo Mina Makakala, itendwa inu nga ikolongwa na ya kuomongwa muno! Mwe Mangwana ba ilambo yoa, ndela inu ibi andi pipaligwa na ya kweli!

Kuekuligwa 16:14

Yenje ngi ihuke itatu imichepela eitenda ikobo, ngiijenda kakangwana ba dunia joa na kakongani pamwe kwangondo kulichoba likolongwa lya Nnoongo Juna Makakala.

Kuekuligwa 16:7

Penia, nganyoa lilobe pikitembe lyakalenga, “Elo, Mwe Mangwana Mana Nnoongo Bina Makakala! Hukumu inu nga eipaligwa na ya kweli!”

Kuekuligwa 19:15

Upanga gunakatema ngupita mukana jakwe, na kupanga gwenio mabaotola bandu bilambo yao. Jwenio nga ojwapakutawala kwa bokola ja choma nukanda divai muchombo chu ukamangi zabibu ya lilaka likolongwa lya Nnoongo juna Makakala.

Kuekuligwa 4:8

Ipanganigwa yoa ncheche, kila kipanganigwa kikiba na mapapanilo sita, mapapanilo genia gakiba gatweli mio kunja na nkati. Kilo na mui ikotwikije kujemba, “Chwapi, chwapi, chwapi, Angwana, ana Nnoongo bina Makakala goa, abakiba na ababile na abapakuika!”

Kuekuligwa 5:6

Penia nganammona Mwanalimbelele ajemite panakati ja kitebu chutawala, yantindi ina bwomi ncheche na akinanhota bala. Mwanalimbelele jwenio abonekana anda achinjigwe. Akiba na mbembe saba na mio saba ngi iuhuke saba ya Nnoongo eikiba ikingigwe kila paali padunia.

Kuekuligwa 7:15

Kuyene babi nnongi ja kitebu chutawala cha Nnoongo na bammegelela kilo na mui mu nyumba jakwe ju kumbengu, jwombe jwatama panani pikitebu chutawala aitama na angweto na kalolela.

Kuekuligwa 7:17

Gambu Mwanalimbelele jwabi panakati ja kitebu chutawala aba nchungi jwabe. Jwenio mabalongalea ku chembwe cha mache ga bwomi. Na Nnoongo mabaungula manjochi mumio gabe.”