Vuivuni 1:1 - Na Rongorongo Uto nina Jesus Christ

¹ Tana vuivuni mai dania God te gonia na kokou mana pari.

Vuivuni 1:1 Iomraidhean Croise

Buka Linge 102:25

Lord, Ighoe to kabu kasila, me hau mai tua to puputua na pari, mana limamu to lutui nia na lei hegohego ni kokou.

Buka Linge 104:24

Lord, ighoe to gonighi subo na totobo, mo goni manahai udolu tua, mana maramana te vonughia nimua na lei maumanu.

Buka Linge 104:30

Mi tana bona to hera na aheahe ge ra livu mai, ighoe to hea na vola vaolu na maramana.

Buka Linge 115:15

Gaia Lord ke vautoghau, te gonia na parako mana pari.

Buka Linge 121:2

Nigua na hahanga te va butu mai tatana Lord, te gonia na parako mana pari.

Buka Linge 124:8

Dida na hahanga te va mai itatana Lord, te gonia na parako mana pari.

Buka Linge 134:3

Gaia Lord te gonia na kokou mana pari, kara vahegho ighoe na vauto ni Jerusalem.

Buka Linge 136:5

Holoutoa gaia, nia nina manaha te gonia ni na kokou, nina dolo kikinima te kabu kasila.

Buka Linge 146:6

Gaia te gonighi na kokou mana pari mana tahi, mana oka mana lei totobo soko ilokani, me pangotighi na lei nina baubahu ke va me va.

Buka Linge 33:6

Ma Lord te bosa lee vamua, me puputu dato mai kokou, me aheahea na bosa me sivuragha mai na veitughu.

Buka Linge 33:9

E puputu na maramana tana bona kokoe E puputua nia nina arevaghi.

Buka Linge 8:3

Mi tana bona inau tu reitada tana parako te bongi, ge ku righia na lutu ni gigirimu-tana vula mana lei veitughu tana sopa malani to talui ga.

Buka Linge 8:4

Na hava vaho tua na mete vaghana to ghanaghana dilaa vanighai tai huli vinahi te manana ge ko righitaonighai?

Buka Linge 90:2

I naghona to gonighi na lei ghotu, po gonia na pari mana maramana ighoe to God haia tua.

Buka Linge 96:5

Didira god na balu kema na titinoni vamua, mana Lord te gonighi na lei totobo tana parako.

Buka Rughuhoru 20:11

E ono na bongi, inau, Yahweh, te gonia na kokou mana maramana, na tahi, mana lei totobo soko ilokani/ilokadira, mu aheahe e vituni na bongi. Mana pukuna keri inau, Yahweh, tu va tabua e vituni na bongi, me talu tabalilia heghegu ge ke tabu.

Buka Rughuhoru 31:18

Mi tana bona Yahweh te kokoe soko kolua Moses tana vuvungana na ghotu Sinai, God te vahea erua na midi ni vatu te gerei ga na vetena te gerei nia na gigirina heghena.

Zechariah 12:1

Aeni na rongorongo vania i Israel te bosa Lord, a Lord eni te vilivoka na oka, me gonia na maramana, me hea na vola na tinoni te goi bosaa eni.

Matthew 11:25

Mi tana bona vaghana keri, Jesus te kokoeliulivuti, “Tamagu, to vunaghi pungisighi na kokou mana maramana, inau tu holoutogho to tatei vanira na vure tara mua manaha te vaghara na gari, na hava to poloi vanira tara manaha.

Mark 13:19

Na pukuna na lei totobo te vahaghitaili kara kale tana lei bongi rakiri, vulei vaa na hava tara kale mai tua tana maramana, vuivuni tana bona God te gonia mai tua me riti taeni. Mi murina keri ke mua ghoi kale ghua siki totobo tara vaghai rakiri.

Gehegehedira 14:15

“?Aghau, na pukuna na hava tau nea te vaghaa eni? Iroghai ghua na tinoni te vaghaghau so ighau! Mai taraighau nia na Rongorongo Uto, ge kau ririu pulohi sanighi na lei tovongo titinoni god ini va righia God te vola, te gonia na kokou, mana pari, na horara mana lei hegohego soko ilokana.

Gehegehedira 17:24

Keri gaia na God te gonia na maramana mana lei totobo soko ilokana, gaia te vunaghi pungisighi na parako mana pari me mua ghaha tana lei vale tabu na malei lima ni tinoni.

Gehegehedira 4:24

Tana bona rana taluutuni tara rongovia, gaira tara mai sakai sonikolu ni kokoeliulivuti vania God, mara ghaghua, “Lord, to gonighi na kokou mana pari mana tahi mana lei totobo soko ilokani.

Rome 11:36

God te gonighi na lei totobo soko mana lei hegohego soko te butu mai tua itatana, mara tughuru ngasi ta nina maana. Mana na lei totobo kiri te ghahai, keri ge ka holohaba nia God. Ta God na rongoragha mana lada ke vaa me vaa. Amen.

1 Corinthians 8:6

Hauva, ighita ta ghilala ma taluutunia tua te sakai vamua na God, na Tamada te gonighi na lei totobo soko. Mi ghita ta vola ge ka talumavaa gaia. Ma sakai na Lord vamua, Jesus Christ, ma gaia te hangaa God ge gonighi na lei totobo soko. Ma dida na vola vaolu te mai tatana.

Ephesus 3:9

E viliu ghua ge ku tughuni madalaa vanira na vure soko na padalaghi nina God, te gonighi na lei totobo soko, te kabu polo sono mua itatana tana vuivunina mai.

Rana Hebrew 1:10

Ma God te bosa vania na Dalena ghua, “Lord, tana vuivunina mai to gonia na maramana, mi ghoe ghua to gonighi na parako mana lei totobo ilokana.

Rana Hebrew 1:2

Mi tana lei bongi sosoko raeni, God te bosa vanighita tua mai tana mangana Dalena. Mi tatana Dalena vamua te gonia na maramana talighu mana lei totobo soko ilokana, me bahua na Dalena ge God ke nighi hevei vania na lei totobo udolu.

Rana Hebrew 11:3

Na pukuna ighita ta loghoa na taluutuni, ta ghilalaa na maramana te puputu mai nia na bosa tana mangana God, keri ge na hava ta righia i taeni tara vaa butu mai tana hava ta mua righia.

2 Peter 3:5

Arahei tara bosa te vagha, te liodira ge kara nia ponolio idania mai tua gaia God te gonia na maramana mana parako nia na bosa ni mangana vamua. Gaia te vilivoka na pari mana beti, me lavidatoa mai na pari itatana na beti.

1 John 1:1

Inau tu gerea vanighau nia na Bosa ni vola. Agaia te ghaha mai tua tana vuivuni, agaia tai rongovia mai vaevanea tua. Ighai tai righia nia na puku ni matamami, ma tabea nia na puku ni limamami.

Na Livu 10:6

Ma gaia te nia baubahu me papari tana ahana God, te vola ke va me vaa, ma gaia te gonia na kokou, na pari, na tahi mana lei totobo soko ilokani. Na angel te loghoa na maana sule te bosa, “God ke mua pitu daro ni bona.”

Na Livu 14:7

Ma gaia te ghaeghahe me ghaghua, “Kau nia kikinima God ma kau vahea na rongoragha, na pukuna na bona ni bongi te sara mai tua ge ke sopou me ke detera na lei tinoni soko. Holohabaa na pukuna gaia te gonia na kokou mana pari, na tahi mana lei vuravura ni beti.”

Na Livu 21:6

Ma gaia te bosa me ghaghua, “E soko tua. Inau na Alpha maia na Omega - na vuivuni mana sosoko. Arahei tara haga inu ke, inau ku vahera na vuravura ni beti ni vola, ma kara mua pelua.

Na Livu 22:13

Inau na Alpha maia na Omega, na vuivuni mana sosoko.”

Na Livu 3:14

“Ko gerea na rongorongo eni vania na angel te righitaonia na holohoru Laodicea. ‘Eni na rongorongo te vaa pukulaghi mai tatana gaia tara holoa nia 'Amen', na pukuna inau tu bosatatea haia na bosana God mana hava tu bosai te utuni. Mi tagua vamua God te gonighi na lei totobo soko.

Na Livu 4:11

“Lord nimami na God, ighoe to gonighi na lei totobo soko, na pukuna te liuliomu ge o gonighi ge ra puputu. Keri ke, e manamu sughua, ge kai holohabagho ma kai talumavagho na pukuna nimua na maana maia na malei haba.”