Vuivuni 5:1 - Na Rongorongo Uto nina Jesus Christ

¹ Aeni na vavatana mana vinavahuhuna Adam. Tana bona God te gonia na tinoni, gaia te goni taonira tana marena.

Vuivuni 5:1 Iomraidhean Croise

Vuivuni 10:1

Aeni na vaivaridira Shem, Ham, ma Japheth, ra tolu dalena Noah. Gaira tara vahura subo ni gari murina na lualua.

Vuivuni 2:4

Aeni te ghaghua iga na goniana na kokou mana pari. Mi tana bona God, tara holoa nia Yahweh, te gonia na kokou mana pari,

Vuivuni 6:9

Aeni na vuivuni ni tutuguna Noah ma nina binaboli. Noah na tinoni maemane mete uto ngangata. Taho siki sakai te vola tana bongina ke bosaa siki huruhuru vania, na pukuna Noah te taonia God, me sakai sonikolu itatana.

Matthew 1:1

Raini na lei tinoni tana vavatana Jesus Christ na vaivarina na Vunaghi haba David gaia na kemana Abraham.

1 Corinthians 11:7

Mana mane ke bei poroa na uluna tana bona ni holohaba, na pukuna agaia na marena God, ma God te gonia na mane ge ke talumavaa. Hauva mana vaivine ke talumavaa na mane.

2 Corinthians 3:18

Mi ghita na vure subo ta taluutuni, God te hola kehaa itatada oli na midi ni tivi keri, mi taeni ighita ta vagha na tiro te vitilaghi olia na rongoraghana Lord. Mi tana bona na Tarunga Tabu te lutu kolughita ke, ge ke tughughita mana pile mana pile ma ka vagha gaia, ma ka vitilaghi olia na rongoraghana te sule au va.

Ephesus 4:24

God te heghau na nilabu vaolu te vagha nina nilabu te maemane. Keri ge kau taotaoni tana vola vaolu eni te tabu.

Colosse 3:10

Ighau tau lavia tua itaeni na vola te vaolu. Ma God te gonighau vaghaa na tinoni vaolu tua me goni subo ghau te vaghaa na marena heghena, ge kau ghilalaa utunia gaia.

Rana Hebrew 1:3

Na Dale te tatea na rongoraghana God, ma gaia te puku ni vaghana God sughua. Gaia te pitikolui na lei totobo udolu nia na bosana te maana ngangata. Mi murina te mate tua ge vamarabughita tana lei paluda, me sopou tana lei malei haba tana lima madolona God puku ni maana.

Rana Hebrew 12:9

Mana pukuna ta ghanaghana mavara tamada iani maramana tara toroghita ke, mi ghita ka nia togotogo sule vaa na laviana na totoro ta Tamada i kokou ge ka lavia na vola kasila.