Vuivuni 4:16 - Na Rongorongo Uto nina Jesus Christ

¹⁶ Vaho ge tona keha Cain tana matana Yahweh. Me vaa kabu tana butonikomu Nod ilevu uluna Eden.

Vuivuni 4:16 Iomraidhean Croise

Vuivuni 3:8

Te dutu tua na nulavi, rogaira toro rongovia Yahweh God te sakusakutua tana leghai. Ma rogaira toro polo i ghobuni na lei ghai.

Vuivuni 4:14

Itaeni, ighoe to tivakehau tana bonagu, maia tana matamu. To neu mu ghogho kolili tana maramana, ma siki sakai ke righi sodou ke labumateu.”

Vuivuni 4:17

Balu bongi te murina, Cain te maturu kolua tauna. Ma tauna te logho gari, me vahua na garimane, mara vatua nia na ahana Enoch. Tana bona Cain te kisua na komu sule, me holoa nia Enoch na mavuna na dalena.

Buka Linge 5:11

Ko lubatira agaira tara ungaunga itamua kara lavia na togotogo; lubatira ge kara linge rivurivu nia na holohaba ke va me vaa. Ko pilu pungisira, ge agaira tara datovia na ahamu, ko vonughira nia na togotogo.

Buka Linge 68:2

Ko riu kehara vagha na ahu te ghurihi kolilia na ghuri. ko nira ge kara obo vaghara na soi ni midua tana lake. Lubatira rana tangohahi kara taghara tana matana God.

Buka Rughuhoru 20:18

Tana bona na vure tara rongovia na tagumuna na viviha ragiragi, maia na [talama ni uvete]/[tangina na tavuli], maia tara righia na viti mana ahu te saroa kouna na ghotu, na vure tara mataghu mara tatata mara mua tughuru dutuvia na ghotu.

Jonah 1:3

Hauvaa, Jonah, te mua taonia na hava te bosaa vania na Maghutu God. A gaia te tona vaa i Joppa, ge vaa sodoa iga na vaka te dutu ni tona va Spain. Bona te nia hevei na tabana (pasisina) me tona kolura lei vure tara lutu tana vaka ge kara tona vaa tua i Spain (Spain). Ge ke tona sania na Maghutu God.

Matthew 18:20

Mi tana bona erua pe tolu kara nia vaukolu na kokoeliulivuti tana ahagu ke, mi nau ighobudira.’”

Luke 13:26

Mi ghau kau bosa, ‘Ighai tai vanga mai inu kolugho, mo taraighai tana komumami!’

John 1:10

Mana Bosa te mai tana maramana, ma sakai vamua God te gonia nia na maramana, hauva mana vure ni maramana te mua ghilalaa.

John 1:3

Ma God te gonighi nia a Bosa na lei totobo soko, me taho tua siki totobo tana maramana eni ke mua gonia nia.

1 Thessalonica 1:9

na pukuna na lei vure kiri tara tutugughai, ivei tau nea na lavipangotiamami mana talugoniamami tana bona tai gatu kaoghau, maia ghua tau nighi murilio mau sanighi na lei titinoni tau taluutunighi, mau taluutunia mau lutu vania God te utuni maia te vola.