2 तीमुथीयुस 1:7 - नाहाली

⁷ कारण बोगवानान आमूह बिणारा नाहं पुण सामर्थ्या एने प्रेम एने सयमांची आत्मा आपील हि.

खेरलो वचन नोवालो नियम

⁷ काहाकाय बोगवान आमुह बिय ने नाह पुण ताकेत ने, मोंग ने एने दिरान जीव आपेल हे।

2 तीमुथीयुस 1:7 Iomraidhean Croise

लुका 10:19

देखू, मी तीह गेयळेक एने विचू न्या तुडविण्याचा, एने शत्रुची आखा सामर्थ्यापोर अधिकार आपील हि; एने कायताहा वस्तु हे-यो तुमूह काही त्रास एय नाहं.

लुका 15:17

ओवतो ताह ताहेर्यो तो शुद्धीपूर आवा तेवी बोल्णु, मारो आबाक फाय इही कोलाक मोज-या हि ताहेऱ्यो खाइन पुण उगरी एने मी न्या उपाशी मोरतालू हि.

लुका 24:49

एने आखा मारो परम आबुक मारहे-यो जी प्रतिज्ञा केरील हि ताह मी तुमरीकेरता मोकलुह पुण तुमूह ज्या नगरामाय ता टायमाउर थोब रेवू जाहुख वोर तुमूह स्वर्गान सामर्थ्य जुडीत नाह.

लुका 8:35

एने तावाला माणहे जो एनो तो देखणेन केरीन निकेलना, एने यीशुन आहने आवीन जा माणहा मायरीन दुष्ट आत्मा निकलील एती, ता माणहाह यीशुन पाया हेर्यो फाडका पेरीन बोहील एतो, एने हाजालोच शुद्धीपूर आयील देखानो एने ज्यो देखीन आखा बिय गीया;

यूहन्ना 14:27

मी तुमूह शान्ति आपिन जाथू आपणी शान्ति तुमूह आपथु; जोहलो जगाम आपणु, मी तुमूह नाहं आपतेन: तुमरो मोन व्याकुल एतो एने बिऊ मा.”

प्रेरितान काम 1:8

पुण ताहेरया पवित्र आत्मा तुमरे पोर आवूह तेवी तुमूह सामर्थ्य जुळी; एने यरूशलेम एने आखा यहूदिया अने शमरोन माय एने पृथ्वीन तोकापूरिनूर मारा गवाही एय.”

प्रेरितान काम 10:38

बोगवानान कायताहा रीतीमाय यीशु नासरीन पवित्र आत्मा एने सामर्थ्यान अभिषेक केरील तो सत्कर्मे करने एने आखाच शैतानाने जे त्रास आपील एता, हाजो केरतीन फिरील, काहाकाय बोगवान तान हेरी एतो.

प्रेरितान काम 20:24

पुण मी आपणो जीवाह काही नाहं होमजाडणे कि ताह प्रिय माणहु नाहं तर हे कि मी आपणो धोवडणेन एने ता सेवेला पुरो केरूह जी मी बोगवानान कृपान सुवार्तापूर गवाही आपणे केरता प्रभु यीशु उखीर मिलावणे.

प्रेरितान काम 21:13

पुण पौलुसुसाने उत्तर आपील, तुमूह काय केरणू कि रेडीन रेडीन मारा मोन दुखाडतेहे? मी तर प्रभु यीशुन नावाकेरता यरूशलेमेन नाय तर बांधणेकेरता म्हणजे मोरने केरता पुण कि तियार हि.

प्रेरितान काम 26:11

प्रत्येक आराधनालय माय मी ताह तालताल शासन केरीन यीशुन निंदा केरीन लेतेन एतो तान शिवाय किसवायल ओहलो टाइम लीन गीयो कि बाहेर नगरात पुण जाइन तान त्रास आपतेन एतो.

प्रेरितान काम 26:25

पुण पौलुस कियील, हे महाराज फेस्ता, मी विढू नाहं पुण खेरो ते एने ओंगाल्यो वातू किथी हि.

प्रेरितान काम 6:8

स्तीफणुस एक ओहलो माणुह एतो, जो कृपा एने सामर्थ्य ज्यान परिपूर्ण एतो तो माणहान ओगाण मोठलो-मोठलो आश्चर्य कामे एने अदभूत चिन्हे प्रकट केरतीन एतो.

प्रेरितान काम 9:22

पुण शाऊल जास्तीच जास्ती शक्तीशाली एते रेणू, एने जी वातीन प्रमाण आपी-आपिन का यीशु ज्योस मसीह हि, एने दमिष्कामाय रेणारे यहूदीन मूय बोंद केर्ते रेतालू

रोमीयो 5:5

एने आशा लजीत एता नाहं, काहाकाय पवित्र आत्मा जी आमूह आपील गीयो हि तान द्धारे बोगवानान प्रेम आमरा मोना माय टाकील गीयहो.

रोमीयो 8:15

काहाकाय तुमूह दास पणाच्या आत्मा नाहं जुडना कि पोशा बिणेन बाळगावी, पुण दत्तक पणाचा आत्मा जुडना हि ज्यासे आमु आबा, आबुक केरीन आयेड देती.

1 कुरिंथीयो 2:4

एने मारा वचन, एने मारो पोरचारा माय ज्ञानाह विहिरावणारी वात नाहं, पुण आत्मा एने सामर्थ्यान प्रेमान एता,

गलातीयो 5:22

पुण आत्मा चे फोल प्रेम, आनंद, शान्ति, धीर, कृपा, हाजोपण, विश्वास,

कुलुसी 1:8

आत्मा द्वारे उत्तेजित तुमरो प्रेमामाय पुण तान आमूह कियील हि.

इब्रानियो 2:15

एने जोलाक मोरणेन भयामुळे आयुष्यमाय गुलामामाय गुंतले एता, ताह सोडवणू.

1 पतरस 1:22

शेवेट: ताहेरया कि तुमूह बाहाक प्रेम केरता निर्दभ प्रेमाकेरता खाणेन निष्कपट सत्य आपणो मोनाह पवित्र किरील हि, तर तन-मन लागाडील एक दिहरापुर प्रेम केरू.

1 योहान 4:18

प्रेमामाय बिय नाहं रेथे, नापून सिद्ध प्रेम भयाला सेटो केरीन आपतेन हि; कारण कि भयान संबंध डेगारी एता, एने जो बिय करने तो प्रेमामाय सिद्ध नाहं एनो.