Kuekuligwa 14:14 - Ngindo New Testament

¹⁴ Penia nginilibona liunde liuu. Piliunde lyenie akiba atamite mundu jwalandine na Mwana jwa Mundu. Akiba akwindite luchengo lwa jaabu umutwe jakwe, nu mukuboko jakwe akamwi mbopo jina kutema.

Kuekuligwa 14:14 Iomraidhean Croise

Matayo 13:30

Magaleke gakole pamwe mpaka pagapakuika mauno. Kingobu chenie nailengala akauni, nkongolange oti manyai ntabe makendeka nu kupamba mwoto. Nambu ngano nkongolange makabeke mikikokwe chango.’”

Matayo 17:5

Pakiba tango akalongela, liunde liuu ngilyaekelelanga, na lilobe ngilijoanika kuboka muliunde lyenie. “Jonjo nga Manango jwanampala, ojwanhalali mwojo, mampenakiange jwenio!”

Maluko 4:29

Luponji apulukomala, mundu atumbu kupeta na mbopo, gambu mangobu ga mauno gaike.”

Luka 21:27

Penia, Mwana jwa Mundu akaika mumaunde, juna makakala na kibumo ndu.

Akaebulania 2:9

Nambu tummona Yesu jwabekigwa kukingobu tu kube nchokochoko kupeta akapakachi bu kumbengu, kwa magambu ga gwambone gwa Nnoongo kwito, Yesu ngawe magambu ga bandu boa. Magambu gu kulaga kwakwe mpaka kuwe, ngoe tummona bankwindie luchengo lu kibumo ni ichima.

Kuekuligwa 1:13

panakati ja inala saba ya jaabu yukubeke muli yela nganammona jumwe andi Mwana jwa Mundu, akwindite kanju ndandamau mpaka mumakongono gakwe nu luunga lwa jaabu olupengakine pikitibi.

Kuekuligwa 1:7

Nnola! Atendakuika na maunde! Kila mundu mammona, na ata baba abampojwile. Kabila yoa padunia mabankokalekea kwa magambu gakwe. Yene ngipipakube. Unhyo.

Kuekuligwa 10:1

Kuboka penia, nganammona jonge mpakachi juna makakala akauluka kuboka kumbengu. Jwenio akiba linhwekali liunde na upende gwa matanga panani ja mutwe gwakwe. Kumio jakwe kukiba andi lichoba na makongono gakwe gakiba andi eke ya mwoto.

Kuekuligwa 11:17

bakalenga, “Tunnumba mwe Mangwana Ana Nnoongo Mina Makakala, mammile na mamakiba! Magambu nnaite makakala ginu makolongwa, nu kutumbu kutawala!

Kuekuligwa 19:12

Mio gakwe gakiba andi nimi ya mwoto na akiba akwindite njengo ndu umutwe. Jwombe akweti liina lyene abije jwalimanyi nambu mwene tu.

Kuekuligwa 20:11

Penia, nginikibona kitebu chutawala kikolongwa kihuu na jwatamile chenie. Dunia na mbengu ngiboka nnongi ja mio gakwe, na jibonekana kabeje.

Kuekuligwa 6:2

Panakiba nakalola, nganammona falasi jumwe nhwuu. Jwanhwombile falasi jwenio akamwi upende, na jwombe ngabampe luchengo. Ngaboka aotwile na jwenio ajendeke kuotola.