Vuivuni 48:1 - Na Rongorongo Uto nina Jesus Christ

¹ Mi ta sakai na dani te mua daro ni bona i murina vaso aeni, na rongorongo te saravia Joseph, te toro ngangataa tua na vahaghi a tamana, Jacob. Ma Joseph te lavira rana dalena, a Manasseh ma Ephraim, ge ara tona ni va kaoana Jacob.

Vuivuni 48:1 Iomraidhean Croise

Vuivuni 46:20

Rana dalena Joseph te vahura tana butonikomu Egypt ke, a Manasseh maia Ephraim. A tinadira ke, a Asenath na dalena na vaivine Potiphera, na mane sukaghi ni Heliopolis.

Vuivuni 48:2

Tana bona Jacob te rongovia a Joseph te sara tua tana valena, agaia te lavia a lagana ge sopou dato tana ghimena ge ke lavipangotia.

Vuivuni 48:5

Itaeni inau tu lavira mu ku kutira rana dalemu mane raeni vaghara rana puku ni dalegu heghegu, rogaira a Ephraim maia a Manasseh, toro sivuragha tua iani tana butonikomu i Egypt inaghona ge u sara haghe mai inau. Rogaira koro lologho tughu itagua, koro vaghara ghua a Reuben ma Simeon.

Vuivuni 50:23

Agaia te vola sodo/saravighi me righira sono ara toluni na vavata ni kulagha tara sivuragha tana dalena a Ephraim. Ma gaia te vola me lavira rana dalena Machir, na dalena Manasseh, ilokana nina binaboli. A Joseph te lavipangotira me pabera rana lei vavata ni kulagha raini vaghara rana lei dalena heghena.

Buka Linge 128:6

Mo ko righira mo ko nira togotogo na lei kukuamu, ma gaia Israel ke todore tana mabo.

John 11:3

Rogaira tamahoghoni toro nia vetena na rongorongo vania Jesus moro ghaghua, “Lord, a kulamu to dolovia te vahaghi.”

Rana Hebrew 11:21

Na pukuna Jacob te taluutunia God, tana bona te tonikama tua me dutu na mate ge tabea nina totoghona, ge sopa vautora erua na dalena Joseph, ge kokoeliulivuti me holohabaa God.

Joshua 14:4

Tana kemana Joseph te uputu ga erua na kema keakeha, a Manasseh ma Ephraim. Ma gaira na Levite tara mu tuvalira nia tua ski pari, na komu vamua tara ghanara iga maia na lei maumanu.