फिलेपियो 3:10 - नाहाली

¹⁰ मी मसीहान ओलखु इच्छितो एने ता सामर्थ्यह अनुभव केरहू हि, ज्यासे तान पुनरुस्थान एय गीयो एता मी तान क्लेशामाय पुण सहभागी एहू इच्छितो, एने तान एकरूप मिळवू इच्छितो ज्याह तान आपणो मृत्युसे जुळा विते एता.

खेरलो वचन नोवालो नियम

¹⁰ काहाकाय मी ताह एने तान पोशो जीव उठणेन ताकेतीह, एने तान दुखान सेंगेतीह जाणु, एने तान मोतीन बाराबोरीह सापड़ावु,

फिलेपियो 3:10 Iomraidhean Croise

मत्ती 20:23

तान ताहाच कियील, “मारो प्याला तुमूह प्याल खेरो, पुण मारो जेवडी उगे एने मारो डाखरीउगी बोहणेन अधिकार आपणे माहुफाय नाहं, जर ज्यानकेरता मारो आबाक फाय हा सिद्ध किरील तान केरता तो हि.”

यूहन्ना 10:18

पुण मी स्वताह मारो ईच्छा आपतेन हि तो माहु आपणेन अधिकार हि हा आज्ञा माहु मारो परम आबोक फायरीन जुडना हि.

यूहन्ना 17:3

अनंत जीवन हे हि कि ते तारो एक मात्र खेरो बोगवान एने यीशु मसीहान, ज्याह तू मोकलील हि, ओलेख.

रोमीयो 8:17

एने जर सोरा हेते तर वारिस पुण हेते पुण बोगवानान वारिस एने मसीहा हेरी वारिस हि कि ऐवी आमु तान हेरी दुख पालोह, तर तान हेरी वैभव पुण बोगणे.

रोमीयो 8:29

काहाकाय तान केरता ताह पेल्ला होमजाडीन लीईल हि, ताह पेलूच ठेरिनीन लीईल हि कि तान सोरान प्रतिमेप्रमाणे बोनाडाणे म्हणजे तो बायहो जादा मोठलो तान जेष्ठ इही एने जुवी.

रोमीयो 8:36

या लिखील हि, “तार केरता आमु दिह दिह मारणे एता हि; आमूह मारणे केरणारा मेंढरांनहोस गेनील गीया हेते”

2 कुरिंथीयो 1:10

ताणुच आमूह मोरणेन ओहला मोठला संकटामाय वोचाडील, एने वोचाळू; एने तापोर पुण आमरी आशा हि कि तो ओगाण पुण वाचाडील रेंय.

2 कुरिंथीयो 1:5

काहाकाय जोहलो मसीहान दुखा माय आपु जादा भागीदार एतो, तोहोलोच आपु खेतामाय पुण मसीहाद्वारे मोक्तास भागीदार एतो.

2 कुरिंथीयो 13:4

तो तुमरे वजेसे क्रुस पोर चेढांविल गीयो, तेभी पुण बोगवानान सामर्थ्यान जीवतालू हि. आमु पुण तामाय अशक्त हि पुण बोगवानान सामर्थ्यान तुमरो केरता हि, जेहीकाय जीवतालू रेहू.

गलातीयो 2:20

मी मसीहा हेरी क्रुसांपोर सोडवियू गीयो एतो, ऐवी मी जीवतालू रेणू नाहं, पुण मसीह कुणबी जीवतालो रेंय; एने मी शरीराम जीवतालू हि तर कारण ता विश्वासाआ मुळे जो बोगवानान सोरान प्रेम केरील, एने मारो केरता जीवाह आपील आपुह.

गलातीयो 6:17

ओगांण तारीन कूण माणुह दुख नाहं, आपण्यू, काहाकाय मी यीशुन खुनाला आपणो शरीराम लेईन फिरणे.

इफिसीयो 4:13

जो ताहवोर कि आमु आखान आखा विश्वास एने बोगवानान सोरान ओलखात माय एक एय जाहू, एने एक सिद्ध माणुह बोणावीन जाणे एने यीशु मसीहा माय पूर्णता प्राप्त एय.

फिलेपियो 3:8

ज्यान पेक्षा मटली वात हि कि मी आपणो प्रभु यीशु मसीहान ज्ञानान श्रेष्ठतेणे आजवोर आखा काही हानी होमजथी. तान केरताच मी आखा काही मी सोडीन आपील हि, एने आखा काही सामान घीन केरीन हि, तान केरता कि मी मसीहान मिळवू.

कुलुसी 1:24

ऐवी देखू मी तुमरीकेरता जे मेहनत केरतीन हि, तामाय आनदान अनुभव केरतीन हि, एने मसीहान देह म्हणजेच कलीसियान केरता, मसीहान क्लेशाने जे काही थोडो रेणा एता, ताह आपणो शरीराकेरिन पुरो केरीन हि.

कुलुसी 2:13

आपणो पापांनी एने खतना रीथीह शरीराकेरिन तुमूह मुरील एता पुण, तुमूह बोगवानान मसिहहेरया जीवन प्रदान किरील तोहोलोच आमरा आखा पापापुररीन मुक्त रुपान क्षमा किरील,

कुलुसी 3:1

काहाकाय जर तुमु मसीहाहे-या मोरणामायरीन जीवताला किरील हि, तर ता स्वर्गीय वस्तु पुर रीवू, जो स्वर्गाम हेते जाहारी बोगवानान जेवडीउगी बाजूमाय मसीह विराजमान हि.

1 पतरस 1:3

आपणा प्रभु यीशु मसीहान बोगवानान एने पितान धन्यवाद एय, तान केरता मसीहान मोरील मायरीन जीवतालू उठिल द्वारे, आपणो महा दयानुसार आपुहू जीवतालो आशा नकेरिन नोवालो जेल्मो आपील,

2 पतरस 1:13

मी हे आपणो केरता उचित होमजथी कि जेवीवोर मी आवो मंडपांमाय हि, ताहउर तुमूह इआवीह आपिन उबरीयेल मुक्या.

1 योहान 2:3

जर आमु आज्ञाना माणने, तर ज्यान आमु ओलखिन लेहु कि आमु ज्याह ओलखिन लीईल हि.

1 योहान 2:5

पुण जो कूण तान वचनान होस चालती, तामाय खेरी खेरीच बोगवानान प्रेम सिद्ध एय गीयो हि. यान आमु ओळखणे कि आमु तामाय हि:

प्रकाशितवाक्य 1:18

एने जीवतालू भी मी हि, मी मोर जाईल इतू, एने ऐवी देख मी पिडीन पिडी जीवतालू हि; एने मृत्यू एने अधोलोकान किल्यु माहुफाय हेत्यू.