Vuivuni 15:1 - Na Rongorongo Uto nina Jesus Christ

¹ Murina eni, Yahweh te bosa vania Abram tana maturubole, mi lokana na mabubu eni te rongovia Yahweh te bosa me ghaghua, “Abram, ko bei mataghu. Inau so ku pilipilugho te vagha na tako, ge ke mua kalegho siki totobo dika. Inau ku hegho sakai na taba sule vahotua.”

Vuivuni 15:1 Iomraidhean Croise

Vuivuni 15:2

Ma Abram te bosatughu me ghaghua, “Maghutu Yahweh, nimua na taba ke mua hangau na pukuna tu mua logho dalegu. A nigua na ghairau, A Eliezer eni, na tinoni ni Damascus vamua, gaia ke lavighi nigua na lologho.

Vuivuni 15:4

Keri ge Yahweh te bosa vania me ghaghua, “Nimua na ghairau Eliezer eni ke mua salapu i tatana siki nimua na lei lologho. A dalemu na mane heghemu mughua ke loghoi nimua na lei lologho.”

Vuivuni 21:17

God te rongovia na garimane te tangi, ma nina angel God te bosa mai i kokou vania Hagar, me ghaghua, “?Na hava to nia dikalio? Ko bei mataghu. God te rongovia tua nina tangi na garimane to va talua igaa.

Vuivuni 22:1

Mi murina keri, God te tabotaboa Abraham ta nina taluutuni mana taotaoni ge holoa, “Abraham!” Me bosa tughu gaia, “Inau iani!”

Vuivuni 22:20

Me mua hau murina keri, Abraham te rongovia a Milcah, tauna Nahor, a hoghona Abraham, te vahura e alu na garimane.

Vuivuni 26:24

Mi tana bongi keri Yahweh te tate vania ge bosa, “Inau, a nina God tamamu Abraham. Ko bei mataghu, inau itamua so. Inau ku vautogho mu ku negho ge ke sepa na vaivarimu taonia nigua na baubahu vania nigua na mane lutu a Abraham.”

Vuivuni 31:7

hauva ka, me pegou me hughua haia nina baubahu ni peluagu. Ma God te mua talana ge ke gonia vaniu siki dika.

Buka Linge 115:10

Nina mane ni sukaghi Aaron, kau varava ngasi itatana Lord, agaia nimui na tako ni pilupilu.

Buka Linge 119:114

Ighoe a nigua na vatei puipungisi mana tako ni rerebe, tana bosamu vamua ku varava ngasi.

Buka Linge 142:5

Mi nau tu kokoeliulivuti vania Lord, mu bosa vania, “ighoe na puipungisi, ighoe vamua tu puku ni liomu tana volagu.

Buka Linge 18:2

A Lord, nigua na vatu ngasi, nigua na bona ni polo, ma nigua na vavola; nigua na God a nigua na vatu, itatana tu topoa na pilupilu. Gaia nigua na tako, te pilupiluu me righitaoniu.

Buka Linge 27:1

A Lord nigua na marara mana vola kasila ma ge ahei ku mataghunia? A Lord ke pilupungisiu tana lei totobo maemategha.

Buka Linge 3:3

Mi ghoe ghe Lord, a nigua na tako te pilupilu, ma nigua na lada itatana gaia te ghaedatoa na ulugu tana oka.

Buka Linge 3:4

Inau tu tangi vania Lord, ma gaia te bosa tughu vaniu mai ta nina ghotu te tabu.

Buka Linge 5:12

Na pukuna ighoe to vautora na uto ge Lord, mo pilupilura nia a nimua na tako ni dolo.

Buka Linge 58:11

Mi tana sosokona na lei tinoni udolu kara bosa ma kara ghaghua. E Utuni sughua, na taba te gonidila vanira rahei tara vola vania God. E Utuni ngangata sughua na God ke detei maemane uto iani maramana te ghanaa sughua.

Buka Linge 84:11

A Lord God dida marara, ma na pilupilu: te heghita na sonihalavu mana rongoragha. E taho siki totobo uto ke poloa a Lord, vanira ra hei tara gonia na hava te uto.

Buka Linge 84:9

God, ko vautoa mai na vunaghimami eni: na vunaghi haba to vilia vanighai tua.

Buka Linge 91:4

Gaia ke kuvigho nia na ghatana mi ghoe ko vola sarana nina righitaoni! Na volana te utuni ke podopodogho me pilupungisigho.

Buka Rughuhoru 14:13

Ma Moses te bosa tughu vanira, “Kau bei mataghu gea! Kau tughuru ngasi [ta nimiu na taluutuni], ge kau righia nina maana Yahweh ke nea vanighau taeni, geke vavolaghau! Na vure ni Egypt tau righira, kau mua ghoi righira ghua.

Matthew 28:5

Mana angel te bosa vanira rana vaivine, “Koro bei mataghu gea. U ghilala so toro kenea Jesus, gaia tara patokia tana ghaivavala.

Matthew 8:26

Jesus te huatira, “?Ivei tea ge au mataghu? E pile ngangata nimiu na taluutuni!” Ge tapatughuru me pasara na ghuri mana beti ge ro beto, me tada na beata.

Luke 1:13

Mana angel te bosa vania, “Zechariah, ko bei mataghu! God te rongovighi tua nimua na lei kokoeliulivuti, ma gaia Elizabeth na taumu ke bohe, me ke vahua vanigho na dalemu na mane. Mi ghoe ko vatua nia John.

Luke 1:30

Mana angel te ghoi bosa vania so me ghaghua, “Mary, ko bei mataghu! God te vautogho va sughua.

Luke 12:32

“Sakai vamua ighau tau vaghara na lei dale sheep, kau bei mataghu gea, na pukuna a Tamamiu i kokou te nia togotogo ke heghau na kinakabu.

Gehegehedira 10:22

Ra ghaghua, “Cornelius na malaghai nagho tana hangalatu itadira na ovu ni malaghai te vetena ghai mai. Gaia na tinoni uto, me nia kikinima ghua God, mana vure Jew udolu tara talu sulea ghua. Mana angel nina God te bosa vania, ge ke nongigho ighoe ge ko sarava tana valena, ge ke rongovi pukua itamua na hava sughua ko bosa vania.”

1 Corinthians 3:22

God te vaheghau tolughai na manetarai, Apollos, ma Peter, mi nau, a Paul ge kai hangaghau. Na lei totobo ilokana na maramana eni, na vola mana mate, mana lei totobo tara kabu itaeni, mana lei totobo kara mai ikise, God te vaheghau na lei totobo raeni.

Rana Hebrew 1:1

E subo na bona te padi maia tana lei vata ni nilabu, God te kokoe vanira na lei kukuada mai tana mangadira na lei prophet.

Na Livu 1:17

Mi tana bona inau tu righia, mu tumu horu tana marevona mu bughoro te vaghau tu mate. Ma gaia te haua na lima madolona vuvungagu me bosa, “Ko bei mataghu! Inau na vuivuni maia na sosoko.