Matthew 5:7 - Na Rongorongo Uto nina Jesus Christ

⁷ God ke vautora agaira tara veiarovi, ma God ghua ke arovira gaira;

Matthew 5:7 Iomraidhean Croise

Buka Linge 112:4

Tana bona na pungi, te laga vulera nina vure God, na marara te haghe mai tua. Na pukuna tara hevei tatavahale, mara vei arovi mara kabu maemane.

Buka Linge 112:9

Agaira tara hevei tatavahale vanira tara bona, na nilabudira te uto, ka mua nighi ponolio. Ke vagha ke vaa suasuanighita ma ka ghanaghana mavai.

Buka Linge 18:25

Lord, ighoe to utuni vanira rahei tara taluutuni utunigho; mo uto haliu vanira rahei tara maemane.

Buka Linge 37:26

Na tinoni uto te hevei nia na toba te maghora me uto, me hangara rana keha, ma dalena kara loghoa na vauto.

Daniel 4:27

Aghe na vunaghi haba Nebuchadnezzar, ko rongoviu mai. Ko beto tua na lei gehegehe hahi to nei, mo ko gonia vaso na hava te uto, mo ko lio uto vanira tara bona. Sogea ko tona haliu tua na kabu uto.”

Mark 11:25

Tana bona kau kokoeliulivuti, ma kau rutu vania so siki sakai ke, kau diki talukehai vania na paluna, ge a Tamamiu i kokou ke talukehai vanighau ghua na palumiu.”

Luke 6:35

“Kau dolovira ghamiu na kana, ma kau gehegehe uto vanira! Kau vahera na lei totobo ma kau bei ghanaghana kara tughuolighi vanighau. Keri vaho ge kau lavia na tabamiu ikokou ke sule au vaa, ge ighau kau dalena God te haba i kokou. Agaia te liodolovira arahei tara mua holoutoa gaia, maira rana tangohahi.

Rome 11:30

Idania ighau rana mua Jew tara diua God haia. Mi taeni, na pukuna rana Jew tara tughuru sania nina veiarovi, God te arovighau me hangaghau so.

1 Corinthians 7:25

Itaeni ku bosatughui na lei huahuati didira na lei vaivine vaolu tara mua taulaghi mua. Inau tu mua loghoa siki vetena vanira itatana Lord. Ma Lord te viliu ge ku lutu vania, mi ta nina veiarovi te vaheu mai na manaha, keri ge kau tangomana na taluutuniana na hava ku tuvalia vanighau.

2 Corinthians 4:1

Keri ke, na pukuna God ta nina veiarovi ge vaheghai mai na lutu eni, ma kai bei ghoi murilio gea.

Ephesus 4:32

Hauva, kau sopa veidolovighau heghemiu, ma kau veiarovi, ma kau talukehai na paludira rana taluutuni, me te vagha ghua God te talukehai na palumiu itatana Christ.

Colosse 3:12

Keri ge God te dolovighau me vilighau tua ge kau nina taba ni vure tabu, ma kau kuvihighau nia na veiarovi, na liouto mana dolo, na kabu kikinima, na lio mabo, mana kabu rurughu.

1 Timothy 1:13

Aeni te utuni, sakai vamua tana vuivuni tu bosa dikalaa na Ahana Christ, mu nira ghighirou. Mu hilivira mu ku torora nina vure ke, hauva ma God te aroviu so na pukuna tu mua ghilalaa na hava tu nea, tana bona tu mua taluutunia mua.

1 Timothy 1:16

Ma keri te vaghaa ge aroviu God ge ku ladavaghinia Jesus Christ ge ke tatea mai nina veiarovi itagua, me ke nilabu vanira rana tangohahi, ge ma gaira ghua kara taluutunia gaia, ma kara loghoa na vola maurihali.

Rana Hebrew 4:16

Keri ge ka mai mughua ta dida na God, ma ka bei mataghu na pukuna te arovighita. Igaa ka lavia nina veiarovi, ma ka topoa iga na sonihalavu te hangaghita tana bona vahola.

Rana Hebrew 6:10

God te gonia na hava te maemane haia. Ma gaia ke mua nia ponolio ivei tau nea na lutu laga vaniana, mi vei tau nea na tateana nimiu na dolo vaniana, tana hangadira na lei tinoni taluutuni, te vaghaa tau nea so itaeni.

James 2:13

Tana bona God ke detera rana vure, gaia ke mua arovira rahei tara mua arovira rana keha. Hauvaa, ma rahei tara arovira rana keha, kara mua lavia siki totoro itatana God.

James 3:17

Hauvaa ahei te loghoa na ghanaghana manaha eni te vahea God ikokou, gaia te kabu maemane. Gaia te liona ge kabu mabo, me dolovira na lei tinoni, me liouto ge ke rongovira rana keha. Gaia te arovira rana vure, me goni talaui na lei gehegehe uto. Me mua ghanaghana balu na vure tara haba vulera rana balu, me ke mua pegopego.

1 Peter 2:10

Tana lei bona te padi, tau mua nina tinoni God, mi taeni vaho ge au nina tinoni. Mi tana bona te padi tau mua lavia mua nina veiarovi God, mi taeni vaho ge God te arovighau mi ghau tau lavia nina veiarovi.