Matthew 7:7 - Na Rongorongo Uto nina Jesus Christ

⁷ “Kau nongia God, ge kau lavia. Kau kenea, ge kau topoa. Kau kidikidi ge a God ke hangavia vanighau na mataula.

Matthew 7:7 Iomraidhean Croise

Vuivuni 26:32

Mi tana bongi keri ghua, nina mane lutu Isaac tara mai bosaa vania nia na tuvu tara ghelia. Mara ghaghua, “Ighai tai topoa tua na beti.”

Buka Linge 10:17

Lord, Ighoe to ghilalai didira na ghanaghana dila rana tinoni bona. E utuni Ighoe ko tangomana na rongoviani didira na tangi mo ko togholuvura.

Buka Linge 10:4

Na vure tangohahi raini ke, tara nia talunagho ngangata na kene tana God. Na pukuna didira na ghanaghana gaira ke, ma God te mate.

Buka Linge 119:12

Holoutogho ighoe, Lord, mo ko taraiu nia nimua na puku ni ghanaghana.

Buka Linge 27:8

Na tobagu te rongovigho tua to bosa, “Mai mo ko kokoe vaniu.” mana tobagu te bosatughu, “Lord inau tu mai.”

Buka Linge 34:4

Inau tu kokoeliulivuti me rongoviu Lord me lavi horuu ta nigua na mataghu.

Buka Linge 37:4

Ko togotogo kolu tatana Lord: me ke vahego na hava te liona na tobamu.

Buka Linge 50:15

Ko ghanaghanau tana bona ko haghagho tana gunaguna mi nau ku vavolagho, mi ghoe ko va heu na talumava.

Buka Linge 69:32

Agaira tara talumurira kara vaevanea a Lord, ta didira na lutu ma kara nia togotogo. A gaira udolu tara kakaea nina na hahanga God kara kabu tana togotogo.

Buka Linge 70:4

Ge ara hei kara kene taonigho ighoe kara nia vonu na togotogo mana rivurivu. Ma ge agaira tara dolovia nimua na maana ni vola kara ghughu talu, ma kara ghaghua, “God te haba vule!”

Buka Linge 86:5

Lord, ighoe to uto vahotua, to avehia na talukeha palu; itamua na dolo te taho ga na pego, vanira tara nongia na hahanga itamua.

Matthew 18:19

Mi nau tu ghoi bosa vanighau so, ‘Tana bona erua itamiu iani pari tana maramana koro nia liovaukolu siki totobo tana kokoeliulivuti ke, ma Tamagu i kokou ke nea vanighau mai.

Matthew 21:22

Ke vagha kau taluutunia God ke, mi ghau kau lavighi na lei totobo soko kau nongighi tana kokoeliulivuti.”

Matthew 6:33

Kau diki kenea mughua na kinakabuna God ma kau kabu maemane, ge ke savungighi vanighau na lei totobo raini.

Matthew 7:11

Hughua ighau na vure dika tau ghilala tua na vaheadira na lei totobo uto na lei dalemiu, me ngiha ghua iga, na Tamamiu i kokou ke vahera na lei totobo uto vanira rahei tara nongighi!

Matthew 7:8

Ma vanira rahei tara nongia, God ke vahera. Ma rahei tara kenea, kara topoa, ma vanira rahei tara kidikidi, God ke hangavia vanira.

Mark 11:24

Mana pukuna keri ge ku bosa vanighau, ahei ke nongia siki totobo nia na kokoeliulivuti me ke puku ni taluutuni, God ke nea na hava te nongia itatana.

Luke 13:25

Na vunaghina na vale ke tughuru me ke vongotia na mataula, mi ghau tau tughuru i pari bebete kau kidikidi ma kau ghaghua, ‘Maghutu, ko hangavia vanighai na mataula!’ “Ma gaia ke bosa tughu vanighau, ‘?Inau tu mua ghilalaghau, ivei tau va butu mai?’

Luke 18:1

Ma Jesus te bosa vavaghaha vanira nina vaovarongo, te taraira ge kara kokoeliulivuti haia, ma kara bei nia lugu gea.

John 15:16

Au mua viliu ighau, mi nau tu vilighau, mu vetenaghau ge kau tona ma kau vangagha uto, na vata ni vavanga ia ke ghaha haia. Mana Tamagu ke vaheghau na hava tua kau nongia tana ahagu.

John 15:7

Ke vagha kau kabu vaukolu itagua, ma nigua na lei bosa ke ghaha itamiu, kau nongia siki totobo kau liona ke, ma God ke vaheghau.

John 4:10

Ma Jesus te bosa tughu vania, “Ge toko ghilalaa nina sonihalavu God, mo ko ghilala ahei te nongigho na inu, keri ge ko nongiu ge ku vahegho na beti maurihali.”

Rome 2:7

Ma gaia God ke hera na vola kasila, vanira rahei tara lutu uto maemane mara kene taonighi na lada mana rongoragha, mana malei haba, mana vola maurihali.

Rome 3:11

Me taho ahei ke loghoa na puku ni manaha, mana kene taoniana God.

Rana Hebrew 11:6

God ke nira togotogo vamua rahei tara taluutuni kakaia, na pukuna siki sakai ke liona na mai tatana ke, me ke taluutunia mughua gaia God i tatada, me ke vahera na taba vanira rahei tara lavilaga na mai tatana.

James 5:15

Ma didira na kokoeliulivuti tara nei ta didira na taluutuni, ke vaa ghaotaa na tinoni vahaghi, ma Lord ke nea ge ke uto. Ma ge ke tangohahi ke, God ke talukehai vania na paluna.

1 John 3:22

Ma God ke vaheghita na lei totobo ta nongighi tatana, na pukuna ta taonighi nina lei vetena ma gehetia na hava te liona God.