Vuivuni 24:1 - Na Rongorongo Uto nina Jesus Christ

¹ Abraham te tonikama tua, ma Yahweh te vautoa so tana lei totobo te gonighi.

Vuivuni 24:1 Iomraidhean Croise

Vuivuni 12:2

Inau ku nera ge kara sepa na lei vaivarimu, ge kara liliu ni kema sule. Inau ku vautogho mu ku nea na ahamu ge ke rongoragha, keri ge ku vautora subo na vure itamua na pukuna ighoe.

Vuivuni 13:2

Abram a sakai na mane lologho, te loghoi subo na lei sheep mana goat mana buluka, kolui na silver mana gold ghua.

Vuivuni 18:11

Abraham ma Sarah toro tonikama tua, ma Sarah te mua tangomana ge ke logho gari.

Vuivuni 21:5

Me sakai na hangalatu tua na niuluna Abraham tana bona tara vahua a Isaac.

Vuivuni 24:35

Yahweh te vautoa na vunaghigu, me nea ge mane logho rongo. Me hea ghua na ovu ni sheep, goat, mana buluka, maia ghua te subo na rongo ni silver mana gold, maia ghua na lei seka, na mane mana vaivine, camel mana donkey.

Vuivuni 25:20

Mi tana bona Isaac te vati hangavulu na niuluna me tauna Rebekah, na vaivine eni a dalena Bethuel, na mane ni Aram, tana komu Padan-aram, na vaivinena Laban.

Vuivuni 26:12

Mi tana niulu keri Isaac te umania na leghai tana pari me subasubaa iga, mana vuavua te subai tara vangagha subo ngangata na pukuna Yahweh te vautoi.

Vuivuni 49:25

Nigua a God ke hangagho. Lubatia God puku ni maana te vautogho nighi rana lei vauto ni kokou, maighi rana lei vauto ni maramana iani pari, maighi rana lei vauto ni sepalaghi na lei vaivarimu, maighi nimua na lei maumanu.

Matthew 6:33

Kau diki kenea mughua na kinakabuna God ma kau kabu maemane, ge ke savungighi vanighau na lei totobo raini.

Luke 1:7

Hauvaa, gaira toro mua logho gari, na pukuna Elizabeth te maemane, ma gaira udolu toro tonikama ngangata tua.

Galatia 3:9

Mete ghaghua iga, gaira soko tara talua didira na taluutuni itatana Christ tara tunuva koukolu ta nina vauto God, ge Abraham te lavia na pukuna nia nina taluutuni.

Ephesus 1:3

Ighita ta holoutoa God. Gaia nina God dida na Lord Jesus Christ maia Tamana ghua. God te vautoghita nia na lei vauto udolu ni Tarunga Tabu ni kokou, na pukuna ighita nina Christ.

1 Timothy 4:8

Na lei naunau mana gehegehe ni huli toro loghoa balu na uto iga, na pukuna koro nea na hulida ge ke laga. Hauva na kabu tabu mana naunauada na Tarunga Tabu te uto vaa tana lei halautu ni volada udolu, na pukuna toro hangaghita nia tana vola itaeni maia na vola imurina na mate.